منگل کے روز روالپنڈی میں پولیس نے ایک ہولناک ویڈیو کھ منظر عام پر آنے کے بعد ایک شخص کو گرفتار کیا تھا، جس نے اپنے بیٹے کو بغیر اجازت پھل کھانے پر وحشیانہ تشدد کا نشانہ بنایا تھا۔
تفصیلات کے مطابق بنی پولیس اسٹیشن (پی ایس) کی حدود میں مقیم طیب نامی کمسن کے خلاف تشدد کی ایک ویڈیو حال ہی میں وائرل ہوئی ہے۔ جس میں نوید نامی ایک ظالمانہ شخص کو بے دردی سے اپنے سوتیلی کو پلاسٹک کے پائپ سے تشدد کا نشانہ بنایا جاتے دیکھا جاسکتا ہے کیوں؟ کیونکہ اس نے اس کی اجازت کے بغیر پھل کھایا تھا۔
وائرل ویڈیو میں مزید دیکھا جاسکتا ہے کہ متاثرہ بچہ تشدد کے مارے روتا ہوا بار بار کہتا ہے کہ اس نے پھل نہیں کھائے ہیں۔ لیکن ظالم باپ کسی کی سننے کو تیار نہیں جبکہ بچے کی والدہ بھی شوہر کے تشدد کو روکنے میں ناکام دیکھائی دیتی ہیں۔
بعدازاں واقعے کی ویڈیو وائرل ہونے پر پولیس کی جانب سے بچے کے سوتیلے باپ کو حراست میں لے لیا جاتا ہے، ملزم کی شناخت محمد نوید کے نام سے ہوئی ہے، جس کے خلاف بنی پولیس اسٹیشن میں مقدمہ بھی درج کرلیا گیا ہے۔
اس واقعے کی تفصیلات فراہم کرتے ہوئے پولیس ترجمان کا کہنا تھا کہ سٹی پولیس افیسر (سی پی او) محمد احسان یونس کی جانب اس واقعے کا نوٹس لیتے ہوئے واقعے میں ملوث ملزم کو فوری طور پر تلاش کرکے گرفتار کرنے کا حکم دیا تھا۔ جس کے بعد پولیس نے ملزم کے خلاف معلومات اکھٹا شروع کی اور ملزم کو گرفتار کرلیا۔
متاثرہ بچے نے دوران تفتیش انکشاف کیا کہ محمد نوید نامی شخص اس کا سوتیلا باپ ہت، جس نے اسے گھر میں پلاسٹک کے پائپ سے محض اس لئے تشدد کا نشانہ بنایا کہ اس نے پھل کھائے تھے۔ جس پر پولیس نگ نوید کے خلاف مقدمہ درج کرکے تحقیقات کا آغاز کردیا ہے۔ جبکہ متاثرہ بچے کو میڈیکل چیک اپ کے لئے اسپتال منتقل کردیا گیا ہے۔ اس موقع سی سی پی او روالپنڈی کا کہنا تھا کہ بچے کو عدالت سے انصاف دلوائیں گے۔
یہاں یہ بات افسوس کے ساتھ کہنا پڑھتی ہے ہمارے ملک میں بچوں کو والدین یا گھر کے دیگر بڑوں کی جانب سے تشدد کا نشانہ بنانا کوئی بڑا مسئلہ نہیں سمجھا جاتا ہے، ہاں اگر کوئی مندرجہ بالا قسم کی کوئی ویڈیو سامنے آجائے تو ایکشن لے لیا جاتا ہے، لیکن ان معاملات کو زیادہ اہمیت نہیں دی جاتی ہے، چنانچہ ایسے واقعات میں کمی کی بجائے روز بروز اضافہ ہورہا ہے۔
یاد رہے ایسا ہی ظلم و بربریت کا ایک واقعہ چند روز قبل صوبہ بلوچستان کے علاقے ہندوسوز میں پیش آیا تھا جہاں شریف الدین نامی شخص نے گھریلو ناچاقی پر اپنے ہی دو سگے بیٹے 19 سالہ شریف اللہ اور 17 سالہ محمد شفیق کو گولیاں مار کر قتل کردیا، بعدازاں ملزم جائے وقوعہ سے فرار ہوگیا تھا۔
گزشتہ برس روالپنڈی میں ہولناک تشدد کا ایک اور واقعہ پیش آیا تھا، جہاں 8 سالہ ملزمہ کو مالکان نے محض اس لئے بدترین تشدد کا نشانہ بنایا تھا کہ اس غلطی سے ایک قیمتی پرندہ آڑ گیا تھا۔ بعدازاں واقعہ کی تفصیلات وائرل ہونے پر مرکزی ملزم کو گرفتار کرلیا گیا تھا۔
0 Comments