کیا نور مقدم کا قتل درست عمل تھا؟ عوام کا اینکرپرسن عمران خان سے سوال؟

جنسی تشدد اور زیادتی کے کیسسز میں متاثرہ خواتین کو مورد الزام ٹھہرانا بھی ایک بڑا عالمی مسئلہ بن کر سامنے آیا ہے، افسوس کے ساتھ یہ سوچ ہمارے ملک میں بھی بڑھ رہی ہے۔ ہم نے حال ہی میں کئی مرتبہ دیکھا کہ جنسی زیادتی کے کیسسز میں خواتین کو ہی ذمہ دار ٹھہرانے کی کوشش کی گئی۔ اب اس سلسلے کی ایک اور کڑی نور مقدم کیس میں بھی دیکھی جا رہی ہے، جہاں حال ہی میں ٹی وی اینکر پرسن عمران خان نے نور مقدم کو تمام معاملے میں مورد الزام ٹھہرانے کی کوشش کی۔

تفصیلات کے مطابق حال ہی میں جاری ایک ویڈیو پیغام میں صحافی عمران خان نے نور مقدم قتل کیس میں خود مقتولہ کو ہی موت کا ذمہ دار قرار دینے کی کوشش کی، جس پر عوام میں شدید غم وغصہ پایا جاتا ہے۔ عمران خان کا کہنا تھا کہ نور مقدم نے پچھلے چھ ماہ محض 3 بار اپنے والد سے رابطہ کیا جبکہ قاتل ظاہر جعفر سے کئی مرتبہ رابطہ کیا ہے۔

ٹی وی اینکر عمران خان نے اپنے پیغام میں موقف اپناتے ہوئے کہا کہ نور مقدم اور ظاہر جعفر کے مابین جو تعلق تھا، وہ ناصرف اسلام کے خلاف تھا بلکہ ہماری مقامی روایات کے بھی خلاف تھیں۔ ان کے مطابق اس طرح رشتوں اور معاملات کے نتائج اتنے ہی خطرناک ہوتے ہیں۔ جب ہی اسلام، آپ کا معاشرہ اور اپ کے بڑے بزرگ خبر دار کرتے ہیں۔

معروف صحافی عمران خان کی تمام باتیں درست ہیں، انسان کو احتیاط کرنی چاہئے، گھر والوں کی باتوں کو ماننا چاہیے، لیکن اس بات سے یہ تاثر دینے کی کوشش کرنا کہ اس وحشیانہ اور ہولناک قتل کی ذمہ دار نور مقدم خود ہیں، یہ سراسر مقتول کے ساتھ زیادتی ہے۔ اگر موصوف کی سوچ کے مطابق غور کیا جائے، تو اس معاملے میں لڑکا اور لڑکی دنوں ہی شامل تھے، تو غلطی صرف نور کو ہی کیسے تھی؟ کیا ظاہر براہ راست ۔لوث نہیں تھا۔ البتہ ان تمام دلائل کے باوجود ہم بحیثیت انسان اور مسلمان کسی کی زندگی کے نتائج کا تعین کرنے کا حق نہیں رکھتے ہیں۔

یہی وجہ ہے کہ سماجی رابطے کی ویب سائٹ ٹوئیٹر پر صحافی عمران خان کے خلاف ردعمل دیکھا جا رہا ہے، صارفین ان کے بیان کردہ حقائق کی بنیاد پر سفاکیت پر پرداہ ڈالنے کی کوشش کی ہے۔ جو مقتول اور اس کے اہلخانہ کے لئے نہایت تکلیف دہ ہوسکتا ہے۔

بلاشبہ یہ کوئی پہلی بار نہیں ہوا، ناصرف ہمارے ملک میں بلکہ دنیا کے دیگر ممالک میں بھی اس طرح کے واقعات کے بعد متاثرہ شخص کو مورد الزام ٹھہرانے کی کوشش کی گئی ہیں۔

واضح رہے سابق سفارتکار شوکت علی مقدم کی بیٹی نور مقدم کو اسلام آباد میں 20 جولائی کو انتہائی بے دردی کے ساتھ قتل کر دیا گیا تھا۔ متاثرہ لڑکی کے دوستوں کی شکایت پر کوہسار پولیس نے ظاہر جعفر نامی شخص کے گھر پر چھپا مارا تھا۔ جہاں نور مقدم کی سر کٹی ہوئی لاش بھی برآمد ہوئی تھی۔

بعدازاں کوہسار پولیس کی جانب سے نور مقدم کے والد اور سابق سفیر شوکت علی مقدم کی درخواست پر کوہسار پولیس اسٹیشن میں قتل کی ایف آئی آر کرائی گئی تھی۔ اس موقع پر ان کا کہنا تھا کہ وہ پرامید ہیں کہ انہیں انصاف دلوایا جائے گا، تاہم وہ ایک والد ہیں، اگر انہیں انصاف دلوانے میں کوئی رکاوٹ پیدا کی گئی، تو وہ کسی کو نہیں چھوڑیں گے۔

یاد رہے وزیراعظم پاکستان عمران خان نے اتوار کے روز براہ راست ٹی وی نشریات، “آُپکا وزیراعظم آپ کے ساتھ” میں نور مقدم قتل کیس پر بات کرتے ہوئے قوم کو یقین دلایا تھا کہ وہ اپنی پوری توجہ اس کیس پر مرکوز کئے ہوئے ہیں، قاتل صرف اس وجہ سے انصاف کے عمل سے بچ نہیں سکے گا کہ وہ کسی بااثر خاندان سے ہے اور دوہری شہریت رکھتا ہے۔