فرفر انگلش قابلیت کا معیار بن گئی، ریسٹورنٹ میں مینجر کی تضحیک


0

آج کل انگریزی زبان کو ضرورت کے علاوہ دوسروں پر رعب جمانے کے لیے استعمال کرنا ذیادہ عام ہوتا جارہا ہے۔ دوسرے کے سامنے انگریزی کے دو چار جملے جھاڑ کر سمجھا جاتا ہے کے ہم نے اپنی قابلیت کا لوہا منوالیا۔

آج کے دور میں یہ سمجھا جاتا ہے کہ جو انگریزی بول رہا ہے وہ بہت ذہین ہے جبکہ دوسروں کمتر ہیں۔ یہی نہیب بلکہ اپنی قومی زبان اردو کا استعمال باعث شرمندگی سمجھا جانے لگا ہے۔ افسوس کہ ہمارے معاشرے میں ذہانت، شخصیت، قابلیت جانچنے کا معیار غیر ملکی زبان انگریزی ہے اور اردو بولنے پر قابلیت اور ڈگری دونوں پر شک کیا جاتا ہے۔

اس کی ایک تازہ مثال ہمارے سامنے ہے، سوشل میڈیا پر ایک ویڈیو وائرل ہورہی ہے جس میں دو ماڈرن خواتین جو کہ خود کو اسلام آباد کے ایک اعلیٰ پایہ ریسٹورنٹ ”کینولی کیفے سول” کا مالک بتاتی ہیں وہ اس ریسٹورنٹ کے منیجر کو بلا کر اس کے ساتھ انگریزی میں بات چیت کرتی ہیں۔ جب کہ منیجر کی انگریزی اتنی اچھی نہیں ہوتی جس پر وہ اس کا مذاق بناتی ہیں اور تمسخر اڑاتے ہوئے ہنستی بھی ہیں۔ اس ویڈیو میں وہ خواتین منیجر سے انگریزی میں پوچھتی ہیں کہ آپ کو ہمارے ساتھ کام کرتے ہوئے کتنا عرصہ ہوگیا؟ تو وہ جواب دیتا ہے کہ 9 برس۔ ساتھ ہی وہ یہ سوال کرتی ہیں کہ انگریزی کتنے عرصے میں سیکھی ؟ تو وہ بتاتا ہے کہ ایک سال اور چھے ماہ میں۔

اس کے بعد خاتون کہتی ہیں کہ ذرا اپنا تعارف انگریزی میں کروائیے۔ اس پر منیجر پہلے تو جھینپ جاتا ہے اور پھر بولتا ہے کہ میرا نام اویس ہے اور میں یہاں منیجر کی نوکری کرتا ہوں اور بس۔ اس کے بعد منیجر کی انگریزی ختم ہو جاتی ہے اور وہ شرمندہ ہو کر چپ ہوجاتا ہے۔ جس پر دونوں ماڈرن خواتین ان کا مذاق بناتے ہوئے تضحیک آمیز لہجے میں کہتی ہیں کہ آپ اندازہ لگائیں اس شخص کے ساتھ ہم اتنے عرصے سے کام کررہے ہیں اور اسے انگریزی کا ایک لفظ نہیں آتا جبکہ یہ ہمارے اتنے اچھے ریسٹورنٹ کا منیجر ہے۔ ان الفاط پر ریسٹورنٹ منیجر اویس خاموشی سے کھڑا رہتا ہے کہ اس کے پاس سوائے شرمندگی سے سر جھکانے کے علاوہ دوسرا کوئی راستہ نہیں ہوتا۔

ماڈرن خواتین کے ہاتھوں مینجر کی بے عزتی کی یہ ویڈیو سوشل میڈیا پر آتے ہی وائرل ہوگئی ہے اور صارفین دونوں ماڈرن خواتین کو خوب تنقید کا نشانہ بنا رہے ہیں اور کہا جارہا ہے کہ انہیں اپنے منیجر کی عزت نفس کا ذرا بھی خیال نہیں۔ عام صارفین کے علاوہ سیلبرٹیز بھی اس واقعے پر خاموش نہیں بیٹھے ہیں اور شنیرہ اکرم ، علی گل پیر اور شفاعت علی سمیت دیگر نے بھی اس ویڈیو پر ٹوئٹ کیا ہے۔ تاہم سوشل میڈیا صارفین نے اس تحضیک آمیز ویڈیو پر “بائے کاٹ کینولی” کا ٹرینڈ بھی چلا دیا ہے۔

فر فر انگریزی زبان بولنا ہمارے معاشرے کا بہت بڑا المیہ ہے جسے ہم نے خود ساختہ طور پر معیار بنالیا ہے ہمیں یہ سوچنے کی ضرورت ہے کیا واقعی ہماری قابلیت اور ذہانت کا دارو مدار صرف انگلش ہے۔ یاد رکھیں کسی معیار کی تبدیلی کے لیے سوچ کی تبدیلی ضروری ہے صرف انگریزی آنے سے اچھے اخلاق کا مظاہرہ یا پھر اسٹیٹس کا پتا نہیں چلتا بلکہ اچھے اخلاق اور خلوص انسان کی پہچان ہوتا ہے۔


Like it? Share with your friends!

0

What's Your Reaction?

hate hate
1
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format