باپ جگر گوشے کی لاش تھیلے میں لیجانے پر مجبور


0

بھارت میں انتظامیہ کی بے حسی کی وجہ سے باپ اپنے جگر گوشے کی لاش کو تھیلے میں ڈال کر ساڑھے تین کلومیٹر پیدل چل کر اسپتال پہنچا، اس دلخراش واقعے کی ویڈیو دیکھ کر ہر آنکھ بھر آئی۔

اے آر وائی نیوز کے مطابق بے حسی کا یہ انسانیت سوز واقعہ بھارتی ریاست بہار میں پیش آیا جس میں ایک شخص اپنے جگر گوشے کی لاش کو پلاسٹک کے تھیلے میں رکھ کر تین کلو میٹر دور اسپتال لیجانا پڑا۔

اس واقعے کے حوالے سے اے آر وائی نیوز کی جاری کردہ رپورٹ میں بتایا گیا ہے کہ بہار کے علاقے کٹیہار کا یہ غریب شخص جس کا نام لیرو یادوو ہے، اپنے بیٹے کی لاش پولیس کی طرف سے گاڑی نہ دینےکے بعد پلاسٹک کے تھیلے میں لے جانے پر مجبور ہوا۔ بھارتی میڈیا رپورٹس میں بتایا گیا ہے کہ اس شخص کا 13 سالہ بیٹا ندی میں ڈوب گیا تھا، جس کی لاش تین دن بعد برآمد ہوئی۔

Image Source :Screengrab

لاش کی برآمدگی اور پولیس انکوائری کے بعد جب پوسٹ مارٹم کے لئےاس شخص نےاپنے مردہ بیٹے کی لاش اسپتال لے جانے کے لیے ایمبولینس مانگی تو ریسکیو اداروں نے گاڑی دینے سے انکار کردیا۔ انتظامیہ کے اس ناروا سلوک کی وجہ سے غریب باپ نے اپنے جگر گوشے کی خستہ حال لاش کو تھیلے میں ڈال کر ساڑھے تین کلومیٹر پیدل چل کر اسپتال کا سفر طے کیا۔ جب کہ اسپتال میں موجود عینی شاہدین کے مطابق متاثرہ شخص نے ایمبولینس نہ ملنے کے بعد پولیس حکام سے گاڑی دینے کی درخواست کی تو اہلکاروں نے اُسے گاڑی دینے سے صاف انکار کردیا۔

Image Source: Screengrab

بھارتی میڈیا میں اس شخص کی پلاسٹک کے تھیلے میں اپنے بیٹے کی لاش لیجانے کی ویڈیو وائرل ہوچکی ہے اور اس افسوسناک واقعے کی ویڈیو دیکھ کر ہر دل اداس اور ہر آنکھ اشکبار ہے۔ تاہم ،میڈیا میں یہ واقعہ رپورٹ ہونے کے بعد بھارتی پولیس حکام حرکت میں آگئی اور کٹیہار کے ایس ڈی پی نےاس حوالے سے موقف اختیار کیا کہ وہ معاملے کی تحقیقات کر رہے ہیں۔ انہوں نے مزید کہا کہ دیکھ رہے ہیں کہ پولیس سے گاڑی طلب کی گئی تھی یا نہیں؟ اور انہیں ایمبولینس اور پولیس کی گاڑی سے منع کیوں کیا گیا۔

گزشتہ دنوں بھی انتظامیہ کی بے حسی کی وجہ سے بھارتی ریاست حیدرآباد میں ایک خاتون انتقال کر گئی۔پولیس کے مطابق سیلاب سے متاثرہ 50 سالہ منور النساء نامی یہ خاتون امداد ملنے کے انتظار میں حیدرآباد کے میسیوا سینٹر میں اپنی باری کے لئے صبح 6 بجے سے کھڑی ہوئی تھیں اور 11.30 بجے ان کی موت واقع ہوگئی۔ یہ خاتون امداد ملنے کے طویل انتظار کے سبب انتقال کرگئیں۔

NEWS COURTESY: ARY NEWS


Like it? Share with your friends!

0

What's Your Reaction?

hate hate
1
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format