اداکارہ وینا ملک نے سوشل میڈیا کو خیر آباد کہہ دیا

پاکستانی مشہور و معروف شوبز اداکارہ اور ٹی وی میزبان وینا ملک نے سوشل میڈیا سے دوری اختیار کرلی ہے۔ سوشل میڈیا پر کافی متحرک رہنے والی اداکارہ وینا ملک نے گزشتہ روز سوشل میڈیا کی ویب سائٹ ٹوئٹر پر اپنے جاری کردہ پیغام میں سوشل میڈیا کو خیرآباد کہہ دیا۔

سوشل میڈیا کی ویب سائٹ ٹوئیٹر پر سیاسی معاملات میں کھل کر تجزیہ کرنے والی اداکارہ وینا ملک نے اپنے گزشتہ روز یعنی بدھ کو اپنے ٹوئیٹر اکاؤنٹ سے بذریعہ ٹوئٹ اس بات کا اعلان کیا کہ وہ اب غیر معینہ مدت کے لئے سوشل میڈیا چھوڑ رہیں ہیں یا دوری اختیار کررہیں ہیں۔

شوبز اداکارہ وینا ملک کی جانب سے سوشل میڈیا چھوڑنے کے حوالے سے کوئی مزید وضاحت یا وجہ نہیں بتائی گئی ہے اور نہ ہی اس حوالے سے کوئی ٹھوس اور مستند خبر آرسکی ہے کہ ان کی سوشل میڈیا سے دوری کی اصل وجہ کیا ہے۔

تاہم سوشل میڈیا پر صارفین اس حوالے ہیں کافی حیران، ہر کوئی مصروف ہے اپنا اپنا اندازہ لگانے میں۔ کوئی کررہا ہے خوشی کا اظہار تو کسی کو ہے خوب افسوس۔

واضح رہے کہ سوشل میڈیا پر 24 جون کو آخری ٹوئیٹر پوسٹ میں اداکارہ وینا ملک نے چئیرپرسن پاکستان پیپلزپارٹی بلاول بھٹو کو شدید تنقید کا نشانہ بناتے ہوئے لکھا تھا کہ جہاں سوال پیدا نہیں ہوتا وہاں بلاول جیسے پیدا ہوجاتے ہیں۔ ساتھ ہی وینا ملک ماضی میں ناصرف ملک کے سیاسی معاملات پر سوشل میڈیا پر اپنی رائے دیتی آئی ہیں بلکہ دشمن ملک بھارت کے حوالے سے بھی اپنی رائے مختلف انداز میں دیتی رہیں ہیں اور پاکستانی موقف کا کھل کر دفاع بھی کرتی آئیں۔

وینا ملک نے ماضی میں اس بات اعتراف بھی کیا ہے کہ وہ جلد سیاست میں آئیں گی۔ ابھی اس کے لئے اپنے آپ کو تیار کر رہیں ہیں۔ ان کے والد کی خواہش تھی کہ وہ سیاست میں آئیں لہذا وہ خود سے اس چیز کی کوشش کررہیں ہیں کہ وہ اپنے والد کی خواہش کو پورا کرسکیں۔

البتہ اگر ٹوئیٹر کے حوالے سے بات اگر کرلی جائے تو شوبز اداکارہ وینا ملک نے ماضی میں اس بات کا دعویٰ کیا تھا کہ ان کا اور موجودہ وزیراعظم عمران خان کا ٹوئیٹر اکاؤنٹ پاکستان میں ٹوئیٹر کی جانب سے سب سے پہلے ویریفائیڈ کیا تھا بعدازاں ان کا وہ اکاؤنٹ ہیک جس کو انہوں نے خود سے بند کروا دیا تھا۔ اگرچہ ان کا یہ بھی دعویٰ تھا کہ اس ٹوئیٹر اکاؤنٹ پر ان کے 30 لاکھ کے قریب فالورز تھے۔