کیا اداکارہ حمیمہ ملک بھی شوبز کو خیرآباد کرنے کا ارادہ رکھتی ہیں؟

پاکستان کی مشہور ومعروف اداکارہ حمیمہ ملک یوں تو کسی تعارف کی محتاج نہیں، اپنی زبردست اداکاری کے باعث انہیں ناصرف ملکی سطح پر پذیرائی حاصل ہوئی بلک انہوں نے پڑوسی ملک میں بھی اپنے فن کے زبردست جوہر دیکھائے ہیں۔ یہی وجہ ہے کہ ان کا شمار آج ملک کی صف اول کی اداکاراؤں کی فہرست میں ہوتا پے۔

لیکن اب ان کے حوالے سے کافی چیمہ گوئیاں جاری ہیں کہ شاید اداکارہ حمیمہ ملک بھی پاکستان شوبز انڈسٹری کو خیرآباد کہنے کا ارادہ رکھتی ہیں اور یہ سب اس وقت ہوا جب انہوں نے ماضی کی مشہور اداکارہ نور بخاری کے ساتھ اپنی ایک تصویر شئیر کی، جس میں انہوں نے ساری زندگی حجاب کرنے کی خواہش کا اظہار کیا۔

تفصیلات کے مطابق اداکارہ حمیمہ ملک کی جانب سے سماجی رابطے کی ویب سائٹ انسٹاگرام پر ایک اسٹوری شئیر کی گئی، جس میں وہ سابقہ اداکارہ نور بخاری کے ساتھ موجود ہیں۔ جبکہ تصویر میں دونوں شخصیات حجاب کئے ہوئے ہیں۔

اس تصویر کے ساتھ پیغام جاری کرتے ہوئے اداکارہ حمیمہ ملک نے نور بخاری کو مخاطب کرتے ہوئے لکھا کہ آپ کی زندگی میں چند ایسے لوگ ہوتے ہیں جو آپ سے کوئی توقع نہیں رکھتے ہیں لیکن آپ کا اچھا چاہتے ہیں، نور آپ بہت نورانی ہیں، میری پیاری نوری اللہ تعالیٰ ہمیشہ آپ پر اپنا کرم کرے۔

حمیمہ ملک نے اپنے جاری کردہ پیغام میں سابقہ اداکارہ نور بخاری کو تحفے میں اسکارف دینے پر نور بخاری کا شکریہ ادا کیا اور لکھا کہ اس خوبصورت تحفے کا شکریہ، مجھے یہ اسکارف پہننا بہت اچھا لگا، دعا ہے کہ اللہ تعالیٰ مجھ پر اپنی رحمتیں عطا فرمائے اور ہمت عطا کرے کہ میں ساری زندگی حجاب کرسکوں۔

اپنے پیغام کے آخر میں اداکارہ حمیمہ ملک نے دو ھیش ٹیگ استعمال کئے، جس میں “نور کے لئے دعا” اور “میرے لئے دعا” شامل تھے۔

دوسری جانب سابقہ اداکارہ نور بخاری کی جانب سے بھی انسٹاگرام پر اسٹوری کے ذریعے حمیمہ ملک کے لئے پیغام جاری کیا گیا، جس میں انہوں نے لکھا کہ کبھی کبھار جب آپ کسی سے ملتے ہیں تو ایسا محسوس ہوتا ہے مک جیسے ہم ہمیشہ ایک دوسرے کے دلوں میں رہتے ہیں، جس میں حمیمہ ملک ان شخصیات میں سے ایک ہیں۔

واضح رہے یہ بات جیسا کہ ہم سب کے علم میں ہے کہ اداکارہ نور بخاری نے چند برس قبل مذہب کی خاطر اور بقیہ زندگی دینی تعلیمات کے مطابق گزارنے کے ۔مقصد سے شوبز کی دنیا کو خیرآباد کہہ دیا تھا، جس کے باعث وہ میڈیا انڈسٹری سے ناصرف دور ہیں بلکہ اگر وہ اب کبھی بھی کسی پلیٹ فارم سے آتی بھی ہیں تو وہ اسکارف کے بغیر نہیں آتی ہیں۔

اگرچے حمیمہ ملک کی جانب سے تاحال اس حوالے سے کوئی بات سامنے نہیں آئی ہے کہ وہ شوبز انڈسٹری کو خیرآباد کرنے کا کوئی ارادہ رکھتی ہیں یا یعنی، یہ تمام باتیں فلحال چیما گوئیاں ہی ہیں، جن کی ابھی فلوقت کوئی حقیقت نہیں ہے۔

یاد رہے گزشتہ برس اداکارہ حمیمہ ملک کے بھائی اور معروف اداکار فیروز خان کی جانب سے دین کی خاطر شوبز کی دنیا کو خیرآباد کا کردیا گیا تھا تاہم ایک سال سے بھی کم وقت کے عرصے میں فیروز خان کی جانب سے اپنے اس فیصلے کو واپس لیتے ہوئے شوبز کی دنیا میں واپسی کا اعلان کیا گیا تھا۔