شرمیلا فاروقی نے اداکارہ نادیہ خان کے خلاف ایف آئی آر کیوں کروائی؟


0

پاکستان پیپلز پارٹی (پی پی پی) کی رکن سندھ اسمبلی شرمیلا فاروقی کا کہنا ہے کہ ٹی وی شو کی میزبان اور اداکارہ نادیہ خان نے میری والدہ کا مذاق اڑایا جس کے بعد میں نے انہیں ویڈیو ڈیلیٹ کرنے کیلئے میسج کیا لیکن انہوں نے صاف انکار کرتے ہوئے مجھے بلاک کردیا تھا۔

Sharmila Faruqui Nadia Khan

پاکستان پیپلز پارٹی کی نامور خاتون سیاستدان شرمیلا فاروقی نے اپنی اور اداکارہ نادیہ خان کی لڑائی کے حوالے سے پہلی مرتبہ لب کشائی کر دی۔

Sharmila Faruqui Nadia Khan
Image Source:Instagram

حال ہی میں انہوں نےاداکار احمد علی بٹ کے پوڈکاسٹ میں شرکت کی اور اس دوران اپنی پروفیشنل و نجی زندگی سے متعلق کئی ایک موضوعات پر کھل کر گفتگو کی۔ میزبان کے دلچسپ سوالوں کا جواب دیا۔ 

پوڈکاسٹ کے دوران انہوں نے گزشتہ سال جنوری میں ہونے والے ایک واقعہ کا بھی تذکرہ کیا جب انہوں نے میزبان نادیہ خان کے خلاف ایف آئی اے میں شکایت درج کروائی تھی۔

Sharmila Faruqui Nadia Khan

تاہم اب پوڈکاسٹ کے دوران اداکارہ و ٹی وی میزبان نادیہ خان کی جانب سے والدہ کا مذاق اڑانے اور نامناسب زبان استعمال کرنے پر شرمیلا فاروقی کا کہنا تھا کہ میں نادیہ کو زیادہ نہیں جانتی، میرے پاس ان کا موبائل نمبر بھی نہیں ہے۔’

پیپلزپارٹی کی رہنما نے کہا کہ ’جب انہوں نے ویڈیو پوسٹ کی تو میں نے انہیں انسٹاگرام پر میسج کیا کہ ’مجھے آپ کی ویڈیو بالکل نہیں  پسند آئی جس میں آپ میری والدہ کے میک اپ پر تبصرہ کررہی ہیں، اس ویڈیو کو ڈیلیٹ کردیں‘ جس پر نادیہ خان نے رپلائی کیا کہ ’میں نے کچھ غلط نہیں کہا اور ویڈیو ڈیلیٹ نہیں کروں گی‘ میرے پاس یہ میسج اب تک محفوظ ہے‘۔

وائرل ہونے والی ویڈیو میں نادیہ خان کو شرمیلا فاروقی کی عمر رسیدہ والدہ سے میک اپ، لباس اور زیورات سے متعلق سوال کیے گئے مگر میزبان کا انداز تمسخر اڑانے والا تھا، جس وجہ سے ان پر خوب تنقید بھی کی گئی۔

Sharmila Faruqui Nadia Khan
Image Source:Instagram

شرمیلا فاروقی نے کہا کہ اگر وہ ویڈیو ڈیلیٹ کردیتیں تو لڑائی ختم ہوجاتی، مجھے لڑائی جھگڑا کرنےکا شوق نہیں ہے لیکن جب نادیہ خان نے کہا کہ انہیں کوئی پرواہ نہیں اور ویڈیو ڈیلیٹ نہیں کریں گی تب میں نے اپنے مطابق کیس چلانے کا فیصلہ کیا، بعدازاں انہوں نے مجھے انسٹاگرام سے بھی بلاک کردیا۔’

پیپلزپارٹی کی رہنما نے کہا کہ ان کی والدہ کا سوشل میڈیا میں اکاونٹ نہیں ہے، مجھے نہیں معلوم کہ نادیہ خان کی میری والدہ سے کب اور کہاں اور کیوں ملاقات ہوئی، والد کا انتقال ہوگیا اور والدہ زندگی میں دوبارہ خوشیوں کی طرف لوٹ رہی تھیں، وہ ان سب چیزوں کی مستحق نہیں تھیں۔’

مزید یہ کہ اس وقت شادی کی اس تقریب میں انہوں نے میری والدہ کی اجازت کے بغیر ویڈیو ریکارڈ کی اور تو اور اس بات کا بھی خیال نہیں رکھا کہ اس خاتون نے حال ہی میں اپنے شوہر کو کھویا ہے اور وہ اب اپنے آپ کو زندگی کی طرف دوبارہ لانے کی کوشش کر رہی ہیں۔

پوڈکاسٹ کے شروع میں شرمیلا فاروقی نے سیاست میں قدم رکھنے سے متعلق بات کرتے ہوئے کہا کہ ’میں حادثاتی طور پر سیاست میں آئی تھی، بچپن میں پائلٹ بننے کا شوق تھا، مجھے سفر کرنے کا شوق ہے، سوچا تھا جہاز خریدوں گی اور اسے خود اڑاؤں گی، جہاں دل چاہے گا وہاں جاؤں گی۔

شرمیلا فاروقی نے بتایا کہ شادی کرنا ان کا اپنا فیصلہ تھا، جب مجھے کوئی پسند آیا تو اپنے والد کو بتایا اور وہ راضی ہوگئے۔

پیپلزپارٹی کی رہنما نے کہا کہ انہوں نے شادی سے قبل ایل ایل ایم کی تعلیم حاصل کی اور شادی کے بعد بچے کی پیدائش سے قبل پی ایچ ڈی کے پیپرز دیے اور 5 سال بعد ڈاکٹریٹ کی ڈگری ملی۔

اس کے علاوہ سیاست پر بات کرتے ہوئےانہوں نے کہا کہ زرداری صاحب کی جیسی سیاسی بصیرت پاکستان میں کسی کی ہے ہی نہیں ، وہ ہمیشہ ہمیں ہمارے اچھے کیلئے سمجھاتے ہیں۔ جس کا منہ بولتا ثبوت یہ ہے کہ جب میرے پاس وزارتِ اطلاعات برائے سندھ کا قلمدان تھا تو ٹی وی پر ٹاک شوز کے دوران میں بہت غصے میں آ جاتی تھی ۔

میرا یہ رویہ دیکھتے ہی زرداری صاحب نے فون کر کے کہا کہ آپ ایسا مت کیا کرو، مجھے بھی روز لوگ کتنا کچھ کہتے ہیں می بھی تو ہنس کر انہیں جواب دیتا ہوں۔

شرمیلا فاروقی نے کہا کہ سابق صدر آصف زرداری نے دوسری شادی نہیں کی، سوشل میڈیا پر چلنے والی افواہوں میں کوئی صداقت نہیں۔انکی ایک ہی بیوی تھیں اور وہ محترمہ بینظیر بھٹو شہید تھیں۔

واضح رہے کہ اداکارہ نادیہ خان نے اداکارہ صبور علی کی شادی کی تقریب میں شرمیلا فاروقی کی والدہ کے پہناوے اور میک اپ سے متعلق گفتگو کی اور اس گفتگو کو وی لاگ کی صور ت میں یوٹیوب پر شیئر کر دیا۔ یہ عمل شرمیلا فاروقی کو بہت ناگوار گزرا تھا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
1
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win
Annie Shirazi

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format