یونیورسٹی میں پروپوز کرنے کا واقعہ فواد چوہدری بھی حمایت میں بول پڑے


0

چند روز قبل لاہور کی ایک نجی یونیورسٹی میں پروپوز کرنے کا واقعہ منظر عام پر آیا جس میں ایک لڑکی لڑکے کو شادی کی پیشکش کرتی جو لڑکا قبول کرتا ہے اور پھر دونوں بغلگیر ہوجاتے ہیں۔

پروپوز کرنے کے اس عمل کی ویڈیو سوشل میڈیا پر وائرل ہونے کے بعد یونیورسٹی انتظامیہ کی جانب سے دونوں طلبہ کو نکال دئیے جانے کے معاملے پر مختلف سماجی و سیاسی شخصیات کی رائے سامنے آرہی ہے۔

Image Source: Twitter

اس حوالے سے وفاقی وزیر برائے سائنس اینڈ ٹیکنالوجی فواد چوہدری نے بھی طلبہ کی حمایت میں بول پڑے۔سوشل میڈیا پر جاری اپنے بیان میں وفاقی وزیر فواد چوہدری نے اس معاملے پر اپنے خیالات کا اظہار کرتے ہوئے کہا کہ مرضی سے شادی ہر لڑکی کا بنیادی حق ہے۔

وفاقی وزیر کا مزید کہنا ہے کہ اسلام عورتوں کو جو حقوق دیتا ہے ان حقوق میں مرضی کی شادی مرکزی حیثیت رکھتی ہے۔ وفاقی وزیر نے یونیورسٹی انتظامیہ سے اپنے فیصلے پر نظر ثانی کرنے کا مطالبہ کرتے ہوئے کہا کہ لڑکیوں کو پراپرٹی سمجھنا اسلام کے خلاف ہے۔

گزشتہ دنوں سوشل میڈیا پر اس واقعے کی ویڈیو وائرل ہونے پر یونیورسٹی انتظامیہ کی جانب سے لڑکا اور لڑکی دونوں کو یونیورسٹی سے نکال دیا گیا تھا، سوشل میڈیا پر جہاں ان دونوں لڑکا لڑکی کو تنقید کا نشانہ بنایا جا رہا ہے وہیں کچھ نامور شخصیات ایسی بھی ہیں جو یونیورسٹی انتظامیہ کے اقدام پر برہمی کا اظہار کررہی ہیں۔

اس حوالے سے پاکستان پیپلز پارٹی کی رہنما اور رکن سندھ اسمبلی شرمیلا فاروقی نے لڑکے کو شادی کی پیشکش کرنے والی لاہور کی نجی یونیورسٹی کی طالبہ کی حمایت کردی۔ سماجی رابطے کی ویب سائٹ ٹوئٹر پر جب ایک صارف نے پروپوزل کی ویڈیو شیئر کی اور اُسے خوبصورت ترین قرار دیا تو پاکستان پیپلز پارٹی کی رہنما شرمیلا فاروقی نے اظہار رائے کرتے ہوئے کہا لکھا کہ طاقتور! متاثر کن! امید اور محبت سے بھرا ہوا، اس سے نوجوانوں کو مزید حوصلہ اور ہمت ملے گی۔

دوسری جانب معاشرتی مسائل پر اپنی آواز بُلند کرنے والی وسیم اکرم کی اہلیہ شنیرا اکرم نے بھی لاہور کی نجی یونیورسٹی کی طالبہ کا ساتھ دیا، انہوں نے ٹوئٹر پر لکھا کہ ہم نے حال ہی میں خواتین کا عالمی دن منایا ہے اور اب ہم ایک ایسی نامور یونیورسٹی کا ساتھ دے رہے ہیں جہاں ایک نوجوان لڑکی کو پر اعتماد اور بااختیار ہونے پر بےدخل کیا جارہا ہے۔

نامور گلوکار و سماجی کارکن شہزاد رائے نے بھی اس معاملے پر رائے دینا ضروری سمجھا، انہوں نے اپنے گانے کی ویڈیو شیئر کرتے ہوئے ٹوئٹ کی کہ لڑکی کو سرعام مارنے پیٹے پر کوئی متوجہ نہیں ہوتا لیکن پیار سے گلے لگانا بہت بڑا جرم ہے۔ تاہم اس معاملے پر شہزاد رائے کو حمایتی بیان دینے پر تنقید کاسامنا کرنا پڑا۔

خیال رہے کہ لاہور کی نجی یونیورسٹی کی طالبہ نے یونیورسٹی کی حدود میں دیگر کلاس فیلوز کے سامنے لڑکے کو پروپوز کیا تھا، جس کی تصاویر اور ویڈیوز سوشل میڈیا پر خوب وائرل ہوئیں۔ اس ویڈیو میں دیکھا جاسکتا ہے کہ طالب علم نے ساتھی طالبہ کی جانب سے پھول پیش کیے جانے پر اُسے قبول کرتے ہوئے شادی کا پروپوزل قبول کرلیا تھا۔

پاکستان جیسے مشرقی معاشرے کے برعکس اگر مغرب کے آزاد خیال معاشرے کی بات بھی کریں تو وہاں بھی یونیورسٹیز میں اس طرح لڑکا لڑکی کا ایک دوسرے کو پروپوز کرنے کا عمل دیکھنے میں نہیں آیا کیونکہ یونیورسٹی پڑھنے اور سیکھنے کی جگہ ہے گلے لگنے یا پروپوز کرنے کی نہیں !

یہی وجہ ہے کہ اس معاملے پریونیورسٹی کی انتظامیہ چپ سادھے نہیں بیٹھی رہی بلکہ اس نے اہم قدم اٹھایا اور دونوں طلبہ کو دیگر کلاس فیلوز کی موجودگی میں پروپوز کرنے اور تعلیمی ادارے کے قوانین کی خلاف ورزی کرنے پر یونیورسٹی سے نکالنے کا نوٹیفکیشن جاری کردیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format