کراچی: رکشہ میں سوار 40 سالہ خاتون اغوا کے بعد اجتماعی زیادتی کا نشانہ بن گئیں

کراچی میں ظلم و بربریت کا اندوہناک واقعہ، نامعلوم ملزمان نے رکشہ میں سوار 40 سالہ خاتون کو اغواء کے اجتماعی زیادہ نشانہ بنا ڈالا، پولیس نے واقعے کا مقدمہ درج کرکے ملزمان کی تلاش شروع کردی ہے۔

تفصیلات کے مطابق ملک کے سب سے بڑے شہر کراچی کے علاقے صحراب گوٹھ سے متحصل سائٹ سپر ہائی وے پر جنسی زیادہ کا ایک خوفناک واقعہ رپورٹ ہوا، جس میں رکشے میں سفر کرتی خاتون کو 2 ملزمان (رکشہ ڈرائیور اور اس کے ساتھی) نے اغوا کرکے اجتماعی زیادتی کا نشانہ بنایا اور جائے وقوعہ سے فرار ہوگئے۔

ایکسپریس نیوز کی خبر میں دعویٰ کیا گیا ہے کہ عصمت دری کا افسوسناک واقعہ ہفتہ اور اتوار کی درمیانی شب کراچی کے علاقے سائٹ سپر ہائی وے پر پیش آیا جہاں ایک رکشہ ڈرائیور نے ساتھی کی مدد مسافر خاتون کو اپنی جنسی ہوس کا نشانہ بنایا۔

اس موقع پر پولیس کو دئیے گئے بیان میں متاثرہ خاتون کا کہنا ہے کہ وہ لاسی گوٹھ کی رہائشی ہیں اور ہفتہ کی شب بازار سے رکشا کے ذریعے گھر جارہی تھی کہ اسی دوران کچھ فاصلے کے بعد رکشا ڈرائیور نے ایک اور شخص کو اپنے رکشا میں بٹھالیا۔

متاثرہ خاتون نے پولیس کو بیان میں مزید کہاکہ دونوں نے آپس میں رازداری کے ساتھ کوئی بات کی اور اس کے بعد رکشہ انتہائی تیز رفتاری کے ساتھ کسی اور راستے پر لے گئے۔ چنانچہ جب انہوں نے شور مچانا چایا تو ملزمان نے ان کے منہ پر ہاتھ رکھ دیا اور نامعلوم مقام پر لے گئے، جہاں جاکر ملزمان نے ناصرف انہیں تشدد کا نشانہ بنایا بلکہ اس کے بعد دونوں نے اسے زیادتی کا نشانہ بھی بنایا۔

پولیس نے خاتون کی مدعیت میں نامعلوم ملزمان کے خلاف مقدمہ درج کرکے تحقیقات کا آغاز کردیا ہے۔

اس حوالے سے پولیس حکام نے مزید بتایا کہ خاتون کو طبی معائنے کے لیے عباسی شہید اسپتال بھیجا گیا ہے، جس کی رپورٹ ابھی موصول نہیں ہوئی تاہم پولیس نے خاتون کی مدعیت میں جنسی زیادتی کا مقدمہ درج کرلیا ہے۔

واضح رہے اس ہی طرز کا ایک واقعہ چند ماہ قبل لاہور کے علاقے بیدیان روڈ پر پیش آیا تھا، جہاں رکشے میں سوار خاتون کو 3 درندہ صف افراد نے اغوا کے بعد اجتماعی زیادتی کا نشانہ بنا ڈالا تھا، بعدازاں خاتون کو سڑک پر پھینک کر فرار ہوگئے تھے۔ خاتون رکشہ خراب ہو جانے کے باعث سڑک پر دوسری سواری کا انتظار کر رہی ہیں تھیں، اس دوران ایک کار آئی، جس میں موجود تینوں نے ملزمان نے اغوا اور جنسی زیادتی کا نشانہ بنایا۔

یاد رہے کہ کچھ عرصہ قبل بھی 9 ستمبر 2020 کو لاہور کے علاقہ گجر پورہ میں موٹر وے پر ایک خاتون کو اجتماعی زیادتی کا نشانہ بنایا گیا تھا۔ دو مسلح افراد موٹر وے سے ملحقہ جنگل سے آئے اور کار کا شیشہ توڑ کر زبردستی خاتون اور اس کے بچوں کو نزدیک جنگل میں لے گئے جہاں ڈاکوؤں نے خاتون کو بچوں کے سامنے زیادتی کا نشانہ بنایا اور اس سے طلائی زیور اور نقدی چھین کر فرار ہوگئے تھے۔