ڈی ایچ اے نے شکایات پر شاہد آفریدی کے گھر سے جانوروں کو منتقل کردیا

بدھ کے روز کراچی میں ڈیفنس ہاؤسنگ اتھارٹی (ڈی ایچ اے) انتظامیہ کی جانب سے اسٹار کرکٹر شاہد خان آفریدی کے گھر میں موجود پالے گئے جانوروں سے خالی کروا لیا گیا ہے۔

ذرائع کے مطابق ڈی ایچ اے انتظامیہ نے سابق ٹیسٹ کرکٹر شاہد خان آفریدی کے پڑوسیوں کی شکایات اور انہیں درپیش مسائل کے باعث کاروائی کا فیصلہ کیا۔ اس ہی کے ساتھ ڈی ایچ اے انتظامیہ کا مزید کہنا تھا کہ انہوں نے سابق کرکٹر سے پہلے بھی درخواست کی تھی کہ وہ اپنے گھر میں موجود مویشیوں کے لئے موجود سامان کو ہٹا دیں۔

یہ کوئی پہلی بار نہیں ہوا ہے کہ اسٹار آل راؤنڈر شاہد آفریدی کو پہلی بار تنقید کا سامنا کرنا پڑھ رہا ہے۔ اس سے قبل انہیں سال 2018 میں سوشل میڈیا پر شیر کی تصویر کرنے پر بھی تنقید کا نشانہ بنایا گیا تھا، کیونکہ شیر ایک چین سے بندھا ہوا تھا۔ سوشل میڈیا صارفین کا ماننا تھا کہ ایک جنگلی جانور کو قدرتی ماحول کے بغیر رکھنا درست عمل نہیں ہے۔

یہی نہیں سماجی رابطے کی ویب سائٹ ٹوئیٹر پر کھلاڑی کی جانب سے اپنی بیٹی کی ایک تصویر بھی شئیر کی گئی تھی، جس میں وہ اپنے والد کے بوم بوم ایکشن کا پوز بنائے کھڑی ہوتی ہیں، اس تصویر کے عقب میں بھی دیکھا گیا تھا کہ شاہد آفریدی کی فیملی کے پاس ایک شیر موجود ہے، جس کے گلے میں چین بندھی ہوئی ہے، جبکہ شاہد آفریدی ہرن کے ایک بچے کو اپنے ہاتھوں سے دودھ پلا رہے ہیں۔

سال 2018 میں ٹوئیٹر پر جاری پیغام میں شاہد آفریدی نے لکھا تھا کہ یہ دنیا کا بہترین احساس ہے کہ میری بیٹی وکٹ لینے کے بعد بنایا جانا والا میرا پوز کاپی کر رہی ہے۔ ساتھ ہی انہوں نے یہ بھی لکھا تھا کہ جانوروں کا خیال رکھنا نہ بھولیں، وہ بھی ہمارے پیار اور خیال کے حقدار ہیں۔ بعدازاں انہیں سوشل میڈیا پر کافی تنقید کا سامنا کرنا پڑا تھا۔

واضح رہے ڈھائی سال قبل تعمیر کیا گیا ، شاہد آفریدی کا یہ گھر کراچی کے پوش علاقے ڈیفنس فیز 8 میں واقع ہے۔ مزید یہ کہ ، یہ کرکٹر کے طرز زندگی اور کامیابیوں کی تکمیل کے لیے خوبصورتی سے ڈیزائن کیا گیا ہے۔

بذریعہ ویڈیو بوم بوم آفریدی نے ایک بار اپنے مداحوں کو اپنی خوبصورت رہائش گاہ کا دورہ کرا چکے ہیں، جس میں انہوں نے جہاں اپنے عظیم کرکٹ کیریئر کی یادیں شیئر کیں وہیں انہوں نے اس علاقے کے انتخاب کی وجہ بتائی کہ معین خان اکیڈمی یہاں سے کافی قریب ہے اور وہ روزانہ ٹریننگ کے لئے وہاں جاتے ہیں ۔ویڈیو میں ، انہوں نے اپنے گھر کے مختلف حصوں کی جھلک دکھائی اور اپنی پرانی تمام یادوں کا تذکرہ بھی کیا۔

مزید پڑھیں: نواز، زرداری کا۔پیچھا چھوڑ کر اپنی پرفارمنس پر توجہ دیں، شاہد آفریدی

یاد رہے اسٹار کرکٹر شاہد آفریدی کراچی کے ایک پرانے رہائشی ہیں، ان کی زندگی کراچی کی سڑکوں اور گراؤنڈز میں گزری ہے۔ انہوں نے ہمیشہ کراچی کی بہتری کے لئے اپنی آواز بلند کی ہے، یہی وجہ یے کہ گزشتہ برس کراچی مون سون کی بارشوں کے بعد پھیلنے والی تباہی پر شدید نالاں نظر آئے تھے. ان کے مطابق لوکل، صوبائی اور وفاقی حکومتیں کراچی کو تباہی سے بچانے پر مکمل ناکام ہو چکی ہیں۔