رمضان میں کچھ طریقے جن سے گناہوں کی معافی کی جاسکتی ہے


0
Gunahon Ki Maafi

اسلام کے پانچ بنیادی ارکان میں سے روزہ ایک نہایت اہم ستون ہے۔یہ ماہ مقدس اہل ایمان کے لئے جنت کی نوید اور گنہگاروں کے لیے گناہوں کی معافی کا اہم ذریعہ ہے کیونکہ اس مہینے میں اللہ تعالیٰ کی طرف سے نیکی کا اجر ستر درجے تک بڑھا دیا جاتا ہے، شیاطین قید کردیئے جاتے ہیں، جنت کے دروازے کھول دئیے جاتے ہیں اور ہمارا ہر عملِ صالحہ گناہوں کی معافی بن جاتا ہے۔ لہٰذا ان ایام میں زیادہ سے زیادہ عبادت اور توبہ و استغفار کرنا چاہیے تاکہ اس ماہ میں زیادہ سے زیادہ نیکیاں سمیٹ کر اللہ ربّ العزت کی رضا اور خوشنودی حاصل کرنے میں کامیاب و کامران ہوسکیں۔

(Gunahon Ki Maafi)

:رمضان اورگناہوں کی معافی

اس بابرکت مہینے میں ہم خداوند تعالیٰ سے کن طریقوں سے اپنے گناہوں کی معافی طلب کرسکتے ہیں ،ذیل میں جانتے ہیں۔

:گناہ کبیرہ سے بچتے رہنا

Gunahon Ki Maafi
Image Source: Unsplash

ماہِ رمضان میں جو بھی شخص گناہ کبیرہ سے بچتا ہے تو اس کے لئے یہ ماہ مقدس میں سال بھرکے گناہوں کی بخشش کا ذریعہ بن جاتاہے۔نبی ﷺ کا فرمان ہے کہ


“پانچوں نمازیں ، ہر جمعہ دوسرے جمعہ تک اور رمضان دوسرے رمضان تک ، درمیانی مدت کے گناہوں معاف کردئیے جاتے ہیں بشرطیکہ کبیرہ گناہوں سے اجتناب کیا جائے”۔
(صحيح مسلم:233)

جبکہ ایک اور حدیث میں روزہ، نمازاور صدقہ کو فتنے سے نجات اور گناہوں کا کفارہ بتایا گیا ہے ،نبی کریم ﷺ  کا فرمان ہےکہ


“انسان کے لیے اس کے بال بچے، اس کا مال اور اس کے پڑوسی باعث آزمائش ہیں جس کاکفارہ نماز پڑھنا ،روزہ رکھنا اور صدقہ دینا بن جاتا ہے”۔صحيح البخاري:1895)

:اجروثواب کا ذریعہ

Gunahon Ki Maafi
Image Source: Unsplash

اللہ تعالیٰ نے رمضان کو دیگر اوقات و ایام پر شرف و فضیلت بخش کر اس کے ہر لمحات کو اپنے مومن بندوں کے لئے نہایت قیمتی سرمایہ قرار دیا ہے۔ اس لئے رمضان میں ایمان کے ساتھ اجروثواب کی امید سے روزہ رکھناگزشتہ تمام خطاؤں کی بخشش کا ذریعہ بن جاتاہے۔ نبی ﷺ کا فرمان ہےکہ


“جس نے رمضان کا روزہ ایمان کے ساتھ ،اجر وثواب کی امید کرتے ہوئے رکھا اسکے گزشتہ سارے گناہ معاف کردئے جاتے ہیں”۔(صحيح البخاري:2014)

:دن و رات میں قیام

Gunahon Ki Maafi
Image Source: Unsplash

رمضان میں قیام کرنا غیررمضان میں قیام کرنے سے افضل ہے اور اس کا ثواب روزے کے برابر ہے۔نبی ﷺ کا فرمان ہےکہ


“جو رمضان میں ایمان اور اجر کی امید کے ساتھ قیام کرتا ہے اس کے سارے گناہ معاف کردئیے جاتے ہیں” (صحيح مسلم: 759)

رمضان المبارک کی راتوں میں قیام کی فضیلت آخری عشرے میں بڑھ جاتی ہے کیونکہ اس میں لیلۃ القدر(شب قدر) ہے، نبی ﷺ اس عشرے میں شب بیداری کرتے اور خوب خوب اجتہاد کرتے ۔ شب قدر میں قیام کی فضیلت بیان کرتے ہوئے نبی کریم ﷺ نے فرمایا کہ


“جو شب قدر میں ایمان و خالص نیت کے ساتھ قیام کرتا ہے اس کے سابقہ گناہ معاف کردئیے جاتے ہیں”۔ (صحيح البخاري:1901)

:عشرۂ مغفرت

Gunahon Ki Maafi
Image Source: Unsplash

ماہِ رمضان کا ایک عشرہ مغفرت کا ہے جس میں اگر کوئی مسلمان اپنے پچھلے تمام کبیرہ گناہوں سے سچے دل سے توبہ کرلے تو اس کے صغیرہ گناہ روزے کی برکت سے معاف فرما دئیے جاتے ہیں اور وہ شخص گناہوں سے پاک ہوجاتا ہے بلاشبہ جس کسی کو اللہ تعالیٰ کی مغفرت مل گئی اسے سب کچھ مل گیا۔ حضرت عبداللہ بن عمرو رضی اللہ تعالیٰ عنہ روایت کرتے ہیں کہ نبی کریم ﷺ نے ارشاد فرمایا کہ روزے اور قرآن دونوں بندے کے لیے شفاعت (سفارش) کریں گے۔

:عملِ صالحہ کی کثرت

Gunahon Ki Maafi
Image Source: Unsplash

مومن کو رمضان کےدن میں روزہ رکھنا چاہئے،بحالت روزہ بکثرت اعمال صالحہ انجام دینا چاہئے اوراس کی ہر رات میں شب بیداری کرکے قیام دعا، استغفار اور اذکار میں مصروف رہنا چاہئے کیونکہ اس بابرکت مہینے کی ہررات میں اللہ تعالی کی جانب سے خیر کے طالب کو ندا لگائی جاتی اور جہنم سے نجات کی بشارت سنائی جاتی ہے۔

مزید پاڑھیں: چند اچھی بنائی گئیں عادات جو رمضان المبارک کے بعد بھی ضروری ہیں

لہٰذا اس مبارک ماہ کی ان تمام فضیلتوں کو دیکھتے ہوئے ہمیں اس مہینہ میں عبادت کا خاص اہتمام کرنا چاہیے اور کوئی لمحہ ضائع اور بے کار نہیں جانے دینا چاہیے، کیونکہ یہ ماہ مقدس ہمارے لیے بڑی برکات کا حامل اور قیمتی ہے جس میں ہم اپنے تمام صغیرہ و کبیرہ گناہوں کی معافی مانگ کر اللہ تعالیٰ کے حضور پاک و صاف پیش ہوسکتے ہیں۔ اللہ پاک ہم سب کو عمل کی توفیق عطاء فرمائے، اور اپنے نفس کا تزکیہ کرکے تقویٰ اختیار کرنے کی توفیق عطاء فرمائے، آمین ۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win
Zameer Ali

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format