ٹی وی میزبان وقار ذکاء کا سیاسی جماعت بنانے کا اعلان

کہتے ہیں سیاست کا لڈو بھی شادی کے لڈو سے کم نہیں ہے، جو کھائے وہ بھی پچھتائے اور جو نہ کھائے وہ بھی پچھتائے۔ اس لئے زندگی میں کسی نہ کسی مقام پر پہنچ کر انسان میں سیاست کا شوق پیدا ہو ہی جاتا ہے۔ اس میں پھر دو ہی راستے پیدا ہوتے ہیں یا تو پھر وہ باقاعدہ سیاسی جماعت کا حصہ بنتا ہے یا تو پھر کسی لیڈر کا غیراعلانیہ سپاہی بن جاتا ہے۔

اس ہی سلسلے سے اب جڑنے جارہے ہیں پاکستان کے مشہور و معروف ٹی وی میزبان وقار ذکاء بھی ہے لیکن بات صرف حصہ بننے کی نہیں ہے بلکہ وہ تو انہوں نے تو اپنی سیاسی جماعت بنانے کا اعلان کیا ہے۔ اس اعلان کے بعد وقار ذکاء کے فینز کی جانب سے ان کے اس فیصلے کو سوشل میڈیا پر ان کے مداحوں کی جانب سے خوب سہرایا جا رہا ہے۔

اس حوالے سے مزید جانئے: سپریم کورٹ نے ملک میں یوٹیوب بند کرنے کا عندیا دے دیا

تفصیلات کے مطابق ٹی وی میزبان وقار ذکاء کی جانب سے ایک سیاسی جماعت بنانے کا اعلان کیا گیا ہے، سوشل میڈیا پر اس حوالے سے ان کا کہنا تھا کہ ہم ایک ایسی سیاسی جماعت کا اعلان کرنے جارہے ہیں جس کا مقصد پاکستان میں انٹرنیٹ پر مبنی تبدیلی لانا ہوگی۔

ٹی وی میزبان وقار ذکا کا مزید کہنا تھا کہ پاکستان میں حکومتی سطح پر انٹرنیٹ میں جدت پیدا کرنے کے حوالے سے کسی بھی طرز کا کوئی نہیں ہورہا ہے، جس کی ناصرف ہمیں اشد ضرورت ہے بلکہ اس پر اب ہم ہی کام کریں گے اور اس کو آگے لیکر جائیں گے۔

ایک جانب ان کے مداح ہیں سوشل میڈیا پر، جنہوں نے ان سے امیدیں وابستہ کرتے ہوئے ان کی ہر لحاظ سے حمایت کا اعلان کررہے ہیں۔ لوگوں کا خیال ہے ملک کو ڈیجیٹل پاکستان کی ضرورت ہے اور ملک کو ڈیجیٹلائزیش کی اشد اور اہم ضرورت ہے اور اس کو وقار ذکاء سے بہتر کوئی نہیں کرسکتا ہے۔

دوسری جانب ان کے مخالفین ہیں جو وقار ذکاء کے اس فیصلے کو مضحکہ خیز قرار دے رہے ہیں کسی کا خیال ہے کہ یہ محض ایک مذاق اور تفریح ہے وقار ذکاء نے پب جی گیم بحال ہونے کے بعد میمز کو سنجیدگی سے لے لیا ہے۔

یاد رہے پاکستان ٹیلی کمیونیکیشن اتھارٹی کی جانب سے کچھ عرصہ قبل مقبول ترین موبائل گیم پب جی پر پابندی عائد کی گئی تھی اور اس معاملے کو وقار ذکاء نے سوشل میڈیا ہر کافی بلند کیا تھا، جس کے بعد اس معاملے کو عدالت میں لے جایا گیا جہاں عدالت نے گیم کو ملک بھر میں دوبارہ بحال کرنے کا اعلان کیا جس پر سوشل میڈیا پر وقار ذکاء کی کوششوں اور ان کے مثبت کردار پر ان کو کافی پزیرائی حاصل ہوئی تھی۔