عدنان صدیقی کا تعزیتی پیغام پاکستان کی عوام کے نام

آٹھ فر وری کو ہونے والے عام انتخابات کے نتائج آنے کا سلسلہ جاری ہے اور تاحال الیکشن کمیشن کو قومی اسمبلی کے 252 جلقوں کے نتائج موصول ہو چکے ہیں جبکہ 265 میں سے 13 حلقوں کے نتائج آنا باقی ہیں۔

عام انتخابات کے بعد سے سوشل میڈیا پر ویڈیوز منظر عام پر آرہی ہیں جن میں دھاندلی کا دعویٰ کیا جارہا ہے غیر اطمینان بخش نتائج موصول ہونے پر جہاں پاکستانی عوام مختلف طریقوں سے شدید ناراضگی کا اظہار کر رہی  ہے  وہیں شوبز شخصیات بھی ناخوش نظر آرہی ہیں ۔

شوبز شخصیات اپنی سوشل میڈیا پوسٹس کے ذریعے عام انتخابات کے نتائج پر اپنی ناراضگی کا اظہار کررہی ہیں جن میں اداکار عدنان صدیقی بھی شامل ہیں۔

Adnan Siddiqui Death Of Justice

عدنان صدیقی کا پاکستان میں انصاف اور شہری حقوق کی افسوسناک موت کا اعلان کردیا۔

عدنان صدیقی نے اپنی انسٹاگرام اسٹوری میں ایک تعزیتی نوٹ جاری کیاجس میں اُنہوں نے کہا کہ مجھ سمیت پاکستان کے دیگر عوام ملک میں انصاف اور شہری حقوق کی افسوسناک موت کا اعلان کرتے ہیں۔اداکار نے کہا کہ پاکستان کے قانون کی پاسداری کرنے والوں میں اخلاقیات کی کمی ہمیشہ محسوس کی جائے گی۔ اُنہوں نے دُعا کرتے ہوئے کہا کہ اللہ تعالیٰ ہمارے لوگوں کو صبر عطا فرمائے اور اس ناانصافی کوایک بار پھر ہمیشہ کے لیے ملک سے ختم کرنے کی توفیق عطا فرمائے۔

عدنان صدیقی نے مزید کہا کہ یہ تعزیتی پیغام اُن لوگوں کے لیے ہے جنہوں نے ان مظالم میں سہولت اور مدد فراہم کی، ہم یہ ظلم اور ناانصافی کبھی نہیں بھولیں گے۔