عثمان پیرزادہ نے ثمینہ کیساتھ کیسے شادی کی؟ اداکار کاماضی کی زندگی کے بارے میں بڑا انکشاف

پاکستان شوبزانڈسٹری کے مقبول اور لیجنڈری اداکارعثمان پیرزادہ نے مقبول اداکارہ اور اپنی  بیوی ثمینہ پیرزادہ سے اپنی خفی نکاح اور  شادی سے متعلق ایک حیرت انگیز انکشاف کیا ہے۔

ویڈیو شیئرنگ پلیٹ فارم یوٹیوب کے چینل کے پوڈ کاسٹ میں انٹرویو دیتے ہوئے عثمان پیر زادہ نے اپنی اپنی ذاتی زندگی، ثمینہ پیرزادہ سے شادی اور دیگر موضوعات پر تفصیلی گفتگو کی۔

عثمان پیرزادہ کو شوبز انڈسٹری میں نصف صدی سے زائد کا عرصہ گزر چکا ہے، انہوں نے پاکستان ٹیلی وژن (پی ٹی وی) کے ڈراموں میں اداکاری سے کیریئر کا آغاز کیا تھا۔

ان کی طرح ان کی اہلیہ اداکارہ ثمینہ پیرزادہ نے بھی پی ٹی وی سے اداکاری کا آغاز کیا اور دونوں نے متعدد ڈراموں میں ایک ساتھ اداکاری بھی کی۔

یہ جوڑا 50 سال سے ایک ساتھ ہے 48 سال سے شادی شدہ ہے اور وہ اب بھی مضبوطی سےرشتے کے حسین بندھن میں چل رہے ہیں ۔

Samina Peerzada Usman Shadi

عثمان پیرزادہ نے بتایا کہ بچپن کے دور میں، میں وہ لڑکا تھا جو دوسروں کو لیکچر دیتا تھا کہ 35 سال سے قبل شادی نہیں کرنی لیکن میں نے 21 سال کی عمر میں شادی کرلی اور ثمینہ 17 سال کی تھیں۔

انہوں نے کہا کہ ہم نے گھر سے بھاگ کر سب سے چھپ کر شادی کی تھی۔

ثمینہ پیر زادہ سے میری پہلی ملاقات راولپنڈی ٹی وی اسٹیشن میں ہوئی تھی ، اس ملاقات کے تیسرے دن ہی ثمینہ نے مجھے شادی کی پیشکش کی جس پر حیران رہ گیا تھا۔

اُن کا کہنا تھا کہ جب میری ثمینہ پیرزادہ سے پہلی ملاقات ہوئی تو وہ 17 برس کی اور میں 21 برس کا تھا، پہلے دوستی اور پھر محبت ہوئی،

انہوں نے بتایا کہ محبت ہونے کے بعد میں ثمینہ کے گھر رشتہ لے کر گیا تو ان کی والدہ نے یہ کہہ کر انکار کر دیا کہ میری ہوائی روزی ہے ، ان کا کہنا تھا کہ میں اداکاری چھوڑ کر نیوی جوائن کر لوں کیونکہ ان کے خاندان کے بیشتر افراد نیوی میں تھے۔

عثمان پیرزادہ نے کہا کہ “میں جاوید جبار کی فلم کررہا تھا، شوٹنگ کے آخری دن، میں اور ثمینہ ایک جگہ کافی پی رہے تھے تو اُسی دوران ثمینہ نے کہا چلو آج نکاح کرلیتے ہیں”۔جس پر میں نے فوری طور پر اپنے دوست سے رابطہ کیا۔   ۔

اداکار نے کہا کہ “اُس کے بعد، ہم دوست کے گھر گئے وہاں ایک مسجد میں جاکر مولانا سے نکاح پڑھانے کا بولا، پہلے تو مولانا صاحب حیران ہوگئے اور پھر بعد میں وہ سمجھ گئے تھے کہ ہم چُھپ کر نکاح کررہے ہیں”.

لیجنڈری اداکار نے مزید بتایا کہ ان دنوں لاہور سے کراچی آیا ہوا تھا اور نکاح کے بعد ثمینہ کی والدہ کے پاس مٹھائیاں لے کر پہنچ گیا اور انہیں تمام صورتِ حال سے آگاہ کیا تو ثمینہ کی والدہ پہلے حیران اور پھر ناراض ہو گئیں۔

انہوں نے بتایا کہ اس کے بعد لاہور میں اپنے بڑے بھائی کو فون کر کے اپنی شادی کے بارے میں بتایا تو وہ بہت حیران ہوئے اور امی کو لے کر کراچی آ گئے جب گھر والے مان گئے تو انہیں ثمینہ کی والدہ سے ملوایا، اس طرح کچھ دنوں میں سب ٹھیک ہو گیا تو گھر والوں کی رضا مندی سے رخصتی لی۔

اداکار نے مزید کہا کہ “ہماری شادی کو 12 سال گُزر چکے تھے لیکن ہم اولاد کی نعمت سے محروم تھے، پھر اللہ نے ہمیں بیٹی کی رحمت سے نوازا، خوش قسمتی سے کچھ عرصے بعد ہمارے یہاں دوسری اولاد بھی بیٹی ہی ہوئی”۔