کراچی میں بیوہ خاتون پر دیوروں کا ظلم، مدد کی اپیل کردی

شہر کراچی میں حوا کی ایک اور بیٹی پر سسرال والوں نے لالچ کے باعث ظلم اور بربریت کے پہاڑ توڑ دیئے۔ لالچی دیوروں نے شوہر کے انتقال کے بعد دوراب عدت اپنے ہی گھر سے دھکے دے کر نکال دیا۔ خاتون نے انصاف کی اپیل کردی۔

تفصیلات کے مطابق فیس بک کے مشہور ومعروف پیج حالات اپ ڈیٹس ایک صارف کی جانب سے ایک ویڈیو پیغام جاری کیا گیا، جس میں صائمہ ناز نامی خاتون نے اپنے ساتھ ہونے والے ظلم اور زیادتی کا احوال بتاتے ہوئے کہا کہ وہ کراچی کے علاقے گلستان جوہر کی رہائشی ہیں اور ایک بیوہ ہیں، ان کے 6 بچے ہیں، گزشتہ برس 16 مارچ کو ان کے شوہر رضائے الٰہی سے انتقال کرگئے تھے۔ تاہم شوہر کے انتقال کے فوراً بعد ہی ان کے دیور ان کی جان کے دشمن بن گئے تھے۔

خاتون نے ویڈیو پیغام میں مزید بتایا کہ ایک روز جب وہ عدت میں تھیں، تو ان کے دیور اور ان کے بیٹوں گھر میں زبردستی گھس گئے، اور انہیں خوب تشدد کا نشانہ بنایا۔ گھر کا تمام سامان گھر سے باہر نکال کر پھینک دیا اور مجھے بچوں سمیت عدت کی حالت میں ہمارے ہی گھر سے زبردستی باہر نکال دیا۔

متاثرہ خاتون صائمہ ناز کے مطابق میرے دیور ہماری جائیداد پر قبضہ کرنا چاہتے ہیں، یہی نہیں دیور اور ان کے بیٹے انہیں جان سے مارنے اور بچوں اغواء کرنے کی دھمکیاں دیتے ہیں۔ جبکہ کم سن بچیوں کو اغواء کرکے انہیں نقصان پہنچانے اور زبردستی شادی کرنے کی دھمکیاں دی جا رہی ہے، چنانچہ ان کی اور ان کے بچوں کی ہر ممکن مدد کی جائے۔

پولیس کے حوالے بات کرتے ہوئے صائمہ ناز کا کہنا تھا کہ انہوں نے گزشتہ سال جون میں اپنے گھر پر قبضہ کا مقدمہ سائٹ سپر ہائی وے تھانے میں درج کرایا تھا لیکن ابھی تک پولیس میرا گھر خالی نہیں کراسکی- لہذا وہ مجبوراً کرائے کے گھر پہ رہ رہی ہیں, جبکہ اس دوران ان کی ایک بیٹی بھی بیمار ہے، انہیں اس کے علاج معالجہ کے لئے بھی رقم کی ضرورت ہے-

اس موقع پر خاتون کا مزید کہنا تھا کہ ان کے دیور مختلف ویب چینلز اور ڈمی اخباروں کے ذریعے ان کی کردار کشی کروا رہے ہیں، جن میں بار بار کسی غیر مرد کے ساتھ ناجائز تعلقات کے بےبنیاد اور گھٹیا الزامات عائد لگاتے ہیں تاکہ انہیں غیرت کے نام پر قتل کروایا جاسکے۔ لہذا انہوں نے اس تمام صورتحال کو دیکھتے ہوئے ویب چینلز اور جھوٹی اخبارات کی خبروں میں ہونے والی کردار کشی کے خلاف وفاقی تحقیقاتی ادارے (ایف آئی اے) سائبر کرائم ونگ کو شکایات درج کروائی ہے، جس میں بتایا گیا ہے کہ انہیں اپنے دیوروں سے جان کا خطرہ ہے، تاہم ایف آئی اے کی جانب سے تاحال اس پر کوئی کاروائی عمل میں نہیں لائی گئی ہے۔

متاثرہ خاتون صائمہ ناز نے ویڈیو پیغام میں وزیر اعلی سندھ سید مراد علی شاہ اور آئی جی سندھ سے درخواست کی ہے کہ انہیں انصاف دلوایا جائے، انہیں اور ان کے بچوں کو پچھلے کئی ماہ سے زہنی باؤچر سے گزرنا پڑھ رہا ہے، انہیں قتل کی دھمکیاں دی جارہی ہیں، چنانچہ ان کے جان اور مال کی حفاظت کو یقینی بنایا جائے اور ان تمام افراد کے خلاف کاروائی کی جائے۔

واضح رہے چند روز قبل کراچی سے ایک دل دہلا دینے والا واقعہ سامنے آیا تھا، جس میں صارم برنی ٹرسٹ میں پناہ لینے والی ضیف العمر خاتون نے نم آنکھوں سے بتایا کہ ان کی اپنی سگی بیٹی نے ان کے حج کے پیسوں پر قبضہ کرنے کے بعد انہیں گھر سے دھکے دے کر نکال دیا تھا۔ جبکہ سگا بیٹا تو کئی عرصہ قبل ہی انہیں تنہا چھوڑ کر چلا گیا تھا۔