عمیر رانا کا شمار پاکستانی ٹیلی ویژن کے سب سے ذہین اورپرفیکٹ اداکاروں میں ہوتا ہے۔ اداکار بہت سے اہم پروجیکٹس پر کام کر چکے ہیں اور مداحوں کی ان کی اداکاری بہت پسند آتی ہے۔
اس وقت عمیر رانا موجودہ سپر ہٹ ڈرامہ سیرل عشق مرشد میں ڈرامے کے مرکزی کردار اور ہیرو اداکار بلال عباس کے والد کا کردار کر رہے ہیں جس میں وہ ایک کرپٹ سیاست دان کے طور پر مداحوں کو انٹرٹین کرتے دکھائی دی رہے ہیں۔
حال ہی میں عمیر رانا نے ساتھی فنکار احمد علی بٹ کے پوڈکاسٹ میں شرکت کی اور بتایا کہ بچپن میں مذہب سے اس قدر قریب ہوگیا تھا کہ وہ اس نہج پر پہنچ گئے تھے جسے انتہا پسند کہیں تو غلط نہیں ہوگا، اس دور میں بڑے بھائی کی سالگرہ آئی تو انہیں مبارکباد تک نہیں دی جس کا بعد میں بہت افسوس ہوا۔
انہوں نے بتایا کہ کسی طرح اس انتہا پسندی سے نکلے تو پہلے مذہب سے دور ہوگئے اور پھر جب بالغ ہوئے تو تمام مذاہب کی تعلیم حاصل کی، اس دوران دینِ اسلام کی جانب ایک بار پھر راغب ہوگئے۔
اداکار نے دینِ اسلام کی جانب دوبارہ راغب ہونے کا قصہ کچھ یوں بتایا کہ ایک بار اپنی والدہ کے ساتھ حج کے لیے گیا ہوا تھا، ان دنوں مجھے جوڑوں کی تکلیف کی شکایت تھی اور احتیاطی تدابیر اختیار کرنے کی ہدایت کی گئی تھی لیکن پھر بھی جبل نور پر چڑھنے کا فیصلہ کیا اور جب چڑھتے چڑھتے غار حرا تک پہنچا تو احساس ہی نہیں ہوا کہ مجھے درد بھی تھا۔
انہوں نے کہا جب غاز حرا میں پہنچا تو میری جو کیفیت تھی اسے الفاظ میں بیان نہیں کرسکتا، اس وقت میں صرف یہ سوچ رہا تھا کہ میرے آخری نبیﷺ کو پہلی وحی اس جگہ نازل ہوئی تھی، میری زبان پر صرف سورۃ العلق کی ابتدائی آیت یعنی اقرا ہی تھی، جس کے معنی پڑھنے کے ہیں اور ہم یہ ہی نہیں کر رہے۔
انہوں نے بتایا کہ اس وقت میں سوچ رہا تھا کہ اگر میری یہ حالت ہے تو آپﷺ اور دیگر انبیا کرامؑ کی کیا حالت ہوتی ہوگی، جب ان پر وحی نازل ہوئی ہوگی، پھر جب میں غار حرا سے واپس آیا تو مجھے جوڑوں کی تکلیف مکمل طور پر ختم ہوگئی تھی اور یہ ہی وہ وقت تھا جب میں دین اسلام کی طرف دوبارہ لوٹ کر آیا تھا۔
عمیر رانا نے اپنے سُپر ہٹ ڈرامہ سیریل ’سنگ ماہ‘ کی شوٹنگ کے حوالے سے بھی بتایا کہ اس دوران بھی اسی نوعیت کا واقعہ پیش آیا اور اس وقت احساس ہوا کہ میں اپنی ذہنی حالت پر خود قابو پاسکتا ہوں۔
پاکستانی ڈراموں و فلموں کی مشہور و معروف لکھاری بی گل نے انکشاف کیا ہے…
بلاک بسٹر ڈرامہ سیریل عشق مرشد سے شہرت کی بلندیوں کو چھو لینے والی اداکارہ…
پاکستان کا پہلا سیٹلائٹ مشن ’’آئی کیوب قمر‘‘ کو چاند پر روانہ کر دیا گیا۔…
پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…
نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…
پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…