بھارتی فلمی اداکار ارشد وارثی بھی بجلی کی اوور بلنگ کا شکار ہوگئے

کیا آپ بجلی کی عدم فراہمی اور اوور بولنگ کے باعث پریشان ہیں؟ تو پھر ایک سکون کی سانس لے لیجئے کیونکہ اس خبر کے بعد اب کی پریشانی کم تو نہیں ہوگی تاہم آپ کو حوصلہ ضرور مل جائے گا کیونکہ بجلی کی عدم فراہمی اور اوور بلنگ کا مسئلہ محض آپ کا ہی نہیں بلکہ بڑے بڑے لوگوں کا ہے۔

جی ہاں بلکل شوبز ستاروں کی زندگیوں کا سن کا ۔دماغ میں ایک الگ سا خیال آجاتا ہے کہ گلیمر، پیسہ اور بہت کچھ اور اگر یہی شوبز اسٹار اگر بولی ووڈ سے تعلق رکھتا ہو تو توقعات مزید آگے بڑھ جاتی ہیں تاہم ایک چیز جو اس میں ہم نہیں سوچتے ہیں کہ وہ بھی تو انسان ہیں ہمارے اور آپ کے جیسے تو ان کے مسائل بھی تو ہمارے جیسے ہونے چاہیں۔ لیکن اب سوچنے کی ضرورت نہیں بلکہ بلکل ایسا ہی ہے۔

گزشتہ روز بھارتی فلم اسٹار ارشد وارثی نے سماجی رابطے کی ویب سائٹ ٹوئیٹر پر ایک پیغام جاری کرتے ہوئے کہا کہ کوئی ان کی پینٹنگز کو خرید لے تاکہ وہ اپنا بجلی کا بل ادا کرسکیں، جبکہ مزید یہ بھی لکھ دیا کہ ان کے پاس ابھی گردے موجود ہیں اگلے مہینے کا بل ادا کرنے کے لئے۔ اطلاعات کے مطابق لاک ڈاؤن کے عرصے میں بھارت میں بجلی کی قیمتوں میں ہوشربا اضافہ ہوا ہے، اداکار ارشد وارثی نے تقریباً 3 لاکھ 500 سو 64 روپے بجلی کے بل کی صورت میں ادا کئے ہیں۔

ساتھ ہی اس حوالے سے بولی ووڈ اسٹار ارشد وارثی نے جنہوں نے مشہور بالی ووڈ بلاک بسٹر فلم منا بھائی میں سرکٹ کا معروف کردار ادا کیا تھا، اپنی اگلی ٹوئیٹ میں اس امید کا خیال ظاہر کرتے ہیں کہ جلد بجلی کی کمپنی ان کا مسئلہ حل کرے گی۔

تاہم ان کی یہ ٹوئیٹ ایک طنزیہ انداز میں ایک مذاق کے طور پر تھی، جس سے اندازہ ہوتا ہے کہ سب لوگ مسائل سامنا کرتے ہیں اور اس وقت بجلی کے بل کے باعث وہ بھی کررہے ہیں لیکن ٹوئیٹر صارفین کی جانب سے اداکار ارشد وارثی کے اس ٹوئیٹ پر مختلف انداز میں ردعمل دیا جارہا ہے کوئی کہتا ہے ان کی پینٹنگز خریدنے کے لئے اپنی گردے بیچنے پڑھیں گے تو کوئی تو کوئی پوچھ رہا ہے یہ دھمال والی فلم کی پینٹنگز تو نہیں ہیں

واضح رہے اس سے قبل بھارت میں ارشد وارثی سمیت کئی معروف فنکار بجلی کے بلوں میں ہوشربا اضافے پر سوشل میڈیا پر اپنی آواز بلند کرچکے ہیں، جن میں تاپسی پنو، ہما قریشی ، نمرت کور، سوہا علی خان، دینو موریا شامل ہیں ۔