ہمارا میڈیا کس طرف جا رہا ہےشو میں تابش ہاشمی کی ذومعنی بات۔

مشہور کامیڈین اورٹی وی میزبان تابش ہاشمی کی ذومعنی بات پر لوگوں کی ننقید کا سامنا۔

مریم نفیس حال ہی میں ان کے شو ہنسنا منع ہے میں شریک ہوئی تھیں، جس میں اداکارہ کے ہمراہ دیگر سابق کرکٹرز بھی شریک ہوئے تھے۔

تابش ہاشمی نے پی ایس ایل کی اسپیشل ٹرانسمیشن میں مریم نفیس سے اپنی پسندیدہ فرنچائز کے حوالے سے سوال کیا ۔

مریم نفیس کا کہنا تھا کہ انہیں کراچی کنگز پسند نہیں، جس پر میزبان نے ان سے سوال کیا کہ کراچی کنگز کیوں پسند نہیں؟ جس پر اداکارہ نے کہا کہ بس ایسے ہی ان کی مرضی ہے۔

اس پر میزبان نے مزید اصرار کرتے ہوئے ان سے سوال کیا کہ آخر انہیں کراچی کنگز کیوں پسند نہیں؟ جس پر اداکارہ نے کہا کہ کیوں کہ کراچی والے پرفارم نہیں کرتے۔

Tabish Hashmi Havering Talk

اداکارہ کے جواب پر میزبان نے انہیں کہا کہ ان کے شوہر بھی کراچی سے ہیں، کیا وہ بھی پرفارم نہیں کرتے؟

تابش ہاشمی کے سوال پر مریم نفیس ہنس پڑیں اور شو میں موجود شائقین نے بھی تالیاں بجائیں جب کہ اداکارہ کے ساتھ بطور مہمان شرکت کرنے والے کرکٹرز بھی ہنس پڑے۔

بعد ازاں میزبان نے وضاحت کرتے ہوئے کہا کہ اداکارہ کے شوہر تو ہدایت کار ہیں، وہ کیوں پرفارم کریں گے؟ اس پر مریم نفیس نے ان کی تعریف کرتے ہوئے کہا کہ انہوں نے اچھی معاملے کو سنبھالا اور اگلی بار وہ شوہر کو ساتھ لے کر آئیں گی، میزبان یہ سوال ان سے ہی کریں۔

تابش ہاشمی کے نامناسب اور ذاتی تبصرہ کرنے پر ان کے مداح سخت الفاظ میں مذمت کررہے ہیں۔

بعض صارفین نے کہا کہ وہ ان کا پروگرام فیملی شو سمجھ کر دیکھتے تھے لیکن انہوں نے انتہا کردی

ایک صارف نے کہا کہ  اس قسم کی کامیڈی بدترین ہے اور انہیں اس سے لطف اندوز ہونے کے بجائے شرم آنی چاہیے۔

تابش ہاشمی ناشپاتی پرائم کے یوٹیوب شو ٹو بی ہونسٹ اور ہنسنا منع ہے کے ذریعے شہرت حاصل کی۔ فی الحال جیو کے لیے پی ایس ایل کی خصوصی ٹرانسمیشن پر کام کر رہے ہیں، تابش کا فی عرصے سےچھوٹی اسکرین پر اپنے ناظرین کو محظوظ کر رہے ہیں۔