آغا علی اور حنا الطاف کی راہیں جدا ہوگئی۔

اداکارہ حنا الطاف اوراداکار آغا علی کی علیحدہ ہونےکی خبروں نے اُس وقت طول پکڑا جب  اداکار و میزبان آغاعلی کی جانب سے حال ہی میں انسٹاگرام پربیرون ممالک سیرو تفریح کرنےکی اپنی تصاویر تنہا شیئر کرنے پر ان کے اور حنا الطاف کے درمیان علیحدگی کی  سرگوشیاں ہونے لگیں۔

آغا علی نے اپنے انسٹا گرام اکاونٹ پریورپی ملک یونان کے سیر سپاٹوں کی تصاویر شیئر کیں تو لوگوں نے کمنٹس کے ذریعے ان سے اہلیہ حنا الطاف کا پوچھنا شروع کیا اور بعض افراد نے دعویٰ کیا کہ ان کے درمیان علیحدگی ہوچکی ہے۔

اداکار کی جانب سے شیئر کی گئی تصاویر میں انہیں کافی مقامات پر اکیلا دیکھا جا سکتا ہے اور وہ ان  تصاویر میں بہت خوش دکھائی دیتے ہیں۔

بعض صارفین نے ان سے یہ بھی پوچھا کہ وہ حنا الطاف کو ساتھ میں کیوں نہیں لے گئے اور وہ تنہا کیوں سیر وتفریح کر رہے ہیں؟

AghaAli Hina Altaf Separation

کچھ صارفین نے لکھا کہ آغا علی اور حنا الطاف کے درمیان علیحدگی کی پہلے ہی چہ مگوئیاں تھیں، اب اداکار کی جانب سے تنہا تصاویر شیئر کرنے پر لوگوں کو پکا یقین ہوگیاہے۔

سوشل میڈیا صارفین کی جانب سےان کی تصاویر پر سوالات پوچھے جانے پر آغا علی نے کوئی جواب نہیں دیا

سوشل میڈیا صارفین کی جانب سے اداکار جوڑی کی علیحدگی کی خبروں پر تبصرے بھی کیے جارہے ہیں، کچھ صارفین کا کہنا ہے کہ علیحدگی کی وجہ آغا علی ہیں جبکہ کئی صارفین نے دُعا کی کہ اس خبر میں کوئی صداقت نہ ہو اور یہ جوڑی سلامت رہے۔

البتہ کچھ عرصے سے حنا الطاف اور آغا علی کو اسکرین اور سوشل میڈیا پر ایک ساتھ نہیں دیکھا جا رہا، جسکی  وجہ سے ان کے درمیان اختلافات اور علیحدگی کی چہ مگوئیاں ہوتی رہتی ہیں۔

دونوں کے درمیان علیحدگی کی خبریں  پچھلے سال سے ہیں  جب حنا الطاف اور آغا علی کی علیحدگی کی خبریں سامنے آئی تھیں جس پر اداکار آغا علی نے ان افواہوں کی تردید کرتے ہوئے وضاحت دی تھی کہ مجھے ایسا لگتا ہے کہ لوگ آج کل ایسی خبروں کا انتظار کررہے ہیں کہ شوبز کی کون سی جوڑی کب الگ ہوجائے گی اور یہ بات مجھے بہت پریشان کرتی ہے۔

آپ کو یہ بھی بتاتے ہیں کہ اداکارہ حنا الطاف کے انسٹاگرام فالوورز کی تعداد 6 ملین سے زائد ہے جبکہ ان کے شوہر آغا علی کے فالوورزصرف ایک ملین سے زائد ہے۔

کچھ سوشل میڈیا صارفین نے نشاندہی کی دونوں نے کافی عرصہ پہلے ہی سوشل میڈیا پر ایک دوسرے کو ان فالو کردیا تھا۔

سب سے قابل غوریہ ہےکہ دونوں کے ملین میں فالوورز ہونے کے باوجود بھی دونوں نے اپنے انسٹاگرام اکاؤنٹ سے کسی کو بھی فالو نہیں کیا ہوا ہے۔

کئی صارفین نے یہ نشاندہی بھی کی کہ حنا الطاف اور آغا علی نے کبھی ایک دوسرے کو انسٹاگرام پر فالو کیا ہی نہیں تھا لہٰذا یہ محض افواہیں ہیں۔