ڈاکٹر نعمان نیاز نے شعیب اختر سے تلخ کلامی پر معذرت کرلی

نعمان نیاز نے شعیب اختر کے ساتھ توہین آمیز رویے پر ردعمل آنے کے بعد قومی ہیرو سے معافی مانگ لی۔

پاکستانی سوشمل میڈیا صارفین کے شدید ردعمل کے بعد، پی ٹی وی سپورٹس کے اینکر ڈاکٹر نعمان نیاز نے شعیب اختر سے ایک لائیو شو کے دوران اپنے نامناسب رویے پر معافی مانگ لی۔

جمعرات کو ایک یوٹیوب چینل پر اپنے ایک بیان میں اینکر نے کہا کہ انہوں نے جو آن ایئر کیا اس پر ردعمل جائز تھا۔ “میں نے اپنے طرز عمل پر ہزاروں بار معافی مانگی،” ۔

نعمان نیاز کے مطابق”وجہ کچھ بھی ہو، مجھے یہ سب آن ایئر کرنے کا کوئی حق نہیں تھا، یہ میری غلطی تھی۔ شعیب اختر ایک سٹار ہیں اور مجھے ان کی کرکٹ بےحد پسند ہے،‘‘ ۔

انہوں نے مزید بتایا کہ پروگرام کے بعد، ان کے والد نے کہا کہ انہیں ان (نیاز) سے اس رویے کی توقع نہیں تھی اور یہ ایک بڑی غلطی تھی۔ لہذا اپنی غلطی کو تسلیم کرتے ہوئے، اینکر نے اعتراف کیا کہ انہیں صورت حال کو بہتر طریقے سے سنبھالنا چاہیے تھا کیونکہ شعیب اختر شو میں اسٹار تھے اور وہ [نیاز] صرف میزبان تھے۔

اس سلسلے میں انہوں نے مزید کہا کہ “ایسا نہیں ہونا چاہیے تھا، میں ہر قیمت ادا کرنے کے لیے تیار ہوں اور ادا کر رہا ہوں۔‘‘

دوسری جانب جیو نیوز کے پروگرام جشنِ کرکٹ میں بات کرتے ہوئے اختر نے اس سے قبل کہا تھا کہ انہوں نے ملک اور ریاستی اداروں کی خاطر ڈاکٹر نیاز کو معاف کر دیا ہے۔ انہوں نے دعویٰ کیا کہ انہوں نے اینکر کے معافی مانگنے کا انتظار کیا لیکن جب وہ نہیں مانے تو اس نے انہیں شو چھوڑنے پر مجبور کردیا۔

واضح رہے پی ٹی وی نے گزشتہ ہفتے کہا تھا کہ اینکر پرسن ڈاکٹر نیاز اور سابق فاسٹ باؤلر اختر کو اس وقت تک “آف ایئر” کر دیا جائے گا جب تک دونوں کے درمیان گرما گرم تبادلہ کی تحقیقات کے لیے بنائی گئی انکوائری کمیٹی اپنی انکوائری مکمل نہیں کر لیتی۔

اس حوالے سے سرکاری نشریاتی ادارے نے ٹوئٹر پر ایک بیان شیئر کیا جس میں کہا گیا ہے کہ جب تک انکوائری مکمل نہیں ہوجاتی اور تمام حقائق واضح نہیں ہوجاتے دونوں میں سے کسی کو بھی پی ٹی وی کے کسی پروگرام میں شرکت کی اجازت نہیں ہوگی۔

اس اعلان پر ردعمل ظاہر کرتے ہوئے، سابق کرکٹر نے کہا، “یہ مضحکہ خیز ہے۔ میں نے تو خود 220 ملین پاکستانیوں اور دنیا بھر کے اربوں لوگوں کے سامنے استعفیٰ دیا۔ پی ٹی وی پاگل ہے یا کیا؟ وہ کون ہیں جو مجھے اب آف ایئر کریں؟”

خیال رہے سابق فاسٹ باؤلر شعیب اختر نے ڈاکٹر نیاز کی جانب سے بدتمیزی کے بعد پاکستان ٹیلی ویژن کے شو کو میں نے چھوڑ دیا اور واک آؤٹ کر گئے تھے. دونوں کے درمیان جھگڑا T20 ورلڈ کپ کے میچ میں نیوزی لینڈ کے خلاف پاکستان کی جیت کے بعد میچ کے تجزیے کے دوران ہوا۔

مزید پڑھیں: کسی کو میری حب الوطنی پر شک نہیں ہونا چاہئیے، راولپنڈی ایکسپریس

شعیب اختر کے ایک تبصرے پر، اینکر نے کہا، “آپ تھوڑی بدتمیزی کر رہے ہیں۔ میں یہ نہیں کہنا چاہتا لیکن اگر آپ زیادہ سمارٹ بن ریے ہیں تو آپ شو چھوڑ کر جا سکتے ہیں۔ میں یہ آن ایئر کہہ رہا ہوں۔”

وقفے کے بعد جیسے ہی شو دوبارہ شروع ہوا، شعیب اختر نے پینل پر موجود مہمانوں سے معذرت کی اور اس سلوک پر پی ٹی وی سے استعفیٰ دینے کا اعلان کیا تھا۔