چین: سینکڑوں جلے ہوئے مریضوں کا علاج کرنیوالے ڈاکٹر فضل رحیم

پاکستانی طالبعلم ناصرف پاکستان بلکہ بیرون ملک بھی اپنی قابلیت کی بنیاد پر اپنی شناخت بنارہے ہیں۔ ڈاکٹر فضل رحیم کا شمار بھی ان ہی طالبعلموں میں ہوتا ہے جو پڑوسی ملک چین کے شہر ینچوان کی ننگشیا میڈیکل یونیورسٹی میں جلنے اور پلاسٹک سرجری میں ماسٹرز کر رہے ہیں اور اب تک سوجلے ہوئے مریضوں کا علاج کرکے انہیں نئی زندگی دے چکے ہیں۔

پاکستان میں خیبر پختونخوا کے اپر دیرواری سے تعلق رکھنے والا فضل رحیم کا یہ میڈیکل سفر چین میں کیسا رہا اور انہوں نے دوران تعلیم وہاں کیا کچھ سیکھا؟ آئیے ان ہی کی زبانی جانتے ہیں۔ سی ای این سے بات کرتے ہوئے انہوں نے بتایا کہ جب پہلی بار وہ چین آئے تھے تو اس وقت ان کے لئے یہ انجان سرزمین تھی۔ تاہم، بیرون ملک پہنچنے کے بعد ان کی بے یقینی اور پریشانی ہوائی جہاز سے اترتے ہوئے اس وقت کم ہوئی جب اساتذہ نے ان کا خیرمقدم کیا جو شیہیزی سے سنکیانگ کے دارالحکومت شہر ارومچی تک 144 کلو میٹر کا فاصلہ طے کرکے ان سے ملنے آئے تھے۔ یہاں سے انہوں نے اپنے آٹھ سالہ طبی سفر کا آغاز کیا۔

فضل رحیم نے گریجویشن کی تعلیم کے لیے ننگزیا جانے سے پہلے، شیہیزی یونیورسٹی سے ایم بی بی ایس (بیچلر آف میڈیسن اور بیچلر آف سرجری) مکمل کی اور وہاں سینکڑوں جلے ہوئے مریضوں کا علاج کیا۔ خیال رہے کہ زیادہ تر چینی طلباء کے لیے، میڈیکل ایک چیلنجنگ سبجیکٹ ہے کیونکہ اس کے لئے کئی کورسز اور امتحانات ہوتے ہیں۔

اس حوالے سے فضل رحیم کا کہنا ہے کہ پاکستان میں میڈیکل کے طلباء تھیوری کے ذریعے زیادہ معلومات حاصل کرتے ہیں جبکہ چین میں ہمیں اسپتالوں میں ڈاکٹروں کے ساتھ شانہ بشانہ کام کرنے اور تجربہ حاصل کرنے کا زیادہ موقع ملتا ہے۔ انہوں نے بتایا کہ بطور معاون اپنی پہلی سرجری میں صبح سے رات تک لگاتار 14 گھنٹے کام کیا تھا۔ ان کے مطابق وہ اب تک کئی جلے ہوئے مریضوں کا علاج کرچکے ہیں جن میں بجلی، کیمیکل کے علاوہ کئی طرح جلنے والے مریض شامل ہیں۔

پڑھائی کے ساتھ کام کرنے کے بارے میں فضل رحیم کہتے ہیں کہ پڑھنے کے ساتھ ساتھ اسپتال میں ڈاکٹروں کے ساتھ کام کے دوران وہ سرجری کی تمام باریکیوں اور اصولوں کو بہتر طریقے سے سیکھ پاتے ہیں کیونکہ وہ سمجھتے ہیں مریض ڈاکٹر سے کوئی بھی سوال پوچھ سکتا ہے اور آپ کو اس کے لئے پوری طرح تیار رہنا چاہیے۔انہوں نے بتایا کہ وہ پہلی بار ایک ایسے مریض سے ملے جس کا جسم کافی حد تک جل چکا تھا اور گرافٹنگ کے بعد اس مریض کو مکمل صحت یاب ہونے میں تقریباً دو سال کا وقت لگا۔ٹھیک ہونےکےبعداس مریض کا کہنا تھا کہ اسے ایسا محسوس ہورہا ہے کہ وہ دوبارہ سے پیدا ہوا ہو۔

علاوہ ازیں ، ڈاکٹر فضل رحیم نے یہ بھی بتایا کہ چین میں نے انہوں نے بہت سے جدید طبی آلات اور ٹیکنالوجیز کا مشاہدہ کیا ہے۔ پچھلے سال، انہوں نے روبوٹک سرجری متعارف کرائی۔اس طرح وہ چین میں یہ سرجری متعارف کروانے پر دوسرے نمبر پر ہیں کیونکہ شنگھائی میں پہلے ہی ایک اسپتال اس پر کام کرچکا ہے۔

بلاشبہ میڈیکل سائنس دن بہ دن ترقی کررہی ہے، پوری دنیا میں اس شعبے میں تحقیق کے ذریعے انسانی زندگی کو بچانے کے لئے حیرت انگیز تجربات کئے جارہے ہیں۔فخر کی بات یہ ہے کہ میڈیکل سائنس کی اس دنیا میں پاکستانی ڈاکٹرز کسی سے پیچھے نہیں۔ پاکستانی ڈاکٹر منصور محی الدین نے ایسا ہی ایک شاندار کارنامہ انجام دیا ہے جس سے دنیا حیرت میں مبتلا ہے،انہوں نے امریکا میں ایک مریض میں کامیابی سے خنزیر کا دل ٹرانسپلانٹ کردیا۔