فلک شبیر نے سارہ خان کو ایسا کیا تحفہ دے دیا کہ سارہ خان رو پڑی؟

معروف گلوکار فلک شبیر کی جانب سے خواب پورا کرنے پر ان کی اہلیہ و اداکارہ سارہ خان خوشی سے آبدیدہ ہوگئیں۔

فلک شبیر اکثر وبیشتر سارہ خان  سے  اپنی محبت کا اظہار کرنے کے لیے خوبصورت تحائف دیتے ہیں جس کی ویڈیوز بھی سامنے آتی رہتی ہیں۔

Falak Shabir Gifts Sarah Khan

پاکستانی گلوکار فلک شبیر نے اپنی اہلیہ و اداکارہ سارہ خان کو تحفے میں ان کے خوابوں کا گھر (فارم ہاؤس) گفٹ کیا ہے جسے دیکھ کر سارہ خان پہلے تو کافی حیران ہوئی اور پھر اپنے جذبات پر قابو نہ رکھ سکیں اور ان کی آنکھوں سے آنسو نکل پڑے۔

حال ہی میں فلک شبیر نے اپنے یوٹیوب چینل پر ایک وی لاگ شیئر کیا جس میں انہوں نے سارہ کو تحفے میں دیا گیا فارم ہاؤس دکھایا۔

:مذید پڑھیں

ماہرہ خان نے تحفہ چرانے والےچور کو کیا بد دعا دی؟

فلک شبیر نے بتایا کہ وہ گزشتہ ڈیڑھ سال سے اہلیہ کیلئے فارم ہاؤس بنوارہے تھے۔

فلک کے فارم ہاؤس کو باہر سے دیہاتی طرز پر تعمیر کیا گیا ہے اور اندر اسے جدید چیزوں سے آراستہ رکھا گیا ہے جب کہ فارم ہاؤس میں انگور، انجیر ، کینو اور فالسے کے درخت بھی ہیں۔

رواں برس ہی فلک شبیر نے اداکارہ سارہ خان اور بیٹی عالیانہ فلک کو مرسڈیز بینز تحفے میں دی تھی۔

شادی کی چوتھی سالگرہ کے موقع پر فلک شبیر نے اسٹوری اپڈیٹ کی جس میں انہوں نے آئی فون 16 پرو میکس کی تصویر شیئر کرتے ہوئے سارہ کو ٹیگ کیا اور بتایا کہ شادی کی سالگرہ پر یہ آپکے لیے ایک تحفہ ہے۔