زیادتی کا معاملہ:بشری انصاری نے مولانا طارق جمیل سے مدد مانگ لی

سانحے موٹروے میں خاتون کے ساتھ زیادتی کے ہولناک واقعے نے جہاں پوری قوم پر لرزا طاری کردیا وہیں اب اس واقعے نے پورے ملک میں ایک نئی بحث کا آغاز کردیا ہے کہ آیا گھر کی خواتین، بیٹیاں ہمارے معاشرے میں محفوظ ہیں بھی یا نہیں۔ یہی وجہ ہے کہ اب اس حوالے سخت سے سخت ترین قانونی ترامیم کے بارے میں سوچا جارہا ہے۔

اس حوالے ملک بھر میں مختلف لوگوں کی مختلف رائے ہیں ، اس سلسلے مشہور و معروف پاکستانی اداکارہ بشرا انصاری کی جانب سے بھی ملک میں بڑھتے ہوئے اس گھنونے جرم پر جہاں ملزمان کو سخت سے سخت ترین سزا دینے کا مطالبہ کیا گیا ہے وہیں اداکارہ بشری انصاری کی جانب سے مولانا طارق جمیل صاحب سے درخواست کی گئی کہ وہ اس معاملے پر آواز بلند کریں۔

سماجی رابطے کی ویب سائٹ انسٹا گرام پر لاہور موٹر وے حادثے پر اپنے خیالات کا اظہار کرتے ہوئے اداکارہ بشری انصاری کا کہنا تھا کہ زیادتی کرنے والے ملزمان کو محض پھانسی کی سزا نہ دی جائے کیونکہ یہ سزا محض کچھ لمحے بھر کی ہے بلکہ ان کے نزدیک زیادتی کے مجرموں کے ہاتھ اور پاؤں توڑ کر ان کی جنسی صلاحیت کو ختم کردینا چاہیے۔

اداکارہ بشری انصاری کا اس حوالے سے مزید کہنا تھا کہ میں چاہتی ہوں کہ جنسی زیادتی کے مجرموں کو مارا نہ جائے بلکہ انھیں زیدہ رکھا جائے، ان کے ہاتھ، پاؤں اور ان اعضاء کے بغیر زندگی گزارنے دی جائے، جس سے وہ کسی خواتین کی زندگی برباد کرتے ہیں. ساتھ ہی ساتھ ان کا یہ بھی کہنا تھا کہ ایسے افراد جن کے ہاتھ پاؤں اور صلاحیت کرنے کے بعد، یہ لوگ زندہ رہیں گے تو دوسروں کے لئے عبرت کا نشان بن جائیں گے۔

زیادتی کے ملزمان کی سزاؤں سے متعلق بات کرتے ہوئے اداکارہ بشری انصاری نے کہا کہ زیادتی کے مجرموں کو بھی اس ہی درد کے ساتھ زندہ رہنا چاہئے جو درد ہر روز ٰزیادتی کا شکار اور تیزاب سے جلائی گئیں خواتین اور وہ والدین دیکھتے اور محسوس کرتے ہیں جن کے بچوں کو زیادتی کے بعد مار دیا جاتا ہے۔ کیونکہ پھانسی کچھ دیر کی سزا اس طرح کے لوگوں کو نشان عبرت بنانے کی ضرورت ہے۔

دوسری جانب اپنے جاری کردہ پیغام کے آخر میں اداکارہ بشریٰ انصاری نے ملک کے مشہور و معروف مذہبی مبلغ مولانا طارق جمیل صاحب سے درخواست کی مولانا طارق جمیل صاحب آپ اس معاملے میں آگے آئیں اور لوگوں کو مخاطب کرکے لوگوں کی اصلاح کریں۔ اس معاملے میں آپ کی ناصرف بہت زیادہ ضرورت ہے بلکہ اس حوالے سے کسی احتجاج یا دھرنے کا بھی اعلان کریں۔

یاد رہے گزشتہ ہفتے لاہور کے علاقے گجرپورہ موٹر وے روڈ پر عورت کو بچوں کے سامنے زیادتی کا نشانہ بنایا گیا تھا۔ اس اندوہناک واقعے نے پوری قوم کو مشتعل کرکے رکھ دیا ہے اور ہر پاکستانی اس وقت غم سے دوچار ہے۔ بلاشبہ اس دردناک سانحے پر پوری قوم اپنی ماؤں ،بیٹیوں اور بچیوں کی عصمت دری کے خلاف ناصرف اٹھ کھڑی ہوئی ہے بلکہ عوام کا حکومت پر دباؤ ہے کہ اس معاملے کو اس درجے کا عبرت کا نشان بنایا جائے کہ آئندہ یہ کام کرتے ہوئے مجرموں ہاتھ کانپ اٹھیں۔