اداکارہ سائرہ یوسف اور اداکار شہریار منور کے بولڈ فوٹو شوٹ کی تصویریں وائرل

مشہور و معروف اداکارہ و ماڈل سائرہ یوسف کی ایک بار پھر سے پاکستان شوبز انڈسٹری میں واپسی ہوگئی ہے۔ اداکارہ سائرہ یوسف نے اپنی دھماکے دار انٹری ایک میگزین کے بولڈ فوٹو شوٹ کے ساتھ کی۔ اس فوٹو شوٹ میں ان کے ساتھ معروف اداکار شہریار منور نے بھی حصہ لیا۔ تاہم اس فوٹو شوٹ کی تصویریں سوشل میڈیا پر وائرل ہونے پر کافی عوامی ردعمل سامنے آرہا ہے۔

تفصیلات کے مطابق حال ہی میں اداکارہ سائرہ یوسف اور اداکار شہریار منور ایک فیش اینڈ لائف اسٹائل میگزین کے لئے فوٹو شوٹ میں نظر آئے ہیں۔ اس فوٹو شوٹ میں سائرہ یوسف نے کچھ بولڈ انداز کا لباس پہن رکھا ہے، جبکہ سائرہ کی جانب سے دیئے گئے پوسٹ اور اسٹائل کو بھی انٹرنیٹ صارفین کی جانب سے بولڈ تصور کرکے کافی ناپسند کیا جارہا ہے۔

واضح رہے گزشتہ برس سوشل میڈیا پر سائرہ یوسف اور شہروز سبزواری کی ازواجی زندگی سے متعلق کچھ ناخوشگوار خبریں آئیں تھی تاہم اس وقت تو یہ باتیں دم توڑ گئیں تھیں تاہم رواں برس یہ خبر سامنے آئی کہ اداکار شہروز سبزواری اور سائرہ یوسف کے درمیان طلاق ہوگئی ہت، جس کے بعد شہروز سبزواری کی جانب سے ماڈل صدف کنول سے شادی کرلی گئی تھی، جس پر عوام نے ناصرف اداکار شہروز سبزواری کو بے انتہا تنقید کا نشانہ بنایا گیا تھا بلکہ پورے معاملے میں خاموشی اختیار کرنے پر سوشل میڈیا صارفین کی بڑی تعداد نے اداکارہ سائرہ یوسف کے ساتھ ہمدردی کا اظہار کیا تھا۔

تاہم بے انتہاء عوامی سپورٹ کے بعد اس طرح کے فوٹو شوٹ نے عوام اور سائرہ یوسف کے مداحوں کو کافی مایوس کیا۔ لہذا ردعمل کے طور پر ایک جانب ماڈل سائرہ یوسف کو کڑی تنقید کا سامنا کرنا پڑھ رہا ہے، کوئی مجموعی طور پر پاکستان شوبز انڈسٹری میں اداکاراؤں کے لباس کو لیکر تنقید کررہا ہے تو کسی کا خیال ہے کہ ایک بچے کے والدہ ہوکر ایسا شوٹ کروانا ٹھیک نہیں تو کسی نے تو شہریار منور اور سائرہ یوسف کی جوڑی کے حوالے سے تذکرہ شروع کردیا۔ تو دوسری طرف ناقدین کی جانب سے سائرہ یوسف اور شہریار منور کے حوالے سے مختلف میمز بھی شئیر کئے جارہے ہیں۔

واضح رہے اداکارہ سائرہ یوسف کی لیجنڈری اداکار بہروز سبزواری کے بیٹے شہروز سبزواری سے سال 2012 میں شادی ہوئی تاہم سال 2019 میں دونوں کے بیچ طلاق واقع ہوگئی، اس دوران دنوں کی ایک چھے سالہ بیٹی بھی ہے جس کا نام نورے ہے۔