ملک میں سیلاب کی تباہ کاریاں، وائرل ویڈیوز نے صارفین کو آبدیدہ کردیا


0

ملک بھر میں مون سون کی بارشوں کے باعث سندھ، بلوچستان کے بعد پنجاب اور خیبرپختونخوا میں بھی کئی علاقے سیلاب کے باعث شدید متاثر ہوچکے ہیں۔ سوشل میڈیا پر ملک بھر سے سیلاب کی تباہ کاریوں پر حادثات کی ویڈیوز اور تصاویر نے لوگوں کے دل دہلا دئیے ہیں۔ان میں سے ایک میں خیبرپختونخوا (کے پی) میں سیلاب میں مدد کے منتظر افراد کے ڈوبنے کی ویڈیو نے لوگوں کو آبدیدہ کردیا۔

وائرل ہونے والی اس مختصر ویڈیو میں خیبر پختونخوا کے علاقے کوہستان میں تیز سیلاب میں پانچ افراد کو ایک پتھر پر مدد کے لیے منتظر دیکھا جاسکتا ہے۔ ویڈیو سے معلوم ہوتا ہے کہ مدد کے منتظر افراد کے رشتے دار ہی ان کی ویڈیو بنارہے ہیں جو کہ تھوڑے فاصلے پر کسی محفوظ جگہ پر کھڑے ہوئے ہیں۔

Image Source : File

ویڈیو میں تمام لوگ کوہستانی زبان میں بات کرتے سنائی دیتے ہیں جب کہ سیلاب کے تیز بہاؤ کو بھی دیکھا جاسکتا ہے۔ ویڈیو میں مدد کے لیے منتظر افراد سیلاب کے تیز بہاؤ کی وجہ سے پتھر پر توازن برقرار نہیں رکھ پاتے اور تیزی سے آنے والا پانی کاریلا ان کے پتھر کو بہالے جاتا ہے۔

مذکورہ ویڈیو سے متعلق کئی افراد نے سوشل میڈیا پر دعویٰ کیا کہ مذکورہ افراد کم از کم تین گھنٹے تک پتھر پر کھڑے ہوئے تھے اور ان کی ویڈیو بنا کر اعلیٰ حکومتی عہدیداروں تک پہنچانے کی کوشش کی گئی تاکہ وہاں سے مدد کے لیے ہیلی کاپٹر بھجوایا جائے مگر ویڈیوز بھجوانے کے باوجود صوبائی حکومت نے ہیلی کاپٹر نہیں بھیجا۔

رپورٹس کے مطابق مدد کے منتظر پانچ میں سے 4 افراد ڈوب گئے، جن میں سے صرف ایک شخص کی لاش کو تلاش کیا جاسکا ہے جب کہ ایک شخص کو کسی نہ کسی طرح بچالیا گیا۔ مدد کے منتظر افراد کے حوالے سے بعض لوگوں نے بتایا کہ پانچوں افراد کا تعلق ایک ہی علاقے سے تھا اور علاقے میں اچانک تیز سیلاب آنے کی وجہ سے وہ اس میں پھنس گئے۔

Image Source : Screengrab

مزید برآں، سوشل میڈیا پر مختلف سیاستدانوں کی سیلاب متاثرین کی مدد کی ویڈیوز بھی کافی وائرل ہورہی ہیں۔ ان میں سے ایک ویڈیو میں فریال تالپور کے خاوند اور رکن قومی اسمبلی منور تالپور کی ایک ویڈیو وائرل ہے جس میں وہ متاثرین میں گھرے امدادی رقم تقسیم کررہے ہیں۔ اس ویڈیو کلپ میں منور تالپور کی جانب سے بے یارومددگار متاثرین کو فی کس 50 روپے دئیے گئے اور گڈی ختم ہوجانے پر واپس جانے سے قبل انہوں نے تالیاں بجانے کا اشارہ بھی کیا۔ اس ویڈیو کے منظر عام پر آنے کے بعد سوشل میڈیا صارفین نےسندھ کا امیر ترین خاندان ہونے کے باوجود ایسی امداد پر شدید تنقید کا نشانہ بنایا۔

مون سون کی بارشوں کے باعث اندرون سندھ کی صورتحال بھی تسلی بخش نہیں وہاں سے بھی لوگ نقل مکانی پر مجبور ہیں، جبکہ سندھ کے سب سے بڑے شہر کراچی میں بھی بارشوں کے بعد سڑکوں کی ٹوٹ پھوٹ نے شہریوں کے لئے سفر کرنا محال بنادیا ہے۔


Like it? Share with your friends!

0

What's Your Reaction?

hate hate
1
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format