شان شاہد کی بغیر شرٹ کی تصاویر پر لوگوں کی تنقید

پاکستان کے معروف اداکار شان شاہد نے حال ہی میں اپنی فٹنس کی جدوجہد کے حوالے سے سوشل میڈیا پر تصاویر شیئر کی ہیں جو وائرل ہو رہی ہیں۔

Shaan Shahid Shirtless Photos

شان نے حال ہی میں اپنے آفیشل فیس بک اکاؤنٹ پر مداحوں کے ساتھ اپنی فٹنس شیئر کی، ان کی پوسٹ کی گئی تصاویر میں انہیں اپنے باتھ روم میں شاور لیتے بنا شرٹ کے دیکھا گیا۔ پوسٹ کے کیپشن میں شان شاہد نے لکھا کہ ’’آپ کا سفر ورزش کے بعد ختم نہیں ہوتا، یہ تو صرف شروعات ہے‘

اداکار کو صارفین کی جانب سے ان تصاویر پر ملا جلا ردعمل ملا۔کچھ لوگوں نے شان کی فٹنس جرنی کو سراہا جبکہ کچھ افراد نے انہیں تنقید کا نشانہ بناتے ہوئے انہیں شرٹ لیس پوسٹ پر آڑے ہاتھوں لیا۔صارفین کی جانب سے ملنے والی اس تنقید کے بعد شان شاہد بھی خاموش نہ رہ سکے اور ردعمل کا اظہار کردیا

مذید پڑھیئں

سید نور اور جاوید شیخ کا لڑکیوں کو پھسانے میں مقابلہ

سوشل میڈیا صارفین کی جانب سے تنقید ملنے پر شان شاہد نے اس پر ردعمل دیتے ہوئے کرتے ہوئے ایک پیغام سوشل میڈیا پر پوسٹ کیا ہے جس میں انہوں نے ٹرولز کا بھرپور جواب دیا۔

۔شان شاہد نے تنقید پر ردعمل دیتے ہوئے لکھا کہ ’مردوں اور عورتوں کو خالق نے برابر بنایا ہے، لیکن دونوں کو مختلف تحفے دیے ہیں۔ مردوں کو جسمانی طاقت جبکہ عورتوں کو خوبصورتی، صبر، نرمی، طاقت اور حیا کی دولت عطا کی گئی ہے۔

انہوں نے مزید کہا کہ’میں 50 سال کی عمر میں اسکرپٹ کے مطابق اپنی شکل بدلنے کی کوشش کرتا ہوں، یہ میرا کام ہے۔ خدا کا شکر ہے کہ مجھے صحت اور جسم کی دیکھ بھال کرنے کی طاقت ملی ہے۔‘انہوں نے اس بات پر بھی روشنی ڈالی کہ دنیا میں مردوں کو شرٹ لیس ہونے کا حق حاصل ہے، اور اگر کوئی اس حق کو بدلنا چاہے تو وہ اپنے خیالات پوسٹ کر کے اس کا اظہار کرسکتا ہے‘۔

اس کے علاوہ انہوں نے کہا کہ بہت سے لوگوں کو ان حقوق سے مسئلہ ہو، لیکن میں نے یہ معاشرہ نہیں بنایا، میں اس کا صرف ایک حصہ ہوں۔ تاہم، اگر کوئی اسے تبدیل کرنا چاہتا ہے، تو وہ خوش آمدید ہیں۔ میں یقین سے کہہ سکتا ہوں کہ ان کی پوسٹ میری پوسٹ سے زیادہ وائرل ہوگی۔‘