دنیا کے امیر ترین ملک میں پاکستان کونسے نمبر پر؟


-1
-1 points
Ameer Tareen Mulk

عالمی شہرت یافتہ گلوبل فنانس میگزین نے عالمی بینک اور عالمی مالیاتی فنڈ کے ڈیٹا کی بنیاد پر ہر سال کی طرح اس بار بھی دنیا کے امیر ترین ممالک کی فہرست مرتب کی ہے جس میں درجہ بندی فی کس آمدنی کو بنایا گیا ہے۔

(Ameer Tareen Mulk) :امیر ترین ملک

عمومی طور پر متحدہ ہائے امریکہ کو دنیا کے امیر ترین ملک کے طور پر دیکھا جاتا ہے مگر دلچسپ بات یہ ہے کہ اس فہرست میں دنیا کے امیر ترین ملک میں سرِ فہرست امریکا نہیں بلکہ ایک مسلمان ملک ہے۔ تو آئیے جانتے ہیں کہ عالمی جریدے کی جاری کردہ اس فہرست میں دنیا کا امیر ترین ملک کونسا ہے اور پاکستان کس نمبر پر ہے؟

Image Source: Unsplash

اس فہرست میں ساڑھے چھ لاکھ آبادی پر مشتمل یورپی ملک لکسمبرگ کی فی کس جی ڈی پی 140,694 امریکی ڈالر کے ساتھ امریکا اور چین کو پیچھے چھوڑتے ہوئے دنیا کا امیر ترین ملک ہے۔لکسمبرگ اپنی آمدن کا بڑا حصہ شہریوں کے لیے رہائشی، طبی اور تعلیمی سہولیات پر صرف کرتا ہے۔

دنیا کا دوسرا امیر ترین ملک سنگاپور ہے، جس کا فی کس جی ڈی پی 131,580 امریکی ڈالر ہے۔سن 1965 میں آزادی کے وقت سنگاپور کی نصف آبادی پڑھی لکھی تھی لیکن اب شرح تعلیم 98 فیصد ہے۔اسے دنیا کا سب سے زیادہ کاروبار دوست ملک بھی قرار دیا جاتا ہے۔

Image Source: Unsplash

پانچ ملین آبادی والا ملک آئرلینڈ قریب سوا لاکھ ڈالر فی کس جی ڈی پی کے ساتھ دنیا کا تیسرا امیر ترین ملک ہے۔ گزشتہ برسوں کے دوران جب یورپ کے دیگر ممالک مشکلات میں گھرے ہوئے تھے تب بھی آئرلینڈ کی معاشی شرح نمو پانچ فیصد کے قریب تھی اور اس برس بھی 5.2 فیصد رہنے کی توقع ہے۔

اس برس 112,789 ڈالر فی کس جی ڈی پی کے ساتھ قطر دنیا کا چوتھا امیر ترین ملک ہے۔28 لاکھ کی آبادی والے اس ملک کی محض 12 فیصد آبادی قطری باشندوں پر مشتمل ہے۔ گزشتہ برس قطر کی فی کس مجموعی قومی پیداوار ایک لاکھ ڈالر سے کم ہو گئی تھی، اس کے باوجود قریب دو دہائیوں سے قطر امیر ترین ممالک کی ٹاپ ٹین فہرست میں برقرار ہے۔

Image Source: Unsplash

اس فہرست میں پانچواں نمبر مکاؤ کا ہے، جس کی معیشت نے تیزی سے ترقی کی اور سیاحت اور تفریح کے عالمی مرکز کے طور پر دنیا بھر میں شہرت حاصل کی ہے۔جبکہ سوئٹزرلینڈ کی فی کس مجموعی قومی پیداوار 84,658  ڈالر ہے اور وہ دنیا کا چھٹا امیر ترین ملک ہے۔سوئٹزرلینڈ کی 15 فیصد بالغ آبادی دس لاکھ امریکی ڈالر سے زائد رقم کی مالک ہے۔

متحدہ عرب امارات کی فی کس مجموعی قومی پیداوار 78 ہزار ڈالر سے زائد ہے اور یہ دنیا کا ساتواں امیرترین ملک ہے۔سن 2020 کے بعد تیل کی قیمتیں کم ہونے کی وجہ سے کئی دہائیوں بعد امارات دس امیر ترین ممالک کی فہرست سے نکل گیا تھا۔

یورپی ملک ناروے 77 ہزار امریکی ڈالر فی کس جی ڈی پی کے ساتھ دنیا کا آٹھواں امیر ترین ملک ہے۔جبکہ امریکا 76 ہزار ڈالر فی کس جی ڈی پی کے ساتھ دنیا کا نواں امیر ترین ملک ہے۔ کورونا وباء کے دوران امریکہ کی معیشت بھی شدید متاثر ہوئی تھی لیکن اب یہ بتدریج سنبھل رہی ہے۔

مزید پڑھیں: پاکستان میں تعلیم کی اہمیت اور اُس کے اثرات

امیر ترین ملک کی اس درجہ بندی میں پاکستان کا نمبر 138 واں ہے جس کی وجہ چند سالوں میں پاکستان میں مہنگائی کا آنیوالا طوفان ہے جو تھمنے کا نام نہیں لے رہا، کمر توڑتی مہنگائی نے ہر طبقے کو متاثر کیا ہے۔جبکہ اس فہرست میں پڑوسی ملک بھارت 127 ویں نمبر پر ہے۔یاد رہے کہ پاکستان مہنگائی کی بلند ترین شرح رکھنے والی ریاستوں میں 19 ویں نمبر پر ہے جبکہ قیمتوں میں اضافے پر قابو پانے میں 161 ممالک نے پاکستان سے بہتر کارکردگی کا مظاہرہ کیا ہے۔علاوہ ازیں، رواں برس وفاقی ادارہ شماریات کے جاری کردہ اعداد و شمار کے مطابق پاکستان میں مہنگائی کا 47 سالہ ریکارڈ ٹوٹاہے اور 1975 کے بعد پہلی مرتبہ مہنگائی کی سالانہ شرح 27.3 فیصد پر پہنچ گئی ہے۔


Like it? Share with your friends!

-1
-1 points

What's Your Reaction?

hate hate
1
hate
confused confused
0
confused
fail fail
1
fail
fun fun
0
fun
geeky geeky
0
geeky
love love
3
love
lol lol
1
lol
omg omg
1
omg
win win
2
win
Zameer Ali

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format