ترک حکومت نے اداکار عمران عباس کو خیر سگالی کا سفیر مقرر کردیا

پاک ترک دوستی، مشہور ومعروف پاکستانی اداکارہ اور ماڈل عمران عباس کو ترکی کی حکومت کی جانب سے سفیر برائے خیر سگالی مقرر کر دیا گیا ہے۔

تفصیلات کے مطابق گزشتہ روز سماجی رابطے کی ویب سائٹ انسٹاگرام سے جاری کردہ پیغام میں اداکار عمران عباس نے تمام مداحوں کو حکومت ترکی کی جانب سے انہیں پاکستان سے خیر سگالی کا سفیر منتخب ہونے کی خوش خبری سنائی۔

اس موقع پر اداکار عمران عباس کا کہنا تھا کہ ترک حکومت اور ان کی وزارت مذہبی امور (دیانت) کی جانب سے پاکستان سے خیر سگالی سفیر کے طور پر منتخب کیا جانا ان کے لیے ایک اعزاز ہے.

ماڈل اور اداکار عمران عباس نے مزید بتایا اس ہفتے انہوں نے ترکی کے نامور اداکاروں کے ساتھ تنزانیہ اور کئی افریقی ممالک کا دورہ کیا’۔ جہاں انہوں نے مقامی لوگوں میں پانی، خوراک، تعلیم اور دیگر ضروریات زندگی کا سامان فراہم کیا گیا۔ اس ہی کے ساتھ ساتھ مسلمانوں میں ہزاروں قرآن پاک بطور تحائف بھی دیئے گئے ہیں۔

جوں ہی اداکار عمران عباس کی جانب سے انسٹاگرام پوسٹ سے اپنے مداحوں کو اس خوش خبری سے آگاہ کیا گیا، مداحوں کی بڑی تعداد کی طرف سے ناصرف انہیں مبارکباد کے پیغامات بھیجے جارہے ہیں بلکہ ان کے لئے مزید نیک خواہشات اور تمناؤں کا بھی اظہار کیا جارہا ہے۔

واضح رہے اداکار عمران عباس چند روز قبل ترکی کے دورے پر تھے، جہاں انہوں نے کئی ترک فنکاروں کے ساتھ ملاقاتیں کی تھی، جس کی تصویریں انہوں نے سوشل میڈیا پر شئیر بھی کی تھیں۔ تاہم ان دنوں وہ ایک نجی ٹی وی چینل پر “باران رحمت” کے نام سے رمضان ٹرانسمیشن کر رہے ہیں۔

چند دن قبل اداکار عمران عباس کی جانب سے اپنے یوٹیوب چینل پر اپنی خوبصورت آواز میں قصیدہ بردہ شریف بھی پیش گیا تھا۔ جسے عام کی جانب سے خوب پسند کیا جا رہا ہے۔

یاد رہے عمران عباس نے اپنے اپنے شوبز کیرئیر کا آغاز 20 سال کی عمر میں ماڈلنگ سے کیا تھا جبکہ ڈرامہ کیرئیر کا آغاز انہوں نے سال 2003 میں “امراو جان ادا” سے کیا تھا۔ جس کے بعد گویا انہوں نے پلٹ کر ہی نہ دیکھا ہو، اپنی زبردست فنی صلاحیتوں کے باعث انہوں نے اپنی ایک الگ شناخت بنائی، آج ان کا شمار پاکستان کے صف اول کے اداکاروں میں ہوتا ہے۔ من و سلوی، ملال، میری ذات زرہ بے نشاں، خدا و محبت، اکبری اصغری دل منتظر اور دیگر ڈرامے اداکار عمران عباس کی فنی صلاحیتوں کا منہ بولتا ثبوت ہیں۔

اداکار عمران عباس نے سال 2013 میں ہدایتکار یاسر نواز کی فلم انجمن سے اپنے فلمی کیریئر کا آغاز کیا، ساتھ ہی بولی ووڈ میں اپنے کیرئیر کا آغاز فلم کریچکر تھری ڈی سے کیا، جس میں انہیں بطور مرکزی ہیرو بھارتی اداکارہ بپاشا باسو کے مدمقابل کاسٹ کیا گیا تھا۔