ایوارڈ شوز کے بعد خواتین فنکاروں کے لباس پر تنقید، منشا پشا سخت نالاں


0

پاکستان فلم و ٹی وی انڈسٹری کی معروف اداکارہ منشا پاشا نے خواتین فنکاروں کے ملبوسات پر سوشل میڈیا ناقدین کو آڑے ہاتھوں لے لیا۔ اداکارہ نے لکس اسٹائل ایوارڈز 2021 کی تقریب کے بعد اپنے علاوہ دیگر خواتین اداکاراؤں کے ملبوسات پر سوشل میڈیا پر تنقید پر شدید برہمی کا اظہار کرتے ہوئے ٹوئٹر پر خصوصی پیغام جاری کر دیا۔

حال ہی میں کراچی میں لکس اسٹائل ایوارڈز کی تقریب کا انعقاد کیا گیا جس میں مختلف شوبز شخصیات کو متعدد اعزازات سے نوازا گیا تھا اور اداکاروں و گلوکاروں نے ڈانس پرفارمنسز بھی کی تھیں۔ تاہم تقریب کے بعد سے انٹرنیٹ صارفین ایوارڈ تقریب سے زیادہ خواتین اداکارؤں کے لباس سے متعلق بات کر رہے ہیں۔ جہاں چند خواتین اداکاراؤں کے ملبوسات کی تعریف کی گئی وہیں کچھ اداکاراؤں کو پاکستانی معاشرے کی روایات سے متصادم لباس پہننے پر تنقید کا نشانہ بھی بنایا جا رہا ہے جن میں ریشم، منشا پاشا، عائشہ عمر، صبور علی اور میرا سیٹھی شامل ہیں جبکہ ڈیزائنر علی ذیشان کے لباس پر مزاحیہ تبصرے اور میمز بھی شیئر کی جا رہی ہیں۔

Image Source: Instagram

اداکارہ منشا پاشا نے سماجی رابطے کی ویب سائٹ ٹوئٹر پر جاری کیے گئے اپنے پیغام میں کہا کہ ’ہر ایوارڈ شو کا اختتام تمام خواتین مشہور شخصیات کی تصاویر کے نیچے منفی اور تنقید بھرے تبصرے کرنے کے ساتھ ہوتا ہے۔ اُنہوں نے ٹوئٹ میں لکھا کہ معروف خواتین شخصیات کے کردار پر سوال اُٹھائے جاتے ہیں، اُن کے ملبوسات کی وجہ سے اُنہیں تنقید کا نشانہ بنایا جاتا ہے۔

Image Source: Instagram

اس موقع منشا پاشا نے مزید کہا کہ ’کسی شخص کے ملبوسات کی بناء پر اُن کی شخصیت کا اندازہ لگانا درست نہیں۔ انہوں نے کہا کہ ’ایمانداری سے کہا جائے تو یہ سطحی سوچ ہے کہ لباس کے انتخاب کی بنیاد پر کسی کی شخصیت سے متعلق فیصلہ کیا جائے۔

اداکارہ نے اپنے اگلے ٹوئٹ میں کہا کہ اگر آپ کو لگتا ہے کہ دوسروں کو برا بھلا کہنے سے آپ ایک اچھے شخص بن جائیں گے تو براہِ کرم دوبارہ چیک کریں۔

خیال رہے کہ عالمی وبا کورونا وائرس کی صورتحال کچھ معمول پر آنے کے بعد منعقد ہونے والے 20 ویں لکس اسٹائل ایوارڈز کی تقریب میں شوبز ستاروں نے اپنے اسٹائلش ملبوسات سے تقریب کو چار چاند لگائے۔

اس سال بہترین ٹی وی اداکارہ کا ایوارڈ یمنیٰ زیدی (کریٹکس اینڈ ویوورز چوائس) جبکہ بہترین اداکار (کرٹکس) کا ایوارڈ بلال عباس اور بہترین اداکار (ویوورز چوائس) کا ایوارڈ دانش تیمور نے جیتا۔ البتہ فلمیں ریلیز نہ ہونے کی وجہ سے رواں برس ان ایوارڈز میں فلم کی کیٹیگری شامل نہیں کی گئی تھی۔ اس تقریب کی میزبانی کے فرائض، مہوش حیات، منشا پاشا، احسن خان اور احمد علی بٹ نے سرانجام دئیے۔ اس سے پہلے بھی ہم اسٹائل ایوارڈز میں شوبز شخصیات کے لباس کے انتخاب کو شدید تنقید کا نشانہ بنایا گیا تھا کہ شرکاء کی فیشن چوائسز درست نہیں تھیں۔

مزید پڑھیں: انٹرنیٹ پر ایک بار پھر عاصم اظہر اور میرب علی کی قربتوں کے چرچے

اس کے علاوہ ،رواں سال اداکارہ ماہرہ خان کو فلسطینیوں کے حق میں نکلنے والی ریلی میں دوپٹہ نہ پہننے پر سوشل میڈیا صارفین نے تنقید کا نشانہ بنایا گیا تھا۔ سوشل میڈیا پر لوگوں نے ماہرہ خان کی احتجاج میں شرکت کی تصاویر اور ویڈیوز پر تنقیدی تبصرے کیے اور جب یہ تنقید حدسے بڑھ گئی تو یاسر حسین اور اداکار احمد علی بٹ نے ماہرہ خان کی حمایت میں آواز اٹھائی اور ناقدین کو جواب دیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
1
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format