بابر اعظم سے گولڈ میڈلیسٹ ارشد ندیم کو مبارک باد دیتے ہوئے کیا غلطی ہوگئی؟

پاکستان کرکٹ ٹیم کے کپتان بابر اعظم پیرس اولمپکس میں گولڈ میڈل جیتنے والے جیولین تھرور ارشد ندیم کو مبارک باد کے اپنے پیغام میں ایک غلطی کر بیٹھے۔

پیرس اولمپکس میں گزشتہ شب مینز جیولین تھرو ایونٹ کے فائنل میں ارشد ندیم نے پاکستان کو 40 سال بعد گولڈ میڈل جتوا دیا۔

پیرس اولمپکس 2024 میں گولڈ میڈل جیتنے والے جیولین تھرور ارشد ندیم کو وزیراعظم شہباز شریف سمیت دیگر شخصیات کی جانب سے مبارک باد دی جارہی ہے اور ان کے لیے انعامات کا اعلان کیا گیا ہے۔

ارشد ندیم پاکستان کو انفرادی مقابلوں میں گولڈ میڈل دلوانے والے پہلے ایتھلیٹ بن گئے۔

Babar Azam Congratulating Arshad Nadeem

قومی ٹیم کے کپتان بابر اعظم نے بھی سوشل میڈیا پر ارشد ندیم کو گولڈ میڈل جیتنے پر مبارک باد دی لیکن وہ اس پیغام میں ایک غلطی کرگئے۔

بابر اعظم نے اپنے بیان میں کہا کہ’ 30 سال بعد پاکستان نے گولڈ میڈل جیتا ہے،  اس ناقابل یقین کامیابی کے لیے  ارشد ندیم کو  بہت بہت مبارکباد،  انہوں نے پوری قوم کا سر فخر سے بلند کر دیا’۔ 

پاکستان نے آخری مرتبہ 1984 میں اولمپکس میں گولڈ میڈل جیتا تھا جوکہ ہاکی ٹیم نے دلوایا تھا۔

:مذید پڑھیئے

حکومت کا جشن آزادی پر ٹک ٹاکر کے درمیان مقابلہ انعام کتنا ملے گا؟

یاد رہے کہ پاکستان نے آخری مرتبہ 1984 میں اولمپکس میں گولڈ میڈل جیتا تھا جو کہ ہاکی ٹیم نے دلوایا تھا جبکہ پاکستان نے 32 سال بعد اولمپک میں میڈل جیتا تھا۔

پاکستان نے آخری مرتبہ 8 اگست 1992 کو اولمپکس میڈل پوڈیم پر قدم رکھا تھا جب قومی ہاکی ٹیم نے بارسلونا اولمپکس میں نیدرلینڈز کو تین کے مقابلے میں چار گول سے شکست دے کر کانسی کا تمغہ جیتا تھا۔

پیرس اولمپکس میں مینز جیولین تھرو ایونٹ کے فائنل میں ارشد ندیم نے92.97 میٹر کی تھرو کرکے نیا اولمپک ریکارڈ بھی بنایا جبکہ بھارت کے نیرج چوپڑا نے سلور میڈل اپنے نام کیا۔