پاکستانی وی ایف ایکس آرٹسٹ کی “شانگ چی” کا سین ری کرئیٹ کرنے پر خوب پذیرائی

“شانگ چی اینڈ دی لیجنڈ آف دی ٹین رِنگز “2021 کی ایک امریکی سپر ہیرو فلم ہے جو مارول کامکس پر مبنی ہے اور اس میں شانگ چی کا کردار کافی مشہور ہے۔ حال ہی میں ایک 18 سالہ پاکستانی ویژول ایفیکٹ آرٹسٹ سہیل خان نے مارول کی شانگچی اور لیجنڈ آف دی ٹین رِنگز کے فائٹ سین کو دوبارہ تخلیق کیا ہے جس کی خوب پذیرائی ہو رہی ہے۔

پاکستانی نوجوان آرٹسٹ نے چار ماہ قبل یہ سین اپنے یوٹیوب چینل جس کا نام ایس کے گیم آن پر شیئر کیا، سہیل خان نے اپنی ویڈیو میں لکھا کہ ،”یہ شانگ چی کی لڑائی کا ایک سین ہے۔ میں ابھی بھی وی ایف ایکس سیکھ رہا ہوں، لہذا یہ اتنا اچھا نہیں ہے۔ اگر آپ کو یہ پسند ہے تو اسے لائیک کریں”۔ تاہم سماجی رابطے کی ویب سائٹ پر یہ ویڈیو تیزی سے شئیر ہورہی ہے اور اب تک 5,000 سے زیادہ لائکس اور 1,400 سے زیادہ ری ٹویٹس حاصل کرچکی ہے۔

اس ویڈیو میں مذکورہ فلم کے ایک سین کو دوبارہ ری کرئیٹ کیا گیا ہے جس میں شینگچی اور اس کے والد وینو کی فائٹ ہوتی ہے۔ ٹوئٹر پر ایک صارف نے اس ویڈیو کی تعریف کرتے ہوئے لکھا کہ “وژول ایفیکٹس کے علاوہ، ان کے چہرے کے تاثرات حقیقی اور اصل لگ رہے تھے۔ یہ لوگ زبردست تعریف کے مستحق ہیں”۔سہیل خان کے یوٹیوب چینل میں اینٹ مین، کیپٹن امریکہ، ہیری پوٹر، امبریلا اکیڈمی اور جسٹس لیگ کے سین کو بھی ری کرئیٹ کیا گیا ہے۔

مزید برآں ، سوشل میڈیا صارفین اس ویڈیو کو کافی پسند کر رہے ہیں اور اسے ری ٹوئٹ کر کے پاکستانی نوجوان کے کے کام کو سراہا رہے ہیں۔

خیال رہے کہ شانگ چی اینڈ دی لیجنڈ آف دی ٹین رِنگز 16 ستمبر 2021 کو ریلیز ہوئی۔ اس نے دنیا بھر میں 432 ملین ڈالر سے زیادہ کی کمائی کی اور یہ 2021 کی نویں سب سے زیادہ کمائی کرنیوالی فلم ہے۔ اس فلم نے باکس آفس پر کئی ریکارڈ قائم کیے جن میں خاص طور پر لیو اور لیونگ کی پرفارمنس، ایکشن سیکوینس کی کوریوگرافی، ہدایت کاری شامل ہے۔