ایمن سلیم نے کامیاب ڈبیو کے بعد انڈسٹری کو خیرآباد کیوں کیا تھا؟

ڈرامہ سیریل “چپکے چپکے” سے اداکاری میں کیرئیر کا آغاز کرنے والی اداکارہ ایمن سلیم نے کچھ عرصہ قبل شوبز انڈسٹری کو خیرآباد کرنے کا اعلان کیا تھا۔ تاہم حال ہی میں اداکارہ نے ایک ٹی وی شو میں شرکت جہاں انہوں نے انڈسٹری میں واپسی اور انڈسٹری میں بریک لینے کی وجوہات پر کھل کر بات کی۔

چپکے چپکے میں ایمن سلیم کی یوٹیوبر ارسلان نصیر کے ساتھ ان اسکرین کیمسٹری کو خوب پسند کیا گیا تھا، ارسلان نصیر خود ایک یوٹیوبر اور اُبھرتے ہوئے زبردست اداکار ہیں۔

اس حوالے سے رواں برس ستمبر میں اداکارہ ایمن سلیم نے اعلان کیا تھا کہ وہ تفریحی صنعت میں واپس آ رہی ہیں، جبکہ انڈسٹری کی وجوہات بھی بیان کی تھیں۔ ان کا کہنا تھا کہ وہ کارپوریٹ سیکٹر کی فیلڈ سے وابستہ ہیں، انڈسٹری میں آنے کے بعد انہیں محسوس ہوا کہ وہ مکمل طور پر ابھی تیار نہیں ہیں۔

اداکارہ ایمن سلیم نے مزید بتایا کہ ہماری شوبز انڈسٹری، دوسری انڈسٹری کی نوکری سے بالکل مختلف ہے۔ انہوں نے نیویارک میں انویسٹمنٹ بینکنگ کی ہوئی ہے، انہوں نے کنسلٹنگ کی ہوئی ہے، وہ ان انڈسٹریز کی بات کر رہی ہیں، لہذا شوبز میں آنا ایک بالکل مختلف کہانی تھی۔

ایمن سلیم کے مطابق انہیں واقعی معلوم نہیں تھا کہ آیا وہ اداکاری کو آگے بڑھانا چاہتی ہیں یا نہیں، انٹرٹینمنٹ انڈسٹری میں آپ کو ہمیشہ اپنے کردار میں رہنے کی ضرورت ہوتی ہے، یہاں تک کہ آپ عوام کی نظروں میں ہوں۔ اس کے برعکس وہ ہمیشہ ویسی ہی رہی پیں، جیسی وہ ہیں۔ گلیمر سے بھرپور زندگی ان کے لئے نہیں ہے، اس لئے وہ اس بات کو یقینی بنانا چاہتی تھیں کہ وہ اس کے لئے تیار ہوں۔

اس سلسلے میں اداکارہ ایمن سلیم نے حال ہی میں ملیحہ رحمان کے پروگرام گلوس وغیرہ میں شرکت کی، جہاں انہوں نے اداکاری سے وقفہ کیوں لیا، اس پر مزید بات کی اور کہا کہ ڈیبیو سیریل چپکے چپکے کے بعد طویل وقفے کی وجہ ’’ذاتی طور پر میرے لیے یہ بہت اہم ہے کہ وہ ایک ایسا پروجیکٹ کریں، جو سامعین تک پیغام پہنچائے۔

ایمن سلیم نے مزید کہا کہ انہوں نے اپنے مداحوں سے وعدہ کیا تھا کہ وہ ایسے پروجیکٹس کریں گی جو مضبوط کردار کے ساتھ ہوں۔

اداکارہ کہنا تھا کہ”انہیں چپکے چپکے کے بعد بہت ساری آفرز مل رہی تھیں لیکن انہیں کوئی ایسا اسکرپٹ نہیں مل رہا تھا جس نے انہیں متوجہ کیا ہو۔ وہ دراصل ایک مضبوط اور معنی خیز اسکرپٹ کا انتظار کر رہا تھیں۔ بطور ایک اداکار وہ مختلف کرداروں اور رولز کو جاننا چاہتی ہیں، لہذا تھوڑا سا چیلنج محسوس کرنا ضروری ہے۔”

اس دوران اداکار نے اپنے آنے والے پروجیکٹ کے بارے میں مزید بات کی جو اگلے سال ریلیز ہوگا۔

واضح رہے پاکستان شوبز انڈسٹری میں یہ پہلی بار نہیں ہوا ہے کہ فنکار نے شوبز انڈسٹری کو خیرآباد کرکے شوبز انڈسٹری میں واپسی نہ کی یے۔ اداکار فیروز خان اور اداکار حمزہ علی عباسی کی مثالیں موجود ہیں، جنہوں نے انڈسٹری کو خیرآباد کہا اور تھوڑے ہی عرصے بعد انڈسٹری میں واپسی کا اعلان کردیا تھا۔