عنایہ بلال کراٹے کی کم عمر ایتھلیٹ وائٹ بیلٹ اپنے نام کرلی

پاکستان کی تین سالہ عنایہ بلال نے جاپان میں ہونے والے کراٹے کے ایک مقابلے میں اپنے حریف کو شکست دیکر پہلی کم عمر ایتھلیٹ بن گئیں۔

کمسن عنایہ بلال نے جاپان میں منعقدہ ایک مقابلے میں اپنے مدمقابل حریف کو ہارا کر کراٹے میں وائٹ بیلٹ حاصل کرلی۔اس کم عمر ایتھلیٹ کراٹے کا آغاز دو سال کی عمر میں کیا تھا۔

اس میں کوئی شک نہیں کہ بچوں کی صلاحیت کو اُبھارنے میں والدین کا کردار اہم ہوتا ہے۔ اگر وہ صحیح نہج پر بچوں کی تربیت کریں تو بچوں کی ذہنی و تخلیقی صلاحیتیں نکھر جاتی ہیں۔ عنایہ بلال کے والدین نے بھی اپنی بیٹی کے شوق کو مدؔنظر رکھتے ہوئے تین سال کی عمر سے انہیں کیشینکیان آسکا ڈوجو میں کراٹے سیکھنے کے لئے داخل کروایا جہاں وہ ٹرینر سے کراٹے کی باقاعدہ تربیت حاصل کررہی ہیں۔

اس کے علاوہ تین سال کی یہ چھوٹی سی بچی یوگا اور سوئمنگ بھی سیکھ رہی ہے۔اس حوالے سے ان کی کوچ کا کہنا ہے کہ عنایہ اپنی ٹریننگ کو بڑھ چڑھ کر حصؔہ لیتی ہیں اور اس سے لطف اندوزبھی ہوتی ہیں۔ جب کہ عنایہ کے کراٹے ٹرینر کا کہنا ہے کہ کراٹے بچوں کی جسمانی ،ذہنی اور اخلاقی نشوونما بھی کرتاہے۔انہوں نے مزید کہا کہ عنایہ بلال کو ان کی صلاحیتوں کی وجہ سے اسکول کے تمام اساتذہ اور طلباء بہت حوصلہ افزائی کرتے ہیں۔

بچوں کی زندگی میں والدین کا کردار سب سےزیادہ اہمیت کا حامل ہوتا ہے اگر بچوں کی مہارتوں اور صلاحیتوں پر اعتماد کرتے ہوئے انہیں آگے بڑھنے کی جانب مائل کیا جائے تو وہ پُراعتمادی کے ساتھ اپنی شخصیت کو منوا سکتے ہیں ۔ عنایہ بلال کے والدین بھی ان کی کارکردگی پر فخر محسوس کرتے ہیں، پڑھائی کے ساتھ ساتھ غیر نصابی سرگرمیوں میں بھی اپنی بیٹی کی بھرپور حوصلہ افزائی کرتے ہیں اور ہر قدم پر ان کے ساتھ ہیں۔ عنایہ کے والدین کا یہ ماننا ہے کہ یہ غیر نصابی سرگرمیاں ان کی بیٹی کو پُراعتماد بنانے کے ساتھ ان کی صلاحیتوں کو بڑھانے میں مددگار ثابت ہوں گی۔

کھیلوں کی دنیا میں مارشل آرٹ ، جوڈو کراٹے ایک سخت جان مشکل کھیل سمجھا جاتا ہے اور عنایہ بلال کی طرح پاکستانی خواتین اس کھیل میں بھی کسی سے پیچھے نہیں ہیں۔

گزشتہ سال ایشین گیمز میں کراٹے میں کوئٹہ سے تعلق رکھنے والی شاہدہ عباسی نے انفرادی کاتا میں گولڈ میڈل جیتا۔ قبل ازیں ، 2014 میں لاہور سے تعلق رکھنے والی حمیرا عاشق نے بین الاقوامی سطح پر ہونے والے جوڈو کراٹے میں پہلی بار گولڈ میڈل جیت کر پاکستان کا نام روشن کیا تھا۔ کھٹمنڈو میں ہونے والے ساوتھ ایشین جوڈو چیمپئن شپ کے مقابلے میں 24 سالہ حمیرا نے مد مقابل نیپالی کھلاڑی کو شکست دیکر یہ میڈل جیتا۔