کامن ویلتھ گیمز: ارشد ندیم نے سبز ہلالی پرچم سر بلند کردیا، جولین تھرو میں طلائی تمغۂ جیت لیا

پاکستان کے ارشد ندیم نے کامن ویلتھ گیمز میں جویلین تھرو کے مقابلے میں ریکارڈ ساز کارکردگی کا مظاہرہ کرتے ہوئے گولڈ میڈل جیت لیا اور 90 میٹر سے لمبی تھرو کرنے والے جنوبی ایشیا کے پہلے نیزہ باز بن گئے۔ ارشد ندیم اپنی پانچویں کوشش میں 90.18 میٹر لمبی تھرو کرکے ذریعے کامن ویلتھ گیمز کا نیا ریکارڈ بناتے ہوئے گولڈ میڈیل کے حق دار قرار پائے۔

برطانیہ کے شہر برمنگھم میں جاری کامن ویلتھ گیمز جویلین تھرو کا فائنل شروع ہوتے ہی پاکستان کے ارشد ندیم نے پہلی ہی باری میں 86.81 میٹر کی  اپنے کیریئر کی بہترین تھرو کی ،اس سے قبل ارشد ندیم کی بہترین تھرو 86.38 میٹر تھی۔ ارشد ندیم کی دوسری کوشش ضائع ہوگئی لیکن پہلی کوشش میں 86.81 کی بہترین تھرو کے باعث وہ سرفہرست ہی رہے۔ ارشد ندیم نے تیسری باری میں اپنا قومی ریکارڈ اور بہتر کردیا،ا نہوں نے تیسری باری میں 88 میٹر کی تھرو کی جبکہ چوتھی باری میں ارشد نے 85.09 میٹر کی تھرو کی۔

واضح رہے کہ کامن ویلتھ گیمز میں ارشد ندیم نے ریکارڈ ساز انداز میں سونے کا تمغہ جیت کر ٹریک اینڈ فیلڈ میں 56 سال سے میڈل نہ جیتنے کے سلسلے کو ختم کردیا ہے۔

We've seen some incredible records broken out on the track over the past week. 🔥

We're going to miss this. ❤️#CommonwealthGames | #B2022

— Commonwealth Sport (@thecgf) August 7, 2022

کامن ویلتھ گیمز کے جویلین تھرو مقابلے میں پاکستان کے لیے گولڈ میڈل جیتنے والے ایتھلیٹ ارشد ندیم کو پاکستان کی نامور شخصیات کی جانب سے مبارکباد دئیے جانے کا سلسلہ جاری ہے۔صدر عارف علوی نے ارشد ندیم کو کامن ویلتھ گیمز میں پاکستان  کے لیے گولڈ میڈل جیتنےاور تاریخ رقم کرنے پر مبارکباد دی اور کہا کہ آپ قوم کا فخر  ہیں۔

ارشد ندیم کو جیولین تھرو میں ریکارڈ قائم کرنے اور کامن ویلتھ گیمز 2022 میں طلائی تمغہ جیتنے پر بہت بہت مبارک ہو۔
آپ قوم کا فخر ہیں۔#CommonwealthGames2022 #CWC2022 pic.twitter.com/UuBfWEtmPm

— The President of Pakistan (@PresOfPakistan) August 7, 2022

وزیر اعظم شہباز شریف نے ٹوئٹر پر جاری بیان میں کہا ‘ارشد ندیم نے کامن ویلتھ گیمز میں گولڈ میڈل جیت کر پاکستان کا سر فخر سے بلند کردیا ہے’۔

شہباز شریف نے لکھا کہ ‘ارشد ندیم کی مستقل مزاجی، جذبہ اور محنت ہمارے نوجوانوں کے لیے سبق آموز ہے’۔

What an amazing news to wake up to early this morning! Arshad Nadeem has done Pakistan proud by winning the first gold medal in Commonwealth Games. His consistency, passion & hard work hold lessons for our youth. Congratulations Arshad on your brilliant achievement.

— Shehbaz Sharif (@CMShehbaz) August 8, 2022

وزیر اعظم نے کہا کہ ‘ارشد، آپ کی شاندار کامیابی پر مبارکباد’۔

اس موقع پر آرمی چیف جنرل قمر جاوید باجوہ نے بھی غیر معمولی کارکردگی کے ذریعے کامن ویلتھ گیمز میں تاریخ رقم کرنے پر ارشد ندیم کو مبارکباد پیش کی ہے۔ آرمی چیف نے کہا کہ ‘ارشد ندیم قوم کا فخر اور ہمارا قومی ہیرو ہے’۔

General Qamar Javed Bajwa, COAS congratulates Arshad Nadeem for creating history with his exceptional performance in #CWG setting a new record. “Arshad Nadeem is pride of the nation and our national Hero” COAS pic.twitter.com/oh1BY5R59h

— DG ISPR (@OfficialDGISPR) August 7, 2022

وزیر اعلیٰ پنجاب چوہدری پرویز الہٰی نے کامن ویلتھ گیمز میں گولڈ میڈل جیتنے پر ارشد ندیم کو مبارک باد پیش کرتے ہوئے کہا کہ ‘شاباش ارشد ندیم شاباش، قوم کو آپ پر ناز ہے’۔ چوہدری پرویز الہٰی نے قومی ہیرو کے لئے دس لاکھ روپے انعام دینتےکا اعلان کرتے ہوئے کہا کہ امید ہے ارشد ندیم عالمی سطح پر مزید کامیابیاں سمیٹیں گے۔

اس کے علاوہ پاکستان اسپورٹس بورڈ  نے کامن ویلتھ گیمز  کے جویلین تھرو مقابلے میں پاکستان کے لیے گولڈ میڈل جیتنے پر ارشد ندیم کے لیے 50 لاکھ روپے انعام کا اعلان کردیا۔

A Memorable Proud Moments for Winning Gold Medal🥇for Pakistan 🇵🇰 by @arshadn0fficial in Commonwealth Games 2022, Birmingham 🇬🇧 pic.twitter.com/rZ0H1rInHZ

— PakistanSportsBoard (@SportsBoardPak) August 7, 2022

خیال رہے کہ ارشد ندیم سے پہلے ویٹ لفٹر محمد نوح دستگیر بٹ نے 405 کلو گرام وزن اٹھا کر پاکستان کو پہلا گولڈ میڈل جیتوا چکے ہیں۔