اداکارہ وینا ملک دوسری شادی کیسے شخص سے کرنا چاہتیں ہیں؟

معروف اداکارہ وینا ملک یوں تو بھلے ایک طویل عرصے سے ملکی شوبز انڈسٹری میں غیر فعال ہیں، لیکن پھر بھی کسی نہ کسی وجہ سے وہ خبروں میں ضرور رہتی ہیں۔ حال ہی میں اداکارہ نے انٹرویو دیا ہے، جس میں انہوں نے اپنی دوبارہ شادی کے امکان کے بارے میں کھل کر بات کی البتہ یہ بھی بتا دیا ہے کہ اس بار وہ کسی دیندار شخص سے کریں گی۔

تفصیلات کے مطابق اداکارہ وینا ملک سال 2018 میں ملک اسد بشیر خٹک کے ساتھ شادی کے بندھن میں بندھی تھیں، تاہم محض چار سال بعد ہی دونوں نے علیحدگی اختیار کرلی تھی۔ سابق جوڑے کے دو بچے بھی ہیں۔

وینا ملک نے حال ہی میں ایک مقامی میڈیا آؤٹ لیٹ کو انٹرویو دیا، جس میں دیندار شخص سے دوبارہ شادی کرنے کے امکان کے بارے میں بات کی۔ اداکارہ نے کہا کہ ’’اگر میں دوبارہ شادی کروں گی تو میں ایک متقی شخص سے شادی کرنا چاہوں گی۔‘‘

وینا ملک کا کہنا تھا کہ “کیونکہ جو شخص خدا کا خوف رکھتا ہے وہ آپ کو کبھی نقصان نہیں پہنچا سکتا، لیکن جو خدا کا خوف نہیں رکھتا وہ ظالم ہے۔” “لہذا، میں ایک ایسے شخص سے شادی کرنا چاہوں گی جو ناصرف اچھا ہو بلکہ اس کے ساتھ میں اپنا رشتہ اس دنیا سے جنت تک لے جا سکوں۔ ابھی تو کوئی نہیں ہے لیکن انشاء اللہ کہیں نہ کہیں کوئی ہوگا۔

مشہور فلمی اداکار کے سابق شوہر نے گزشتہ سال ان کی ساکھ کو نقصان پہنچانے اور ‘غیر قانونی طور پر’ اپنے بچوں کو متحدہ عرب امارات سے پاکستان لے جانے پر 500 ملین روپے کا ہتک عزت کا نوٹس جاری کیا تھا۔ انہوں نے یہ بھی انکشاف کیا کہ ملک نے نہ صرف انہیں دھوکہ دیا بلکہ مولانا طارق جمیل کو بھی بے وقوف بنایا ہے۔

ان کے تعلقات میں کیا غلط ہوا اس پر روشنی ڈالتے ہوئے، اداکار کے سابق شوہر نے کچھ چونکا دینے والے انکشافات کیے۔ انہوں نے کہا تھا کہ “آپ نے دیکھا، یہ عورت ہمیشہ خراب رہی ہے،”۔

واضح رہے اسد خٹک نے مزید بتایا تھا کہ میں وینا ملک سے شادی کے دو ماہ بعد ہی طلاق لینا چاہتا تھا۔ “اس نے لندن میں مجھ پر جسمانی حملہ کیا۔ اور اس وقت میں نے مولانا طارق جمیل کو فون کیا اور کہا کہ میرے لیے اس عورت کے ساتھ رہنا ممکن نہیں۔ وہ ایک پاگل عورت ہے۔”

اسد خٹک نے اپنی طلاق کے بارے میں بات کرتے ہوئے انکشاف کیا کہ ملک نے انہیں بتائے بغیر ان سے طلاق لے لی۔ وہ ساری عمر ان کی بیوی ہونے کا بہانہ کرتی رہی۔ انہیں امریکہ بھیج دیا گیا، اور جب وہ واپس آئے تو وہ طلاق کے کاغذات جمع کرا چکی تھیں۔

“اسد خٹک کے مطابق اور جب ہم نے معاملات طے کر لئے تھے، تب بھی اداکارہ نے مجھے دھوکا دیا،”انہوں نے”طلاق کے جو کاغذات اس نے جمع کرائے تھے، وہ کبھی واپس نہیں لیے تھے۔ تاہم، وہ جھوٹ بولتی رہی کہ انہوں نے کاغذ واپس لے لئے ہیں،البتہ معاملات جاری تھے۔ “

یاد رہے اس سے قبل اسد خٹک نے ایک ٹویٹ جاری کی تھی، جس میں اداکارہ وینا ملک کی آڈیو کال منسلک تھی، جس میں ان کے خلاف نازیبا جملے ادا کررہی تھیں اور سنگین نتائج کی دھمکیاں دے رہی تھیں، ساتھ ہی انہوں نے الزام عائد کیا تھا کہ اداکارہ ان کے امریکی شہریت رکھنے والے بچے جعلی عدالتی احکامات کے ذریعے دبئی سے پاکستان لائیں ہیں اور انہیں نامعلوم مقام پر رکھا ہوا ہے۔