شہروز سبزواری نے اہلیہ کے لیے دعا کرنے کی درخواست کردی

شہروز سبزواری اور صدف کنول شوبز انڈسٹری کی مشہور ترین جوڑیوں میں سے ایک ہیں جنہیں شادی کے بندھن میں بندھنے کے بعد زبردست تنقید کا سامنا کرنا پڑا، پھر بھی وہ کچھ ہی وقت میں سب سے زیادہ پسند کی جانے والی جوڑی بننے میں کامیاب ہوگئے۔

حال ہی میں یومِ آزادی کے حوالے سے منعقد کی گئی ایک تقریب میں صحافی نے شہروز سبزواری سے اہلیہ سے متعلق سوال کیا جس پر انہوں نے بتایا کہ اہلیہ صدف  کنول گھر پر ریلیکس کر رہی ہیں کیوں کہ انہیں ان دنوں آرام کی ضرورت ہے۔

اس موقع پر شہروز سبزواری نے دوران گفتگو مداحوں سے اہلیہ کے لیے دعا کرنے کی بھی درخواست کی اور بتایا کہ انشاءاللہ جلد بچے کی خوشخبری سنائیں گے۔ انہوں نے کہا کہ مجھے بچے بہت پسند ہیں اور یہی وجہ ہے کہ میں دوسرے بچے کے لیے خاصا پرجوش ہوں، بچے کی پیدائش کے لیے پروڈیوسرز سے 10 سے 15 دن کی چھٹی بھی مانگ رہا ہوں لیکن فی الحال ابھی تک نہیں مل سکی ہے۔ شہروز سبزواری کا مزید کہنا تھا کہ میں 24 گھنٹے بچوں کی دیکھ بھال کرسکتا ہوں۔

خیال رہے کہ سائرہ یوسف اور شہروز سبزواری نے 2012 میں شادی کی تھی اور دونوں کی ایک بیٹی نورے ہے۔ دونوں کے درمیان مارچ 2020 میں طلاق ہوگئی تھی، جس کے چند ہفتوں بعد شہروز سبزواری نے ماڈل صدف کنول سے شادی کی کرلی جبکہ سائرہ یوسف نے تاحال شادی نہیں کی ہے۔ لیکن طلاق کے باوجود یہ دونوں والدین اپنی بیٹی کی پرورش میں اپنا کردار بخوبی ادا کررہے ہیں۔

اس سے قبل احسن خان کے شو میں شہروز سبزواری نے بھی اپنی بیٹی کےحوالے سے بتایا تھا کہ نورے اپنی والدہ سائرہ کے ساتھ رہتی ہے اور وہ اُس کی بہت اچھی تربیت کررہی ہے۔ شہروز سبزواری نے کہا تھا کہ اولاد کی تربیت ماں سے اچھی کوئی نہیں کرسکتا ہے اور سائرہ نے نورے کی بہت اچھی تربیت کی ہے۔

شہروز سبزواری نے سائرہ یوسف سے علیحدگی کے بعد ماڈل صدف کنول سے دوسری شادی کی تاہم سائرہ سے ان کی ایک بیٹی بھی ہے جو کہ اس جوڑی میں طلاق کے بعد اپنے والد شہروز سبزواری اور والدہ سائرہ یوسف دونوں کے پاس رہتی ہے۔ جبکہ شہروز سبزواری کی سابقہ اہلیہ ماڈل و اداکارہ سائرہ یوسف کا شمار پاکستان کی باصلاحیت اداکاراوؤں میں کیا جاتا ہے سائرہ یوسف شہروز سبزواری سے طلاق کے بعد کچھ عرصہ ٹیلی ویژن اسکرین سے غائب رہیں لیکن اب انہوں نے دوبارہ ماڈلنگ اور ایکٹینگ کا باقاعدہ آغاز کردیا ہے اور وہ ندیم بیگ کی ہدایت کاری میں بننے والے نئے ڈرامہ سیریل ‘صنف آہن’ میں آرزو کا کردار بخوبی نبھاتی نظر آئیں۔