ایان علی نے جلد شوبز انڈسٹری واپسی کا اعلان کردیا

کرنسی اسمگلنگ کیس میں ضمانت حاصل کرنے والی سابقہ سپر ماڈل اور گلوکارہ ایان علی نے طویل عرصے کے بعد ایک بار پھر شوبز انڈسٹری میں دھماکے دار انٹری کردی۔ جلد سات نئے گانے ریلیز گانے ریلیز کرنے کا بھی اعلان کردیا۔

سماجی رابطے کی ویب سائٹ ٹوئٹر پر جاری کردہ بیان میں ماڈل اور گلوکارہ ایان علی نے جہاں ایک بار پھر شوبز انڈسٹری میں واپسی کا اعلان کیا وہیں اپنے فینز کو یہ بھی خوش خبری سنا ڈالی کہ آئندہ ایک سے دو ہفتے میں ان کے تقریباً سات نئے گانے ریلیز ہونے والے ہیں۔

اپنی ٹوئٹ میں جاری کی گئی تصویر میں ایان علی کو دیکھا جاسکتا ہے کہ وہ اپنی دو قیمتی گاڑیوں کے درمیان کھڑی ہیں، جس کا حوالہ انہوں نے اپنی ٹوئیٹ میں بھی کیا کہ “یہ سیر کرنے اور میرے آنے والے سات گانے میری پسندیدہ پرانی لیمبرگنی میں بیٹھ کر دوبارہ سے انہیں سننے کا وقت ہے”۔ جبکہ انہوں نے مزید لکھا کہ وہ یہ یقینی بنانا چاہتیں ہیں کہ وہ سنے میں گانے بہت اچھے لگیں۔

ٹوئیٹر پیغام میں ماڈل ایان علی نے کہا کہ وہ گزشتہ پانچ سالوں سے ان گانوں پر محنت کر رہیں ہیں۔ ساتھ ہی اس امید کا بھی اظہار کیا کہ یہ تمام گانے سننے والوں کو ضرور لطف اندوز کریں گے۔

واضح رہے پاکستان کی سابقہ سپر ماڈل اور گلوکارہ ایان علی ان دنوں دبئی میں مقیم ہیں۔ 14 مارچ سال 2015 میں ایان علی کو کسٹم حکام کی جانب سے گرفتار کرلیا گیا تھا، اسلام آباد کے بےنظیر بھٹو انٹرنیشنل ائیرپورٹ پر ایان علی کے پاس سے 506،800 ڈالر برآمد ہوئے تھے، جسے لیکر وہ اسلام آباد سے دبئی جارہی رہیں تھیں۔ جس کے بعد ایان علی کو گرفتار کرکے منی لانڈرنگ کا مقدمہ چلایا گیا۔ تاہم کرنسی اسمگلنگ کیس میں ایان علی کو کچھ عرصے بعد بیل مل گئی تھی جس کے بعد وہ سال 2017 میں ملک چھوڑ کر دبئی چلی گئیں تھیں، اس وقت سے اب تک وہ دبئی میں ہی مقیم ہیں۔

دوسری جانب سپر ماڈل اور گلوکارہ ایان علی کے فینز کے لئے بھی یہ ایک بڑی اور خوشی کی خبر ہے، کیونکہ ایان علی کی طرف کافی طویل عرصے بعد شوبز انڈسٹری میں واپسی ہورہی ہے۔