اداکارہ فریال محمود نے ایک بار پھر ‘ٹیٹو’ بنوالیا

شوبز انڈسٹری کی بیباک اداکارہ فریال محمود کے بارے میں یہ بات تو سب جانتے ہیں کہ انہوں نے اپنے جسم پر مختلف طرح کے ٹیٹوز بنوائے ہوئے ہیں ۔تاہم ، حال ہی میں اداکارہ نے اپنے انسٹا گرام اکاؤنٹ سے ایک اور نیا ٹیٹو بنوانے کی ویڈیو پوسٹ کی جس پر سوشل میڈیا صارفین نے انہیں آڑے ہاتھوں لیا اور شدید تنقید کا نشانہ بنایا۔

‘لال عشق’ اور ‘بیچاری’ میں اپنی بہترین اداکاری پیش کرنے والی فریال محمود نے گزشتہ دنوں نجی ٹی وی چینل کے شو ‘ٹائم آوٹ ود احسن خان ‘ میں گلوکار احمد جہانزیب کے ہمراہ شرکت کی اور اپنے جسم پر مختلف ٹیٹوز بنوانے کا مقصد اور مطلب بتایا۔

پروگرام میں اداکارہ نے اپنی گردن پر موجود ٹیٹو کے حوالے سے بتایا ہے کہ یہ صرف اپنے آپ کو مسائل کے دوران سانس لینے کی یاد دہانی ہے کیونکہ اکثر و بیشتر اوقات ہم مسائل میں اس قدر الجھ جاتے ہیں کہ سانس لینا ہی بھول جاتے ہیں۔ میرے کسی بھی ٹیٹو میں کسی شخص کا نام نہیں لکھا ہے۔ اداکارہ کے جسم پر مختلف جگہوں پر ٹیٹوز دیکھ کر انہیں میزبان احسن خان کی جانب سے ‘ٹیٹو گرل’ کا خطاب بھی دیا گیا۔

واضح رہے کہ ‘خدا دیکھ رہا ہے’ کی اداکارہ نے اپنی شادی اور علیحدگی پر تنقید کے باعث سوشل میڈیا سے بریک لے لیا تھا۔ تاہم حال ہی میں فریال محمود نے انسٹاگرام پر ایک ویڈیو پوسٹ کی ہے جس میں وہ اپنے ٹیٹو بنوا رہی ہیں اور انہوں نے خود کو ٹیٹو کو عادی قرار دیا۔ تاہم اداکارہ کی ٹیٹو بنوانے کی اس ویڈیو پر سوشل میڈیا صارفین انہیں شدید تنقید کا نشانہ بنارہے ہیں۔ بعض صارفین نے تو اس ویڈیو پر ‘استغفر اللہ’ اور ‘لعنت’ جیسے کمنٹ بھی کئے اور ٹیٹو کو ‘حرام’ قرار دیدیا۔

خیال رہے کہ فریال محمود نے جب اپنے کیریئرکا آغاز کیا تو وہ تھوڑی اوور ویٹ تھیں جس کی وجہ سے انہیں تنقید بھی سہنا پڑی لیکن اداکارہ نے جلد ہی مثبت تبدیلی سے اپنے ناقدین کے منہ بند کروا دیئے اور ناصرف اپنی اداکاری سے بلکہ اپنے ڈانس سے انڈسٹری میں دھاک بیٹھا دی۔ وہ اب تک وہ بیس سے زائد پاکستانی ٹی وی ڈراموں میں کام کرچکی ہیں۔ انہوں نے فلم’ سوری، اے لو سٹوری‘ میں فیصل قریشی کے ساتھ اپنے کردار سے مداحوں کو اپنا گرویدہ بنالیا جب کہ ان کی ایک اور فلم ’ کم بخت‘ ریلیز ہونے والی ہے ۔

ڈرامہ سیریل ’رقیب سے‘ میں بہترین اداکاری کے جوہر دکھانے والی فریال سوشل میڈیا پر بھی وہ کافی متحرک ہیں اور اپنے مداحوں سے اپنی ڈانس پریکٹس کے علاوہ فٹنس کے حوالے سے جم کی ویڈیوز بھی شیئر کرتی رہتی ہیں اور داد سمیٹتی ہیں۔ اداکارہ نے گزشتہ برس انہوں نے لاک ڈاؤن میں اچانک اداکارہ دانیال راحیل سے شادی کرلی تھی لیکن اب انہوں نے انکشاف کیا ہے کہ وہ اب سنگل ہیں لیکن کسی کو بتاتی نہیں ہیں کیونکہ یہ ان کا ذاتی مسئلہ ہے۔

مزید پڑھیں : شادی کے 10 ماہ بعد ہی شوہر نے طلاق دیدی، زینب قیوم

یاد رہے کہ شادی کے 7 ماہ بعد ہی فریال اور دانیال کے حوالے سے یہ خبریں گردش کررہی تھیں کہ دونوں نے ایک دوسرے کو انسٹاگرام پر اَن فالو کردیا ہے اور علیحدگی اختیار کر لی ہے۔ تاہم جوڑے کی جانب سے دسمبر میں ہی ان افواہوں کو جھوٹا اور بےبنیاد قرار دے دیا گیا تھا۔