“میں کرنل کی بیوی ہوں” وائرل ویڈیو پر آرمی چیف کا نوٹس

اسلام آباد ہزارہ موٹر وے پر پیش آنے والے واقعہ پر اظہار برہمی۔ آرمی چیف جنرل قمر جاوید باجوہ نے نوٹس لیتے ہوئے انضباطی کارروائی کا حکم دے دیا ۔

گزشتہ رات سوشل میڈیا پر ایک ویڈیو وائرل ہوئی، جس میں دیکھا جاسکتا ہے کہ ہزارہ موٹروے پر پولیس کی جانب ایک کار کو مزید آگے جانے روکنے پر، گاڑی میں سوار ایک خاتون سیخ پا ہوگئیں۔ اہلکار نے انہیں بتایا کہ تھوڑی دیر آپ صبر کرجائیں ہم آپ کو راستہ دے دیتے ہیں۔ یہ ناکہ صوبیدار کی جانب سے عائد ہے۔ جس پر خاتون نے ڈیوٹی پر موجود اہلکاروں نہ صرف بدتمیزی کی بلکہ نازیبا الفاظ کا بھی استعمال کیا۔ اور انتہائی گھمنڈ کے ساتھ اس بات کو بار بار دھراتی رہیں کہ اگر ناکہ نا کھولا گیا تو وہ ایک کرنل کی بیوی ہیں۔ اور ڈیوٹی پر موجود اہلکار کو بار بار کہتی رہیں ان کے لئے فوراً راستہ کھولا جائے ورنہ میں تمھاری وردی اتار دوں۔ جس پر ڈیوٹی پر موجود اہلکاروں نے خاتون کو ہرممکن کوشش کی روکنے کی البتہ خاتون لاکھ کوشش کے باوجود پولیس ناکہ بندی کو توڑ کر چلی گئیں۔

بعدازاں جیسے ہی یہ ویڈیو سوشل میڈیا کی زینت بنی تو کچھ ہی دیر میں بے انتہا وائرل ہوگئی۔ ہر کسی نے اس پر الگ انداز میں رائے جبکہ زیادہ تر لوگوں کا یہی خیال ہے کہ پاکستان آرمی کا نام استعمال کرکے بدنامی کرنے والوں کے خلاف سخت کارروائی ہونی چاہئے۔

بعدازاں آرمی چیف آف پاکستان جنرل قمر جاوید باجوہ نے اس واقعے کا نوٹس لیتے ہوئے کاروائی کا حکم دے دیا ۔

جوں جوں یہ ویڈیو سوشل میڈیا پر وائرل ہوئی لوگوں کی طرف تنقید بھی بڑھتی گئے جبکہ سب نے پولیس اہلکاروں کی جرت پر بھی فخر کیا۔ اس وقت ٹوئٹر پر “کرنل کی بیوی” نمبر ون ٹرینڈ بن چکا ہے.

جبکہ اس ہی واقعے سے جڑی ایک اور ویڈیو وائرل ہے البتہ یہ ویڈیو دو سال پرانی ہے جس میں ایک صاحب اپنے آپ کو آرمی افیسر بتا رہے ہیں اور پولیس اہلکاروں سے بدتمیزی کررہے ہیں۔ شعبہ ظاہر کیا جارہا ہے یہ حضرت ان ہی خاتون کے شوہر ہیں جن کی آج ویڈیو وائرل ہوئی ہے۔