پاکستان انگلینڈ کرکٹ سیریز کے امکانات روشن

برطانوی خبررساں ادارے نے اس بات کا عندیہ دیا ہے اس سال اگست میں ہونے پاکستان انگلینڈ سیریز کی تمام معاملات طے پاگئے ہیں۔ پاکستان کرکٹ بورڈ اور انگلینڈ کرکٹ بورڈ کے مابین جاری مذکرات کامیاب ہوگئے ہیں اور پاکستان کرکٹ ٹیم شیڈول کے مطابق انگلینڈ دورہ کرے گی۔

کورونا وائرس کے پیش نظر جہاں دنیا بھر کہ تمام معاملات زندگی معطل ہوکر رہے گئے ہیں، وہیں کھیل کے میدانوں کی رونقیں بھی ماند پڑھ گئیں تھی۔

البتہ کرکٹ کے میدان سے اچھی خبر ہے کہ قومی ٹیم رواں سال انگلینڈ کا دورہ کریں گی۔ باقی سیکیورٹی کے پیش نظر ٹیم عام فلائٹ کے بجائے چارٹر طیارے کے ذریعے انگلینڈ کا سفر کرے گی اور تمام سفری اخراجات انگلش کرکٹ بورڈ آٹھائے گا۔

جبکہ اس ہی سے جڑی اہم خبر یہ سامنے آئی ہے کہ قومی ٹیم کا اسکواڈ 25 کھلاڑیوں پر مشتمل ہوگا ۔۔ جس میں دس کھلاڑی بیک اپ پلان کا حصہ ہونگے ۔ مزید اس بات کا بھی دعوی کیا جارہا ہے کہ پاکستان کرکٹ ٹیم شیڈول ٹور سے کم از کم دو ہفتے قبل انگلینڈ پہنچے گی اور 10 روز قرنطینہ میں قیام بھی کرے گی ۔

یاد رہے پاکستان کرکٹ ٹیم نے رواں سال انگلینڈ میں تین ٹیسٹ اور تین ٹی ٹونٹی انگلینڈ میں کھیلے ہیں۔ اس خبر سے قبل خدشات یہی تھے کہ شاید کورونا وائرس کے پیش نظر یہ دورہ بھی منسوخ ہوجائے گا۔

البتہ پاکستان کرکٹ بورڈ کی جانب سے اس خبر کی توثیق یا تردید اب تک نہیں کی گئی ہے ۔