اداکارہ صرحا اصغر کے ساتھ زیادتی کی کوشش

حال ہی میں اداکارہ صرحا اصغر نے عاصم نامی شخص پر دعویٰ دائر کیا ہے کہ اس نے اداکارہ کے ساتھ زبردستی کرنے کی کوشش کی ہے۔

پولیس ذرائع کے مطابق یہ واقعہ  یکم اگست کو پیش آیا جب اداکارہ کسی گھریلو کام سے مارکیٹ گئی تھیں۔

Srha Asghar Zyadti

پولیس کو دیے گئے بیان میں اداکارہ کا کہنا تھا کہ بازار سے واپس آتے ہوئے ایک آوارہ شخص ان کے پیچھے لگ گیا اور آوازیں کسنے لگا، عاصم نامی شخص نے ان کا گھر تک پیچھا کیا اور دروازے تک آ گیا۔

 اداکارہ کا کہنا تھا کہ ملزم نے ان  کے ساتھ دست درازی کی کوشش کی جس سے ان کے کپڑے بھی پھٹ گئے، تاہم انہوں نےجلدی سے گھر کی گھنٹی بجا کر شوہر کو بلایا ۔

 اداکارہ کے دیے گئے بیان کے مطابق ان کے شوہر عمرمرتضی اور ملزم عاصم کے درمیان ہاتھا پائی بھی ہوئی۔اداکارہ نے بتایا کہ ان کے شوہر کی آوازیں سن کر محلے کے لوگ بھی آگئے۔ جس کے بعد اداکارہ اور ان کے ۔شوہر اہل محلہ کی مدد سے ملزم کو پکڑ کر تھانے لے گئے

واقعہ کی ایف آئی آر  اداکارہ کے شوہر عمر مرتضیٰ کی مدعیت میں شاہ فیصل تھانے میں درج کرادی گئی ہے۔

کراچی میں خواتین کو ہراساں کرنے کے کئی واقعات پیش آ چکے ہیں۔گذشتہ ماہ دو لڑکیوں کو ہراساں کرنے کا واقعات پیش آئے تھے ۔