اسد عمر جہاز میں سیٹ نہ ملنے پر برہم، عملے کی دوڑیں لگ گئیں

وفاقی وزیر اسد عمر جہاز میں سیٹ نہ ملنے پر قومی ائیر لائن کے عملے پر برہم ہوگئے اور سیٹ نہ ملنے کی وجہ سے جہاز سے اتر گئے۔

اسلام آباد سے کراچی آنے والی پاکستان انٹرنیشنل ائیرلائنز (پی آئی ای) کی پرواز میں وفاقی وزیراسد عمر کو اس وقت پریشانی کا سامنا کرنا پڑا جب جہاز میں ان کی سیٹ کسی دوسرے مسافر کو الاٹ کردی گئی۔ تفصیلات کے مطابق اس معاملے پر اسد عمر کی جہاز کے عملے سے بحث ہوئی جس کی وجہ سے پرواز بھی ایک گھنٹے تاخیر کا شکار ہوئی۔ فلائٹ کے دوران پیش آنے والے اس ناخوشگوار واقعے کی ویڈیو جہاز میں سوار ایک مسافر نے بنائی۔

Image Source: Facebook

اس ویڈیو میں وفاقی وزیر کو ہوائی جہاز کے عملے اور مسافر سے بحث کرتے ہوئے دیکھا جاسکتا ہے، ویڈیو میں وہ کہہ رہے ہیں کہ ٹکٹ خریدا ہے، سیٹ پر کوئی اور بیٹھا ہے، ایک گھنٹے سے تماشہ چل رہا ہے، پیسے دے کر ٹکٹ خریدا ہے۔ وفاقی وزیر اسد عمر کو اس فلائٹ میں جہاز کی سیٹ نمبر 12 ایف الاٹ کی گئی تھی اور اس پرواز میں ان کے علاوہ کئی دیگر ارکان اسمبلی بھی موجود تھے جن میں وفاقی وزیر امین الحق، پیپلز پارٹی کے آغا رفیع اللہ، قادر پٹیل اور دیگر اراکین بھی موجود تھے۔

اس موقع پر اسد عمر کا کہنا تھا کہ میں نے  ٹکٹ خریدی ہے کوئی فیور نہیں مانگی ہے۔انہوں نے مزید کہا کہ ایک گھنٹے سے تماشا لگا ہوا ہے۔ پی آئی اے کے عملے نے کہا کہ آپ کا حق ہے ہم آپ کو سیٹ دیں گے۔تاہم اسد عمر ناراض ہوکر جہاز سے اترگئے جس کے سبب فلائٹ ایک گھنٹہ تا خیر کا شکار ہوئی۔

دوسری جانب اس واقعے پرسوشل میڈیا صارفین اسد عمر کے اقدام کو سراہا رہے ہیں اور لوگوں کا خیال ہے کہ اسد عمر حق بجانب تھے اور ان کی سیٹ کسی اور کو الاٹ کرنا سراسر عملے کی غلطی ہے۔ اس حوالے سے لوگوں کا یہ بھی کہنا ہے کہ وفاقی وزیر کی جگہ اگر کوئی اور سیاست دان ہوتا تو صورتحال اس کے بالکل برعکس ہوتی کیونکہ انہوں نے نہ ہاتھا پائی کی نہ ہی اپنی وزارت کا ناجائر فائدے اٹھایا بلکہ اس معاملے کو اچھے طریقے سے ہینڈل کیا یہی تبدیلی ہے اور نیا پاکستان ہے۔

دیگر وزراء کے مقابلے وفاقی وزیراسد عمر اپنی وزارت کا فائدہ نہ اٹھاتے ہوئے بغیر کسی بھی پروٹوکول کے ایک عام آدمی کی طرح ہوائی جہاز میں سفر کرتے ہیں ، اس حوالے سے ان کی تصاویر سوشل میڈیا پر وائرل بھی ہوئیں۔

واضح رہے کہ ہوائی جہاز کی سیٹ پر ہونےوالا یہ ناخوشگوار واقعہ تقریباً ایک گھنٹے سے زیادہ جاری رہا۔ بعدازاں، قومی ائیر لائن کے اسٹاف نے وفاقی وزیر اسد عمر کے لئے سیٹ کا بندوبست کیا اور یوں جہاز اپنے سفر پر روانہ ہوا۔

Ahwaz Siddiqui

Recent Posts

پاکستان میں روبوٹکس کی تعلیم تک رسائی بڑھانے کے لیے پائی اسپیس سائنس ایجوکیشن سینٹر کی توسیعی سرگرمیاں

پاکستان بھر میں پسماندہ طبقات، لڑکیوں اور معذور طلبہ کے لیے روبوٹکس کی تعلیم کے…

2 weeks ago

کوک اسٹوڈیو Nu.WAV کا پانچواں گانا ’’قسم‘‘ ریلیز، شے گل اور افیوسک کی آوازوں کا منفرد امتزاج

کوک اسٹوڈیو Nu.WAV نے اپنے چھٹے اور آخری میوزیکل ریلیز سے قبل پانچواں گانا ’’قسم‘‘…

2 weeks ago

کوک اسٹوڈیو Nu.WAV کی چوتھی پیشکش ’’شبنم‘‘ ریلیز، مانو اور زوہا وسیم کی آوازوں کا منفرد امتزاج

لاہور: کوک اسٹوڈیو Nu.WAV نے اپنے میوزک پروجیکٹ کی چوتھی پیشکش ’’شبنم‘‘ ریلیز کر دی،…

4 weeks ago

آئی ٹیل انرجی کی سولر پاکستان ایکسپو میں جدید بیٹری کی نمائش، کمرشل و صنعتی شعبے میں توسیع کا اعلان

آئی ٹیل انرجی نے سولر پاکستان ایکسپو 2026ء میں جدید جنریشن ٹو بیٹری، آر ای…

1 month ago