ٹک ٹاکر زرناب فاطمہ کے شوہر کی دعاؤں کے لئے درخواست

ٹک ٹاک سے شہرت کی حاصل کرنے والی زرناب فاطمہ کی حالت تشویشناک ہے ، شوہر لاریب خالد نے اپنی بیوی کے لیے دعاؤں کی درخواست کردی۔

Zarnab Fatima Pragnancy

گزشتہ شب لاریب نے اپنے انسٹاگرام اکاؤنٹ پر نم آنکھوں کے ساتھ ایک ویڈیو جاری کی جس میں انہوں نے اپنے چاہنے والوں کو اطلاع دی کہ وہ پریگنٹ زرناب کو اسپتال روٹین کے چیک اپ کیلئے لائے تھے لیکن ڈاکٹرز نے کسی خطرے کے پیشِ نظر آپریشن کیلئے زرناب کو داخل کرلیا ہے۔

اس کے بعد انہوں نے زرناب کی اسپتال کے بیڈ پر لیٹے ایک تصویر شئیر کی۔

مذید پڑھیئے

پاکستان میں حاملہ خواتین پر شدید گرمی کے اثرات

لاریب نے اس تصویر کیساتھ لکھا کہ ’زرناب کو اور ہمارے بچے کو دعاؤں کی ضرورت ہے ، آپریشن کا آغاز ہوگیا ہے، دعا کیجیے کہ ماں اور بچہ دونوں خیریت سے رہیں، ہمیں آپ سب کی بہت دعاؤں کی ضرورت ہے۔‘

آپریشن کے بعد کی اپڈیٹ میں لاریب نے بتایا کہ ’زرناب الحمداللہ ٹھیک ہے، بچے کی حالت تشویشناک ہے، دعاؤں کی خاص درخواست ہے آپ سب سے کہ اللہ بچے کو صحتیاب کرے، اور جلد ٹھیک کرے، آپ سب کی دعاؤں کا بہت شکریہ۔‘

انہوں نے اپنی آخری اسٹوری میں ایک بار پھر  بچے کی حالت تشویشناک بتاتے ہوئے چاہنے والوں سے بہت سی دعاؤں کی درخواست کی۔

مارچ 2023 میں نکاح اور نومبر 2023 میں شادی کرکے اپنی نئی دنیا بسانے والی ٹک ٹاکر جوڑی زرناب فاطمہ اور لاریب خالد مئی کے آخر میں اپنی فیملی کے اضافے کی اطلاع منفرد انداز میں مداحوں کو دی تھی۔