دس بھارتی ریاستوں میں 27 خواتین سے شادی کرنیوالا شہری گرفتار

انسان جب بغیر کسی محنت کے دولت کی ہوس میں مبتلا ہوجاتا ہے تو اس کی آنکھوں پر لالچ کی پٹی بندھ جاتی ہے اور پھر وہ کچھ بھی کر گزرتا ہے۔ اس ہی ایک واقعہ پڑوسی ملک میں پیش آیا ہے ، جس میں انڈیا کی 10 ریاستوں میں 27 خواتین کے ساتھ مبینہ طور پر شادی کرنے والے ایک شہری کو بھارتی ریاست اوڈیشہ سے گرفتار کیا گیا۔

بیبھو پرکاش سوین نامی شخص جس کی عمر 66 سال ہے اور اس کی گرفتاری رواں ماہ عمل میں آئی ہے۔ پولیس اس شخص کو”سب سے بڑا جعلساز” قرار دی رہی ہے کیونکہ اس شخص نے پیسے بٹورنے کے لئے دہلی، آسام، جھاڑکھنڈ سمیت 10 بھارتی ریاستوں میں کم از کم 27 خواتین سے شادیاں کیں۔ ملزم نے اس بات کا اعتراف کیا ہے شادیوں کے علاوہ اس نے 13 بینکوں کو مبینہ طور پر جعلی کریڈٹ کارڈز کے ذریعے 10 ملین بھارتی روپے کی رقم کا دھوکہ دیا ، نیز حیدرآباد میں لوگوں کو ان کے بچوں کے لئے ایم بی بی ایس کورس کی نشستیں حاصل کرنے کا جھوٹا وعدہ کرکے 20 ملین کی رقم بٹوری۔

Image Source: File

اوڈیشہ میں بھونیشور کے پولیس ڈپٹی کمشنر کے مطابق یہ شخص خود کو ڈاکٹر متعارف کرواتا اور اعلیٰ تعلیم یافتہ خواتین سے شادی کرتا جبکہ پیرا ملٹری فورس میں کام کرنے والی ایک خاتون بھی متاثرہ خواتین میں شامل ہے۔ ڈپٹی کمشنر کے کہنا ہے کہ اس کا مقصد محض پیسوں کے عوض شادی کرنا تھا اس لئے اس نے خواتین کی بے بسی کا پورا فائدہ اٹھایا اور جال بچھا کر انہیں پھنسایا۔

Image Source: File

ابتدائی تفتیش میں بتایا گیا ہے کہ اس نے اپنے متاثرہ خواتین سے 100،00 سے 200,00 تک کی رقم اکٹھے کی۔پولیس نے تفتیش میں اس بات کا بھی انکشاف کیا کہ سوین درمیانی عمر یا 40 سال سے زائد عمر کی ایسی خواتین سے رابطہ کرتا جو طلاق یافتہ ہوتیں اور خاندانی مسائل سے نبردآزما تھیں اور شادی کے ذریعے سماجی دباؤ سے بچنے کی کوشش کررہی تھیں۔ پولیس کو اس کے موبائل فون میں اس کی متعدد بیویوں کے نمبر ملے ہیں جن کے نام “بیوی ایک”، “بیوی ڈاکٹر” یا “بیوی ٹیچر” کے طور پر محفوظ ہیں۔ اس نے ایک پولیس افسر، ایک چارٹرڈ اکاؤنٹنٹ، اساتذہ اور حتیٰ کہ وکلاء سے شادی کی۔

مزید پڑھیں: گوری کی ریکویسٹ دیکھیں، تو فوراً بلاک کردیں، نوجوان نے خبر دار کر دیا

سوین کی سوتیلی ماں اور اس کے آبائی گاؤں سے تعلق رکھنے والے بھائی نے بتایا کہ وہ اس بات سے بے خبر تھے کہ وہ کس بڑے پیمانے پر یہ سب کر رہا ہے۔ اس کی ماں نے بتایا کہ سوین نے پہلی شادی 1979 میں قریبی گاؤں کی لڑکی سے کی تھی اور اس جوڑے کے دو بیٹے اور ایک بیٹی تھی۔ تاہم، شادی ٹوٹ گئی اور سوین نے دوسرے شہر کے ایک ڈاکٹر سے دوبارہ شادی کرلی۔ سوین کو اس وقت گرفتار کیا گیا جب اس کی ایک بیوی نے پولیس میں شکایت درج کرائی۔

اسی نوعیت کا ایک واقعہ گزشتہ برس ساہیوال میں پیش آیا تھا، جس میں شادی کے نام پر پندرہ خواتین کی زندگی برباد کرنیوالے فراڈیے کے بیٹے کو پولیس نے گرفتار کرلیا تاہم شادی کرنے والا فراڈیا تاحال فرار ہے۔ اس شخص کی شادیوں کا بھانڈا اس کی پندرہویں بیوی نے پھوڑا، بیوی نے شک کی بنیاد پر پولیس کو اطلاع دی اور سارا معاملہ سامنے آگیا۔

Ahwaz Siddiqui

Recent Posts

پاکستان میں روبوٹکس کی تعلیم تک رسائی بڑھانے کے لیے پائی اسپیس سائنس ایجوکیشن سینٹر کی توسیعی سرگرمیاں

پاکستان بھر میں پسماندہ طبقات، لڑکیوں اور معذور طلبہ کے لیے روبوٹکس کی تعلیم کے…

2 weeks ago

کوک اسٹوڈیو Nu.WAV کا پانچواں گانا ’’قسم‘‘ ریلیز، شے گل اور افیوسک کی آوازوں کا منفرد امتزاج

کوک اسٹوڈیو Nu.WAV نے اپنے چھٹے اور آخری میوزیکل ریلیز سے قبل پانچواں گانا ’’قسم‘‘…

2 weeks ago

کوک اسٹوڈیو Nu.WAV کی چوتھی پیشکش ’’شبنم‘‘ ریلیز، مانو اور زوہا وسیم کی آوازوں کا منفرد امتزاج

لاہور: کوک اسٹوڈیو Nu.WAV نے اپنے میوزک پروجیکٹ کی چوتھی پیشکش ’’شبنم‘‘ ریلیز کر دی،…

4 weeks ago

آئی ٹیل انرجی کی سولر پاکستان ایکسپو میں جدید بیٹری کی نمائش، کمرشل و صنعتی شعبے میں توسیع کا اعلان

آئی ٹیل انرجی نے سولر پاکستان ایکسپو 2026ء میں جدید جنریشن ٹو بیٹری، آر ای…

1 month ago