بابراعظم اور ہانیہ عامر کا کیا رشتہ ہے ؟ہانیہ نے بتا دیا۔

 پاکستان ڈرامہ  انڈسٹری کی شوخ و چنچل اداکارہ ہانیہ عامر نے پاکستان کرکٹ ٹیم کے کپتان بابر اعظم کے ساتھ نام جوڑے جانے پر اپنا بیان جاری کردیا۔
گزشتہ روز سے سوشل میڈیا پلیٹ فارم ایکس  پر  مختصر کلپس پر مبنی  ایک ویڈیو  گردش کر رہی ہے جس میں عامر اور بابر کے انٹرویوز کی کلپ شامل کی گئی ہے۔ ویڈیو میں دونوں ایک دوسرے کی تعریف کرتے نظر آرہے ہیں

Hania Aamir Babar Azam

وائرل ویڈیو میں ہانیہ عامر کو بابر اعظم کو کیوٹ کہتے ہوئے دیکھا جاسکتا ہے جبکہ بابر اعظم نے ایک انٹرویو کے دوران ہانیہ عامر کے ساتھ کام کرنے کی خواہش کا اظہار کیا تھا۔ اور پھر دونوں کو  بلیک ڈر یس میں تیار ہو کر ایک ہی  کار میں سفر کرتے بھی دیکھا جاسکتا ہے۔

اس ویڈیو کے وائرل ہونے کے بعد سے سوشل میڈیا پر بابر اعظم کا نام ہانیہ عامر کے ساتھ جوڑا جا رہا تھا اور دونوں سپر اسٹارز کے مداح تمام سوشل میڈیا پلیٹ فارمز پر ہانیہ عامر کو ’بھابھی‘ کہہ رہے تھے۔
ہانیہ عامر کی حالیہ جاری انسٹاگرام پوسٹ کے کمنٹ سیکشن میں سوشل میڈیا صارفین کثرت سے یہ لکھتے نظر آرہے ہیں کہ ’ ہماری بھابھی کیسی ہو ؟ ہانیہ عامر جیسی ہو‘ اور ’ کنگ بابر اور ہانیہ عامر بہترین جوڑی ہے‘۔ 

تاہم ویڈیو وائرل ہونے کے بعد اداکارہ نے اپنے حوالے سے بابراعظم سے منسلک ان قیاس آرائیوں کی تردیکردی اور سوشل میڈیا  پر   ان افواہوں کو بے قابو ہوتے دیکھ کر اب ہانیہ عامر نے ایک صارف کے کمنٹ کا جواب دے دیا ہے۔

اداکارہ نے گزشتہ روز سے جاری تمام افواہوں پر واضح طور پر فل اسٹاپ لگاتے ہوئے لکھا کہ ’بابر بھائی ہیں، برو‘ ۔

جہاں ہانیہ کا یہ کمنٹ بابر اعظم کے حوالے سے پھیلنے والی خبروں کی تردید کرگیا وہیں اس اسٹار جوڑی کو شادی کے بندھن میں بندھتا دیکھنے کے خواہش مند افراد کو مایوس بھی کرگیا۔