مہوش حیات نے نازیبا ویڈیو پر خاموشی توڑ دی

تمغہ امتیاز حاصل کرنے والی پاکستانی کی معروف اداکارہ مہوش حیات نے اپنے نام سے منسوب سوشل میڈیا پر زیر گردش نازیبا ویڈیو پر چپ توڑ دی۔

مشہور شخصیات کی شہرت کو نقصان پہنچانے کیلئے ان کے نام سے غیر اخلاقی ویڈیو کو منسوب کر کے سوشل میڈیا پر وائرل کرنا معمول بن گیا ہے سوشل میڈیا پر گزشتہ کچھ دنوں سے ایک بولڈ ویڈیو وائرل ہورہی ہے جس کے بارے میں دعویٰ کیا جارہا ہے کہ اس میں نظر آنے والی خاتون اداکارہ مہوش حیات ہیں۔ اس نازیبا ویڈیو کے بارے میں اداکارہ نے اب اپنی خاموشی توڑ دی ہے اور انہوں نے اس بات کے جواب میں اپنے ٹوئٹر اکاؤنٹ سے ایک حدیث شیئر کردی۔

مہوش حیات ہمیشہ اپنے بولڈ بیانات، اداکاری، ویڈیوز اور تصاویر کی وجہ سے خبروں میں“اِن”رہتی ہیں۔ حال ہی میں اداکارہ مہوش حیات کے انٹرویو کی ایک کلپ بھی سوشل میڈیا پر وائرل ہوئی تھی جس میں وہ کہتی ہیں کہ انہیں بلاول بھٹو زرداری کے ساتھ شادی میں بھلا کیا اعتراض ہو سکتا ہے۔

یہ ویڈیو اس قدر وائرل ہوئی کہ ہر طرف اداکارہ مہوش حیات کی شادی کے چرچے ہونے لگے۔ لیکن پھر اداکارہ نے سوشل میڈیا پر گردش کرنے والی اپنی شادی سے متعلق تمام قیاس آرائیوں کی وضاحت کردی اور ٹوئٹر پر ایک وضاحتی ٹوئٹ کی جس میں انہوں نے کہا کہ “میں شادی کے لیے جس کا بھی انتخاب کروں یہ میرا فیصلہ ہے اور جب ایسا ہوگا تو لوگوں کو معلوم ہو جائے گا۔”انہوں نے کہا کہ “میچ میکنگ نہ کریں اور دو سال پرانے انٹرویو میں مطلب سے ہٹ کر باتیں اور ہیڈلائنز نہ بنائیں۔”مہوش حیات نے مزاحیہ انداز اپناتے ہوئے مزید لکھا کہ “اور بھی غم ہیں زمانے میں شادی کے سوا” ۔

یاد رہے کہ بہت ہی مختصر عرصے میں شہرت کی بلندیوں پر پہنچنے والی معروف پاکستانی اداکارہ مہوش حیات اب تک بہت سی فلموں میں اداکاری کے جوہر دیکھا چکی ہیں جن میں پنجاب نہیں جاؤں گی، جوانی پھر نہیں آنی، لوڈویڈنگ ،چھلاوا، ایکٹر ان لو سمیت دیگر فلمیں شامل ہیں۔

مزید یہ کہ دو سال قبل 23 مارچ کے موقع پر ایک قومی تقریب میں انہیں بہترین کارکردگی کی بنیاد پر تمغہ امتیاز سے بھی نوازا گیا تھا۔ حکومت کی جانب سے اداکارہ کو تمغہ امتیاز سے نوازنے کےاقدام کو کافی زیادہ پذیرائی ملی تھی تاہم کچھ حلقوں کی جانب سے شدید تنقید کا نشانہ بھی بنایا گیا تھا۔