ایف آئی اے کی اہم پیش رفت، میشا شفیع سمیت 8 افراد پر مقدمہ درج


0

ایف آئی اے سائبر کرائم ونگ نےسوشل میڈیا پر عالمی شہرت یافتہ گلوکار علی ظفر کی ساکھ کو نقصان پہنچانے اور ہتک آمیز مواد شائع کرنے پر گلوکارہ میشا شفیع سمیت آٹھ دیگر ملزمان کے خلاف مقدمہ درج کرلیا۔

فیڈرل انویسٹی گیشن ایجنسی (ایف آئی اے) سائبر کرائم ونگ نے ملک کے نامور گلوکار علی ظفر کے خلاف سوشل میڈیا پر مہم چلانے پر گلوکارہ میشا شفیع سمیت آٹھ دیگر افراد کے خلاف پرمقدمہ درج کر لیا۔ایف آئی اے کی خصوصی عدالت کے حکم پر ملزمان کے خلاف ناقابل ضمانت ایف آئی آر درج کی گئی۔

Image Source: Twitter

تفصیلات کے مطابق ایف آئی اے سائبر کرائم نے گلوکار شوبز انڈسٹری کے مشہور گلوکار علی ظفر کی درخواست پر گلوکارہ میشا شفیع اور دیگر کے خلاف مقدمہ درج کرلیا ہے ۔اس ایف آئی آر میں گلوکارہ میشاشفیع ، حسیم الزمان خان ، اداکار ومیزبان عفت عمر ، فریحہ ایوب ، ماہم جاوید ، لینا غنی ، علی گل ، سید فیضان رضا ، اور ہمنا رضا پر فرد جرم عائد کی گئی ہے۔ علاوہ ازیں ، ملزمان پر الیکٹرانک جرائم کی روک تھام ایکٹ 2016 اور آر / ڈبلیو 109 – پی پی سی کی دفعہ (1)20 کےتحت مقدمہ درج کیاہے۔

واضح رہے کہ گلوکار اور اداکار علی ظفر نے نومبر 2018 میں ایف آئی اے سائبر کرائم ونگ میں یہ شکایت درج کروائی تھی کہ متعدد سوشل میڈیا پلیٹ فارم پر ان کو “بدنام “ کرنے کے لئے “دھمکی آمیز “مواد کی اشاعت بھی کر رہے ہیں۔ مزید یہ کہ گلوکار علی ظفر نے نازیبا مواد کی تحقیقات کے لئے کچھ ٹویٹر اور فیس بک کےاکاؤنٹس کی تفصیلات فراہم کیں ۔ان فراہم کردہ ثبوتوں کی بنیاد پر ایف آئی اے سائبر کرائم ونگ نے تحقیقات شروع کی تھیں۔

Image Source: Facebook

اس حوالے سے گلوکار علی ظفر نے ایف آئی اے کو بتایا، نیہاسائگل 1 کے نام سے ایک ٹوئیٹر اکاؤنٹ نے صرف ایک سال میں ان پر اور ان کے اہل خانہ پر 3000 ہتک آمیز ٹویٹس پوسٹ کیں ،جبکہ یہ اکاؤنٹ میشا شفیع کی جانب سے جنسی ہراسانی کے الزامات سے 50 دن قبل بنایا گیا تھا۔ ایف آئی آر میں یہ بھی کہا گیا ہے کہ میشا شفیع تاحال جسنی ہراسانی کے الزام کو ثابت کرنے کے لئے کوئی گواہ فراہم نہیں کرسکیں ہیں ۔

اس حوالے سے یہ یاد رہے کہ لینا غنی بھی ٹوئیٹر پر 19 اپریل 2018 کو گلوکار علی ظفر کو بدنام کرنے اور ہتک آمیز مواد پوسٹ کرنے میں ملوث پائے گئیں تھیں، تفتیش کے لئے لینا غنی کو بھی طلب کیا گیا ہے لیکن وہ پیش نہیں ہوئیں اور ایک بیان بھیج دیا جو مناسب نہیں تھا۔ اس حوالے سے فریحہ ایوب اور ماہم جاوید کو بھی بیان قلمبند کروانے کے لئے چار بار طلب کیا گیا تھا لیکن وہ انکوائری میں شامل نہیں ہوئیں۔

Image Source: Express Tribune

اس ایف آئی آر میں یہ بھی بتایا گیا ہے کہ اداکارہ و میزبان عفت عمر حاضر ہوئیں لیکن انہوں نے درخواست کی کہ بیان ریکارڈ کروانے کے لئے انہیں مہلت دی جائے تاہم عفت عمر کے جانب سے بار بار درخواستوں کی وجہ سے ان کا بیان ریکارڈ نہ ہوسکا۔ ایف آئی آر میں مزید یہ بتایا گیا ہے کہ علی گل پیر نے بھی اپنے ٹویٹر آئی ڈی سے گلوکار علی ظفر کے خلاف غیر مناسب تبصرے کئے، انھیں بھی تین بار طلب کیا گیا لیکن انہوں نے جان بوجھ کر رجوع نہیں کیا اور ایف آئی اے کراچی کو اپنا بیان پیش کیا تاہم ایف آئی آر کے مطابق علی گل پیر کا بیان غیر اطمینان بخش تھا۔

ایف آئی آر کے مطابق علی ظفر کے خلاف سوشل میڈیا پر نازیبا زبان استعمال کرنے کے حوالے سے تقتیش میں شامل ہمنا رضا کا بیان بھی غیر مناسب تھا جبکہ حسیم الزمان کو بھی 4 بار طلب کیا گیا لیکن وہ پیش نہیں ہوئے۔

یہ خیال رہے کہ گلوکارہ میشا شفیع نے”می ٹو “مہم کے تحت گلوکار علی ظفر پر جنسی ہراسانی کا الزام لگایا تھا جس پر ایف آئی اے نے دو سال تک تحقیقات کیں اور گلوکارہ میشا شفیع سمیت دیگر ملزمان کو دفاع کے لئے 3 سے زائد بار مواقع فراہم کئے گئے لیکن میشا شفیع اپنے اوپر لگائے گئے الزامات کے دفاع میں کوئی گواہ یا ثبوت پیش نہ کرسکیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format