اسپورٹس پریزنٹر زینب عباس نے اپنے فیلڈ میں گرنے کی ویڈیو شیئر کردی


0

پاکستان سے تعلق رکھنے والی معروف اسپورٹس اینکر و صحافی زینب عباس دنیا بھر میں مقبول ہیں، ان کی شخصیت سے ناصرف ملکی بلکہ غیر ملکی افراد بھی متاثر ہیں۔ ان دنوں زینب عباس جنوبی افریقہ میں موجود ہیں جہاں پر وہ جنوبی افریقہ ٹی 20 لیگ کی لائیو کوریج کے دوران سنچورین کرکٹ گراؤنڈ میں کھلاڑی سے ٹکرا کر فیلڈ میں گرگئیں۔

سپر اسپورٹس کی جانب سے شیئر کردہ ویڈیو میں دیکھا جاسکتا ہے کہ بیٹر نے جیسے ہی بلا گھمایا تو گیند ہوا میں اڑتی ہوئی باؤنڈری لائن کی جانب بڑھنے لگی، باؤنڈری پر کھڑی ایونٹ کور کرتی زینب نے کہا کہ ‘گیند سیدھا ہماری جانب آرہی ہے’۔

Image Source: Instagram

یہ الفاظ ابھی ان کے منہ سے ادا ہی ہونے والے تھے کہ چوکا روکنے کے لیے آتا فیلڈر ان سے ٹکرا گیا جس کے باعث وہ گر پڑیں۔

واقعہ کے بعد زینب عباس فوراً اٹھ جاتی ہیں جبکہ ان کے ساتھی ان سے پوچھتے ہیں کہ کیا آپ ٹھیک ہیں! جس پر وہ جواب دیتی ہیں ہاں بچ گئے ہیں کوئی چوٹ نہیں آئی۔ کیپ ٹاؤن اور سن رائزرز ایسٹرن کیپ کے درمیان کے میچ کے دوران واقعہ پیش آیا، جس کی ویڈیو سوشل میڈیا پر وائرل ہورہی ہے۔

بعدازاں زینب نے سپر اسپورٹس کی ویڈیو کو شیئر کرتے ہوئے لکھا کہ میں بچ تو گئی ہوں لیکن میں ہی جانتی ہوں کہ یہ کیسا احساس ہوتا ہے۔البتہ سوشل میڈیا صارفین کی جانب سے زینب عباس کی اسپورٹس مین اسپرٹ کی خوب تعریف کی جارہی ہے۔ خیال رہے کہ 10 جنوری کو زینب نے ٹوئٹر پر اعلان کیا تھا کہ وہ کرکٹ جنوبی افریقا کی جانب سے ہونے والی لیگ کے ابتدائی سیزن کی میزبانی کریں گی۔

معروف اسپورٹس پریزنٹر زینب عباس اگرچہ اسپورٹس اینکر ہیں لیکن وہ زیادہ تر کرکٹ ایونٹس کی میزبانی کرتی دکھائی دیتی ہیں۔انہوں نے 2019 کے ٹی ٹوئنٹی ورلڈ کپ میں بھی میزبانی کے فرائض سر انجام دئیے تھے جب کہ پاکستان کرکٹ بورڈ کے ایونٹس بھی فرائض نبھاتی آئی ہیں۔زینب عباس نے دنیا ٹی وی سے اسپورٹس رپورٹر کے طور پر کیریئر کا آغاز کیا تھا، جس کے بعد وہ متعدد بھارتی اسپورٹس چینلز پر بھی رپورٹنگ اور میزبانی کرتی دکھائی دیں۔ نومبر 2019 میں زینب عباس نے حمزہ کاردار سے شادی کی، ان کے شوہر حمزہ کاردار سابق وزیر خزانہ اور اسٹیٹ بینک کے سابق گورنر شاہد حفیظ کاردار کے بیٹے ہیں۔اس جوڑے کے ہاں 7 دسمبر 2021 میں بیٹے کی پیدائش ہوئی تھی جس کا نام انہوں نے’تیمور حمزہ کاردار‘ رکھا ہے۔

مزید پڑھیں: بابر اعظم نے خط لکھنے والے ننھے سپورٹر سے کیا ہوا وعدہ پورا کردیا

یاد رہے کہ اسپورٹس اینکر فرسٹ کلاس کرکٹر ناصر عباس اور پاکستان تحریک انصاف (پی ٹی آئی) کی رہنما عندلیب عباس کی بیٹی ہیں۔زینب عباس کے بارے میں ایک دلچسپ بات یہ ہے کہ کرکٹ اور کھیل کے لیے ان کا جذبہ دیکھ کر کوئی نہیں کہہ سکتا کہ جب پہلی بار وہ پروگرام کی میزبانی کے لیے آڈیشن دینے گئی ہوں گی تو درحقیقت وہ یہ نوکری نہیں کرنا چاہتی تھیں بلکہ انہوں نے تو صرف اپنی امی کے اصرار پر یہ آڈیشن دیا تھا اور آج وہ اپنی محنت سے کیرئیر میں اس مقام پر پہنچ چکی ہیں جہاں تک پہنچنا بہت سے لوگوں کا خواب ہوتا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format