شاہ رخ خان کوئٹہ اور ٹیلرسوئفٹ لاہور پہنچ گئے مگر کیسے؟

پاکستان کے ایک آئی ٹی ماہر اور مصنوعی ذہانت سے تصاویر بنانے والے ایک فنکار نے دنیا کے مشہورفلمی ستاروں اور کھلاڑیوں کی تصاویر کو مصنوعی ذہانت (اے آئی) کی بدولت پاکستانی لباس کے ساتھ پاکستانی ماحول میں پیش کیا ہے۔ ان  تصاویرکی حیرت انگیز  طورپر تعریف کی گئی   ہے۔

ان تصاویر میں سیلینا گومیز روایتی شلوار قمیض میں دکھائی دے رہی ہیں تو دوسری جانب شاہ رخ شوخ رنگت کا سوٹ پہنے سخت  پتھریلے پہاڑیوں میں خوش دکھائی دے رہے ہیں۔

ٹیلر سوئفٹ پاکستان میں گنگناتے ہوئے

Artist Imagines Celebrities In Pakistan

مشین لرننگ اور مصور کی اپنی مہارت کے تحت اب شاندار فن پارے منظرِ عام پرآرہے ہیں جن میں ایک نیا   اضافہ صبور اکرم کا ہے جنہوں نے مصنوعی ذہانت کی بدولت بہت ہی دلچسپ تصاویر بناکر سوشل میڈیا پر پوسٹ کررہے ہیں۔

ان کی تصاویر پر پاکستان کے علاوہ بھارتی ویب سائٹ نے بھی خبریں لگائی ہیں اور اس کام کو سراہا ہے۔ایڈوب  فوٹوشاپ، مڈ جرنی اور پروکری ایٹ نامی سافٹ ویئر کی مدد سے صبور نے شاہ رخ خان، بابر اعظم، ماہرہ خان، ویرات کوہلی، کِم کرڈاشیئن، ٹیلرسوئفٹ، کرسٹیانو رونالڈو، سیلینا گومیز اور میسی وغیرہ کی تصاویر بنائی ہیں۔

کئی فنکار پاکستانی روایتی لباس میں پاکستانی ماحول میں دیکھے جاسکتے ہیں۔ خواتین پھولدار شلوار قمیض، دوپٹے اور روایتی لباس میں نمایاں ہیں۔ تاہم شاہ رخ خان کو دیکھ کر آئرن مین کی یاد آتی ہے۔

تاہم کچھ ٹائم پہلے آرٹسٹ نے مشہور پاکستانی اداکاروں کو گلابی کپڑے پہنا کر انہیں باربی والے انداز میں ان کی اے آئی تصاویر بھی شیئر کیں تھیں

ا