کیا آپ جانتے ہیں کہ مختلف ‘خوف’ ہماری شخصیت میں چھپی خوبیوں کو ظاہر کرتے ہیں؟

خوف ایک ایسی علامت ہے جو ہر انسان میں موجود ہوتی ہے جبھی ہم سب کو کسی نہ کسی چیز سے ڈر ضرور محسوس ہوتا ہے۔ چاہے ہم کتنے بہادر ہوں اور چیلنجز کا سامنا کرتے ہوں تب بھی ہم کسی نہ کسی ایک چیز سے ڈرتے ہیں۔ لیکن اب ہمیں اپنے اس خوف کو دوسروں سے چھپانے یا اس پر شرمندہ ہونے کی ضرورت نہیں کیونکہ نفسیات کہتی ہے کہ آپ کا ہر خوف آپ کے بارے میں ایک ‘خوبی’ کو بیان کرتا ہے۔ یہاں ہم کچھ ایسے ہی خوفوں کا ذکر کرینگے جو آپ میں چھپی خوبیوں کو ظاہر کرتے ہیں۔

ُبلندی کا خوف

اگر آپ کو بلند جگہ پر جانے کا ڈر ہے تو اس کا مطلب ہے کہ آپ اپنی جڑوں سے مضبوطی کے ساتھ جڑے ہوئے ہیں اور اپنے حالات پر بہتر طریقے سے قابو پانا جانتے ہیں اس کے ساتھ ساتھ اپ ذہین اور حساس بھی ہیں۔

اندھیرے کا خوف

اندھیرے کا مطلب ہے کہ آپ دیکھنے سے قاصر ہیں یہ ہماری حواس خمسہ میں سے ایک ہے جب آپ دیکھ نہیں سکتے ہیں تو آپ یہ سوچنے پر مجبور ہوجاتے ہیں کہ اب کچھ غلط ہوسکتا ہے  اور یہ آپ کو غیر متوقع واقعات کا شکار بنا دیتا ہے۔ اگر آپ کو بھی اندھیرے کا ڈر ہے تو اس کا مطلب یہ ہوسکتا ہے کہ آپ کی تخیلاتی قوت بہت زیادہ ہے۔ جب بھی آپ کو خالی جگہ دی جائے تو آپ کا ذہن مختلف تخیلاتی تصاویر بناسکتا ہے اور آپ کو خوفزدہ کرسکتا ہے۔

تنہا رہنے کا خوف

بہت سے لوگ اکیلے رہنے سے ڈرتے ہیں،ان کے اندر اس بات کا ڈر ہوتا ہے کہ انہیں نظر انداز کیا جارہا ہے یا انہیں پیار نہیں دیا جارہا ہے۔ ایسے لوگ زیادہ تر زندہ دل ہوتے ہیں اور انہیں ہجوم میں رہنا، پارٹیز کرنا اور ملنا جلنا پسند ہوتا ہے اس قسم کے لوگ درحقیقت محفلوں کی جان ہوتے ہیں۔

ہجوم کا خوف

اگر آپ کو ایسی جگہیں پسند نہیں ہیں جہاں زیادہ لوگ ہوں تو اس کا مطلب یہ ہوسکتا ہے کہ آپ خود کی قدر کرنے والے ہیں اور تنہائی پسند ہیں لیکن اس کا ہرگز مطلب یہ نہیں ہے کہ آپ کو لوگ پسند نہیں ہیں۔ آپ صرف ان لوگوں کے ساتھ رہنا پسند کرسکتے ہیں جن پرآپ کو اعتماد ہے۔

سانپوں کا خوف

سانپ وہ جانور ہےجو تاریخ میں خوف کے لئے مشہور ہیں۔اگر آپ سانپوں سے ڈرتے ہیں تو آپ کی حفاظتی جبلت مضبوط ہے اور آپ دوسروں کے لئے مشکل میں کھڑے ہونے کا رحجان رکھتے ہیں۔

خون کا خوف

خون کا خوف رکھنے کا مطلب یہ ہے کہ خطرے کے متعلق آپ کی حس بہت تیزی سے کام کرتی ہے اگر آپ کو خون کا خوف ہے اور آپ خون کو دیکھ کر فوری طور پر اچھلتے ہیں یا بیہوش ہوجاتے ہیں تو آپ پرسکون اور حفاظت کرنے والی طبیعت کے مالک ہیں کیونکہ آپ خون کو کسی بھی خطرے یا غلط چیز سے جوڑتے ہیں۔

ہجوم میں بولنے کا خوف

اگر آپ کو ہجوم میں بولنے کا خوف ہے تو یہ بہت سی مختلف چیزوں کی نشاندہی کرتا ہے۔آپ میں خود اعتمادی کی کمی ہے ، آپ کو اپنے کام کے لئے دوسروں کی منظوری چاہئے اور اپ کو اپنی کوششوں میں ناکامی کی توقع ہے آپ ہجوم میں فیصلہ کرنے سے ڈرتے ہیں۔ لیکن یہ ڈر ایک خوبی کی جانب بھی اشارہ کرتاہے وہ ہےکامل بننا یا پرفیکشنسٹ ہونا یعنی آپ اپنے کام میں پرفیکشن چاہتے ہیں اور غلطی یا غلط فیصلے کے لئے آپ کی زندگی میں کوئی جگہ نہیں ہے۔

جراثیم کا خوف

اگر آپ کو جراثیم سے متاثر ہونے کا ڈر پریشان کیے رہتا ہے تو اس کا مطلب ہے کہ آپ حفظان صحت کی بہترین سطحوں کے بارے میں زیادہ فکر مند رہتے ہیں۔ اس لئے آپ اپنے اردگرد کے ماحول کو صاف ستھرا رکھنے کے لئے ہمیشہ فکرمند رہتے ہیں اور ہمیشہ منظم رہنے کی کوشش کرتے ہیں۔